1 Korinti 14:1 - Dadiya NT

¹ Jǝ́ kwam tʌgo a swɨkanɔ gǝm. Jǝ́ ya kwaan a saatǝm kanjǝl nǝtǝm lǝma Yʊwa. Jǝ́ do kuwotǝmkǝgagɔ a laa ji.

1 Korinti 14:1 Referans Kwoze

1 Korinti 14:39

Kambɔ, bɛ jǝ́ ya kwaan jenɔ a kuwotǝmkǝga. Ka jǝ́ kaa lɛ nǝ sʊwatǝm kɛl nǝn kaam nyiyo.

Ibranii 12:14

Jǝ́ yɨ yɨm kwamɨgǝn jǝbɔ nǝbɔ pʌd. Bɛ jǝ́ yɨ yɨm sagsag. Na mɨ nyɨɨ, mɨ nʊ nɨ wo kuwo Tɛlalɔ lɛɨ.

1 Timoti 4:14

Bɛ ka ń bǝla lɛ lǝma nɨ ja nǝ ńɨ, wʊnɨ ja nǝ ń a kuwotǝmkǝgaɨ, nǝn kwama nɨ mʊrkalɨ nǝb dʊʊm bwangtǝmɔ a ya mʊn kangɨ.

1 Korinti 16:14

Gwam jʊ nɨ jǝ́ maa lɛɨ, jǝ́ maa nǝn swɨkan.

1 Korinti 12:1

A kǝngkɔ kambɔ, a kɛl nǝtǝm lǝma Yʊwa Kwaamaɨ, mǝ swɨ bɔ jǝ́ lɛ nyǝmtǝm.

1 Korinti 13:13

Kǝngkɔ kanjǝlɔ taal a yɨɨ, nǝtǝm bɨlǝngkɛl, jǝbɔ yatǝm nǝl, jǝbɔ swɨkan. Nʊ a laa ji gwamɨ n swɨkan.

1 Tasalonikaɨ 5:20

Ka jǝ́ soga lɛ kɛl kuwotǝmkǝgagɔ.

1 Timoti 6:11

Mɔ bwɛ jwaalɛ Kwaamaɨ, bɛ ń mwal bwɨlang kanjǝl nɨ. Bɛ ń dǝg dul mʊnɔ a maajɨ nɨ dǝngdǝngɨ, jǝbɔ bwangtǝm Kwaamaɨ, jǝbɔ nǝtǝm bɨlǝngkɛl, jǝbɔ swɨkan, jǝbɔ kʊtǝm nǝl, jǝbɔ yʌbtǝm dul.

1 Korinti 14:37

Na kaa nǝl do dul gǝnɔ lɛ gɔ gǝ nǝkuwotǝmkǝgaɨ, na gǝ na nǝn nǝtǝm lǝma Yʊwaɨ, bɛ ga nyǝm, jʊ nɨ mǝ mʊla jem lɛɨ n diil a daagɔ Tɛlalɔ woi.

1 Timoti 5:10

Bɛ a yǝlam nʊ nɨ ja nyǝm gǝn nǝn maajɨ nyanɨ, nʊ nɨ bwa bɛtɔ lɔ gɨɨ lɛ dangǝnɨ, nʊ nɨ dʌng faabǝm lɛɨ, nʊ nɨ saal naa nǝb sagsagɔ lɛɨ, nʊ nɨ tɨka nǝb nɨ lɛ a mʊgɔ gaalanɨ, nʊ nɨ maa maajɨ nɨ lɛ gwam na a nyaɨ.

Afisa 1:3

Bɛ bǝlátǝmɔ a ta tʌgo gwanggwang a daagɔ Kwaama woi, Tɛtɛ Tɛlalɔ bǝn Yesu Kiristi, wʊnɨ a nǝ bǝn bwili Yʊwagɔ gwam a dʌbʌli, a mʊgɔ Kiristii.

1 Korinti 12:31

Bɛ jǝ́ saa nǝtǝm lǝma nɨ a laa jii. Mǝ nʊng jen nʊng gola nɨ a laa jii.

3 Yohana 1:11

Fwalɨ nyan mǝndɨ, ka ń banga lɛ bwɨlang maajɨ. Bɛ ń mɛla maajɨ nyan. Nʊ nɨ maa maajɨ nyan nɛɨ, na a Kwaamaɨ. Nʊ nɨ maa maajɨ bwɨla lɛɨ, a nyǝm bɔ Kwaama.

2 Bitrus 1:7

A dul nǝl a Kwaamaɨ, jǝ́ sʊtǝn nǝn swɨtǝm kambɨɨ. A dul swɨtǝm kambɨɨ, jǝ́ sʊtǝn nǝn swɨkan tag.

Roma 12:6

Kanga bǝ nǝngǝn nǝn nǝtǝm lǝmagɔ nǝn dʌmʌn dǝngdǝng kanga Kwaama a nǝ bǝn lǝma nɨɨ, bɛ bǝ maa maajɨ nǝn. Na nǝtǝm lǝma bǝnɔ na maajɨ kuwotǝmkǝgaɨ, bɛ bǝ maa kuwotǝmkǝgagɔ dǝngdǝng a nǝtǝm bɨlǝngkɛl bǝnɔ gǝm.

2 Timoti 2:22

Bɛ ń mwal swɨtǝm kanjǝl dǝlatǝm nu a lɔ bwayǝlɨ. Saa maajɨ nɨ dǝngdǝngɨ, jǝbɔ nǝtǝm bɨlǝngkɛlɔ, jǝbɔ swɨkanɔ, jǝbɔ yɨm kwamɨgǝn. Bɛ ń maa nyɔ mɔ jǝbɔ nǝb nɨ jo Tɛlalɔ lɛ nǝn nǝl sagsagɨɨ.

Roma 9:30

N wɛ bǝ sʊwa lɛ tagɨ? Nǝb nɨ n Bʌtʌb ja saa bɔ dǝngdǝng Kwaamaɨ n wɔ ja nya. Ja nya dǝngdǝng nɨ a gola nǝtǝm bɨlǝngkɛl.

Roma 14:19

Bɛ bǝ sʊtǝn kwaan sǝ bǝ maa jʊ nɨ bɛ lɛ nǝn yɨm kwamɨgǝn jǝbɔ sʊbkatǝm kwaanɨ.

1 Korinti 13:2

Na mǝ maa maa kuwotǝmkǝgaɨ, na n nyǝm jʊ nɨ ja yʊ yʊɨ, jǝbɔ nyǝmtǝmɔ gwamɨ, na mǝ nǝn nǝtǝm bɨlǝngkɛl dangǝnɨ, wʊnɨ mǝ sʊwa tuligɔ lɛ mǝʊ a bǝla daa tɨm gǝnɨ, na mɨ mǝ nǝn swɨkanɨ, mǝ ke bɔ kaa jǝl.

1 Korinti 14:22

Nyiyotɨnɔ n jǝ nʊngtǝm, ke bɔ a daa nǝb nǝtǝm bɨlǝngkɛlɔ woi, na a nǝb nɨ a nǝ bɔ bɨlǝngkɛlɨ. Kuwotǝmkǝga gɔ na a nǝb nǝtǝm bɨlǝngkɛlɨ, ke bɔ a nǝb nɨ a nǝ bɔ bɨlǝngkɛlɨ.