1 Korinti 13:7 - Dadiya NT

⁷ Swɨkanɔ gǝ dǝg dǝg bwatǝm nǝl kwangkwang, jǝbɔ jǝlakatǝm kwangkwang. Nǝngǝn nǝn yatǝm nǝl a kanjǝlɔ gǝm gwam kwangkwang, jǝbɔ kʊtǝm nǝl a kanjǝlɔ gǝm kwangkwang.

1 Korinti 13:7 Referans Kwoze

1 Bitrus 4:8

Jʊ a laa bʊmǝnɨ, bɛ jǝ́ maa swɨkatǝm a kʊm jen nǝn nǝlɔ win, jʊ a bwɨɨ, swɨkanɔ gǝ kǝlǝm kǝlǝm bwɨlangkɛl a lada.

1 Korinti 13:4

Swɨkanɔ gǝ dǝg dǝg bwatǝm nǝl jǝbɔ nǝl lǝmǝn. Swɨkanɔ mɨ gǝ maa nungon nɛ, mɨ gung dul lɛ.

2 Timoti 2:24

Bwɛ jwaalɛ Tɛlalɔɨ mɨsɔ yǝlam nǝ saatǝm kɨlan nɛ. Bɛ a yǝlam nǝ maatǝm jǝ nya a daagɔ nǝbɔ woi, jǝbɔ nʊ nɨ a nyǝm mɛlalɨɨ, jǝbɔ nǝ kʊtǝm nǝl,

1 Bitrus 2:24

Gǝ nǝn dul gǝn a dem bwɨlangkɛltɨn bǝnɔ a bʊtɔ gǝn a dʌbʌl tɨya kʊʊtǝm, sǝ bǝ yɨ yɨm bǝnɔ bʌlʌn a bwɨlangkɛl, nyatǝm kʊlɨ tag a dǝngdǝng. N kɛl dul dɛɛbǝl gǝnɔ ja gung jeni.

1 Korinti 9:12

Na kaamɨ nya nya gola a maa nyɨɨ, nǝn laa ji bɔ kwaan maatǝm nyɔ ka? Nǝn maa bɔ maajɨ nǝn gola nɨ nǝn nyaɨ. Nǝn kʊ nǝl nǝn kanjǝlɔ gwam, kage nǝn bɛ nǝn jʊ nɨ kal maajɨ kiyotǝm fulon kɛl lǝmɨ Kiristii lɛɨ.

Galatiya 6:2

Jǝ́ tɨkaka a mʊgɔ gaalan. Maatǝmɔ nyɨɨ, jǝ́ yii yii diil Kiristii.

2 Timoti 4:5

Mɔ, bɛ ń ta dul mʊnɔ a golantɨnɔ gǝm gwam. Kʊ nǝl a nɔɔtǝm gaalan. Maa maajɨ maltǝm nyiyo fulon kɛl lǝmɨgɔ lɛ. Yii maajɨ mʊnɔ.

Yakubu 1:12

Bwiligɔ na a nʊ nɨ a kʊ nǝl a mʊgɔ gaalan gǝnɔ gǝmɨ, jʊ a bwɨɨ, yo yo lǝma kʊlɨ nɨ mɨ dɨtǝm woi, wʊnɨ Kwaama a maa swatǝm yaa gɔ gǝ nǝ nǝ nǝb nɨ gwam swɨ gǝn nɛɨ.

2 Tasalonikaɨ 1:4

A dul kɛl nɨ, nǝn nǝn dul nǝn, n lɨyal nǝn maa lɛ nǝn jen a mʊgɔ mʊrkalɨtɨn nǝb bwangtǝm Kwaamaɨ, n kɛl kʊtǝm nǝl jenɔ, jǝbɔ nǝtǝm bɨlǝngkɛl jenɔ a mʊgɔ gaalan jenɔ nɨ jǝ́ nɔɔ lɛɨ, jǝbɔ gʌtǝm nɨ jen a mʊgɔ gǝnɨ.

2 Timoti 3:11

Ń nyǝm gʌtǝmɔ jǝbɔ gaalanɔ mǝ nɔɔ tagɨ, wʊnɨ a nya ɨ a Antakiya, jǝbɔ Ikoniya jǝbɔ Listiraɨ, gaalan nɨ mǝ kʊ nǝlɨ. Tɛlalɔ a jǝg ɨ a kʊm jin pʌd.

Roma 15:1

Bǝn nɨ bǝ kwam a nǝtǝm bɨlǝngkɛlɨ, bɛ bǝ do tuulogɔ, bǝ tɨka nǝb nɨ a kwam bɔ a nǝtǝm bɨlǝngkɛlɨ. Bǝ maa nyɔ sǝ bǝ fulo jim nǝl, ke bɔ dul bǝn.

Matta 10:22

Nǝbɔ kɔ jen kɔ a kɛl dul mɨ. Nʊ nɨ a kʊ nǝl a yɔ nǝn a dɨltǝmɨ, bʊʊ bʊʊ.

Ibranii 13:13

A dul kɛl nɨ, bɛ bǝ jel tǝbǝn ya bǝ nya gǝn a gulen, sǝ bǝ nɔɔ gaalanɔ ja nǝ gǝnɨ.

Roma 8:24

A nǝ bǝn yatǝm nǝl nɨ kwama bǝ nya bʊʊtǝmɨ. Na bǝ ya nǝl a jʊ nɨ bǝ kuwoi, n ke bɔ yatǝm nǝl. Nuwo ya nǝl lɛ a jʊ nɨ a kwɛl a nyaɨ?

Markus 9:23

Nǝngɔ Yesu a bʌ gǝn gɔ, “Mɔ na mǝ dwal dwalɨ nɔɔ? Kanjǝlɔ gwam maa maa a daagɔ nʊ nɨ a nǝ bɨlǝngkɛlɨ.”