1 Korinti 15:4 - Dadiya NT

⁴ Nǝngɔ ja fʌl gǝnɨ. A gun a kum na taalɔ gǝm kanga langǝn bwangǝn Kwaamaɨ a sʊwaɨ.

1 Korinti 15:4 Referans Kwoze

Matta 12:40

Kanga Yunana a maa kumɔ taal a mʊgɔ fʌl jʌngi dʊʊnɨ, Bʊla Nǝlɨ maa kumɔ taal, kum jǝbɔ kɔkɔ a mʊgɔ tǝm.

Ibranii 13:20

Bɛ Kwaama nɨ nǝ yɨm kwamɨgǝn nɛɨ, wʊnɨ a gung Tɛlalɔ bǝn Yesu a bwaaɨ, gʌleng nǝ tɔɔtǝm kwamɨ nɨ a gola tʊʊm nɨ nʊng swatǝm yaa nɨ lɛ mɨ dɨtǝm woi,

Roma 6:4

Ja fʌl bǝn bǝnɔ gɔ a gola yʊtǝm mwɛ sagsag a mʊgɔ bwaa gǝnɔ gǝm, sǝ bǝ yɨ yɨm fɨ kanga ja gung Kiristi a bwaaɨ a gola dʊʊlǝn Tɛtɛɨ.

Luka 24:46

Nǝngɔ a sʊwa ji gɔ, “Jʊ nɨ nǝn gɔ jʊ ja mʊlaɨ, Kiristi nɔɔ nɔɔ gaalan sǝ a gun a bwaagɔ gǝm a kum na taal.

Luka 24:26

A yǝlam nyɔ Kiristi a nyʊwa gaalan jʊtǝb nɨ sǝla a dɔ mʊgɔ dʊʊlǝn gǝnɔ.”

Luka 9:22

Nǝngɔ a sʊwa gɔ, “Bʊla Nǝlɨ nɔɔ nɔɔ gaalan a kanjǝlɔ a gǝlala. Dʊʊmɔ, jǝbɔ dʊʊm nǝbkǝlamɔ, jǝbɔ nǝb mɛlalɨ diilɔ jǝ kɔ ɨ kɔ ɨ, ja jʌ i. A kum na taalɔ gǝm, mǝ gun gun nǝn dʊʊmɨ.”

Kolosii 2:12

Ja fʌl jen jǝbɔ gɔ a gola yʊtǝm mwɛ sagsag, ja gung jen jǝbɔ gɔ a gola nǝtǝm bɨlǝngkɛl a kwaan Kwaamaɨ, wʊnɨ a gung gǝn a bwaaɨ.

Maajɨ Bɛtɔ Twamagɨɨ 17:31

A ya kum nɨ ba gǝ maam yooligɔ gǝm borang bɨlǝngkɛl lɛɨ, a daagɔ nʊ nɨ ga jǝgǝmɨ. Kwaama a nʊng nǝbɔ gwam jʊ nɨ a daagɔ nʊ nɨ a gung a bwaaɨ.”

Maajɨ Bɛtɔ Twamagɨɨ 1:3

A gul bwaa gǝnɔ gǝm, a nʊng dul gǝnɔ a golantɨnɔ gǝm nǝn dʌmʌn naagɔ a gǝlala a daa ji woi, sǝ a nʊng ji gɔ, gǝ nǝn kʊlɨ. A maa kumɔ fʊltǝnaal nʊng dul gǝnɔ lɛ. Sʊwa kɛlɔ lɛ a dul kanjǝl fɔlɔn lɔ Kwaamaɨ.

Markus 9:31

jʊ a bwɨɨ, mɛla bɛtɔ mɛlalɨ gǝnɔ gǝm lɛ. A sʊwa ji gɔ, “Jǝ nǝ nǝ Bʊla Nǝlɨ a kang nǝfitʌmi. Jǝ jʌ gǝn jʌ. Na ja jʌ gǝnɨ, a kum na taalɔ gǝm, gun gun.”

Matta 20:19

Sǝla ja nǝ Bʌtʌbɔ, sǝ ja mog gǝn, ja tʊm gǝn, ja kʊʊ gǝn a dʌbʌl tɨya kʊʊtǝm. A kum na taal gun gun.”

Matta 16:21

A kumtɨn gɔ, Yesu a tǝl fɛta bɛtɔ mɛlalɨ gǝnɔ kɛlɔ lɛ gɔ, “A yǝlam nyɔ n yɔ a Urushalima, mǝ nɔɔ nɔɔ gaalan nǝn dʌmʌn a kang nǝb dʊʊmɨ, jǝbɔ dʊʊm nǝbkǝlamɔ jǝbɔ nǝb mɛlalɨ diilɔ. Jǝ jʌ i jʌ i. A kum na taalɔ gǝm, mǝ gun gun nǝn dʊʊmɨ.”

1 Bitrus 1:11

Jǝ fɨɨ lɛ kɛna n di wɛ, jǝbɔ kɔkɔ won tag jʊ nɨ bwɨm lɛɨ. Nǝn gɔ kwamagɔ Yʊwa Kiristi Yesui a nǝl jin sʊwa lɛɨ, nǝn kwamagɔ a sʊwa gaalanɔ Kiristi nɔɔ lɛɨ, jǝbɔ dʊʊlǝnɔ bwangtǝn nɛɨ.

Yohana 19:38

Bwangtǝn nɛɨ, Yusufu bwɛ Arimatiyaɨ a kela Bilatus gɔ a nǝ gǝn bʌlʌn Yesui. Yusufu n bwɛ mɛlalɨ Yesui, wʊnɨ a nʊng bɔ dul gǝnɨ, nyʊwa taal Yahudawagɨɨ lɛ. Bilatus tǝgǝn a jǝla gǝm. Nǝngɔ a do bʌlʌn Yesui.