Biblia Todo Logo
Bib sou entènèt

- Piblisite -




1 Korinti 13:4 - Dadiya NT

4 Swɨkanɔ gǝ dǝg dǝg bwatǝm nǝl jǝbɔ nǝl lǝmǝn. Swɨkanɔ mɨ gǝ maa nungon nɛ, mɨ gung dul lɛ.

Gade chapit la Kopi




1 Korinti 13:4
53 Referans Kwoze  

Jʊ a laa bʊmǝnɨ, bɛ jǝ́ maa swɨkatǝm a kʊm jen nǝn nǝlɔ win, jʊ a bwɨɨ, swɨkanɔ gǝ kǝlǝm kǝlǝm bwɨlangkɛl a lada.


Bɛ ya jǝ́ maaka jǝ nyan nɛ, jǝ́ jika bʊnǝn nɛ, jǝ́ kǝlǝmka lɛ kanga Kwaama kǝlǝm jem lɛ a gola Kiristii.


Gǝ na nyɔ, bɛ jǝ́ do nǝl bʊnatǝm, jǝbɔ maatǝm jǝ nya, jǝbɔ shigtǝm dul, jǝbɔ yʌbtǝm dul, jǝbɔ kʊtǝm nǝl, kanga jǝ́ nǝbɔ Kwaama a jǝgamɨ, nǝb sagsag, nǝbɔ Kwaama swɨ lɛɨ.


Jǝ́ fatǝm nyan mǝndɨ, kanga Kwaama swɨ bǝn nɛɨ, bǝn tǝbǝn bɛ bǝ swɨka nyɔ.


A dɨltǝmɔ gǝm, gwam jenɔ, jǝ́ yɨ yɨm mʊrkatǝm dul a kʊm jen. Jǝ́ yǝlam nǝb jikokatǝm bʊnǝn. Jǝ́ yǝlam nǝb swɨkatǝm, jǝbɔ nʊngtǝm nǝl lǝmǝn, jǝbɔ yʌbtǝm dul.


Nǝn kel jen kambɔ, jǝ́ gʊ nǝb sʊlagɔ gǝm lɔl. Jǝ́ kʊʊ nǝb nɨ mɨ nǝn kwamǝn nǝlɨ gǝm nǝl. Jǝ́ tɨka nǝbɔ a gɨyaɨ. Jǝ́ kʊ nǝl jǝbɔ nǝbɔ gwam.


A dul nǝl a Kwaamaɨ, jǝ́ sʊtǝn nǝn swɨtǝm kambɨɨ. A dul swɨtǝm kambɨɨ, jǝ́ sʊtǝn nǝn swɨkan tag.


Kwangkwang bɛ jǝ́ yɨ nǝn shigtǝm dul nyangǝn jǝbɔ yʌbtǝm dul, jǝbɔ kʊtǝm nǝl, jǝ́ bwabka nǝl lɛ a mʊgɔ swɨkan.


Nǝn nʊng nǝn bɛtɔ jwaalɛn Kwaamaɨ a gola sagsag, jǝbɔ nyǝmtǝm, jǝbɔ kʊtǝm nǝl, jǝbɔ maatǝm jǝ nya, nǝn maa a gola Yʊwa Kwaamaɨ, jǝbɔ swɨkan nya.


Bɛ Kwaama a kwam jem nǝl nǝn kwaan dʊʊn gǝnɔ, sǝ jǝ́ bwa nǝl, jǝ́ kʊ nǝl nǝn fulotǝm nǝl.


Ka bǝ yǝlam lɛ nǝb dʊʊlǝn dul. Ka bǝ tǝlka lɛ kutʌm. Ka bǝ maaka lɛ nungon.


Kambɔ, a kɛl dul kanjǝl nɨ, mǝ nʊng dul mɨ nǝbɔ Afolos a kɛl dul jen, sǝ jǝ́ mɛla jʊ kɛl nɨ nʊng lɛɨ a daa nǝn woi. Kɛl nɨ sʊwa lɛ gɔ, “Ka jǝ́ shu lɛ mʊlalɨgɔ.” Jǝ́ maa nyɔ kage kaa nǝl a maa lɨyal nǝn kaa nǝl gɔ, a laa kaa nǝl.


Bɛ ń kiyo kɛl Kwaamaɨ. Bɛ ń fɛka kwangkwang kum jǝbɔ kɔkɔ. Fɛka nǝbɔ lɛ. Mʊ gʊ jim lɔl lɛ. Mʊ kʊʊ jim nǝl lɛ nǝn bwatǝm nǝl jǝbɔ mɛlalɨ.


Mɔ, ń kwɛl ń nyǝm nyǝmɨ mɛlalɨ mǝndɨ, jǝbɔ gola yɨm mǝndɨ, jǝbɔ jʊ mǝ swɨ maatǝmɔ lɛɨ, jǝbɔ nǝtǝm bɨlǝngkɛl mǝndɨ, jǝbɔ kʊtǝm nǝl mǝndɨ, jǝbɔ swɨtǝm mǝndɨ, jǝbɔ bwatǝm nǝl mǝndɨ.


A dul kɛl nɨɨ, jǝ́ bǝla maatǝm shilɔ wo, jǝbɔ swagkatǝmɔ, jǝbɔ maatǝm fento, jǝbɔ nungon, jǝbɔ tuwolkatǝmɔ gwam.


Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.


A bɛ nǝn a kǝngkɨɨ, jǝ́ na a bʊʊlalɨ nǝfitʌmi. Na nungon wo jǝbɔ gʊbkatǝm a kʊm jeni, jǝ́ ke bɔ a yooli ka? Ke bɔ maajɨ bʊtɔ jǝ́ maa lɛɨ ka?


“Tʊgalam nɨ maa nungon nɛ jǝbɔ kɨla ji Yusufu. Nǝngɔ ja miyo gǝnɨ, nǝngɔ nǝb nɨ a ten gǝnɨ, a shu nǝn gɔ a Masarɨ. Kanjǝl nɨ a bwɨ nyɔ sul, Kwaama dakini jǝbɔ gɔ.


jǝbɔ nʊ nɨ dǝg nǝb kɔtǝm mɛlalɨ gǝnɔ lɛ a golaɨ. Kɛna Kwaama nǝ ji gola lɛ ja yǝla ja bǝla bwɨlangkɛl jinɔ, ja nyǝm bɨlǝngkɛlɨ.


Dʊʊlǝn dulɔ a la gǝm daa, a nyǝm bɔ kaa jǝl. Nǝngǝn nǝn tatǝm kʊshɨn jǝbɔ gʊbkatǝm a dul kɛltɨn nǝn kwan, wʊnɨ gǝ bɛ lɛ nǝn nungon, jǝbɔ tʊlǝmɨ, jǝbɔ kalkatǝm dun, jǝbɔ nyǝmatǝm kanjǝl nɨ mɨ dǝngdǝngɨ.


Kǝngkɔ a kɛl dul jǝjalǝn nɨ ja tǝlam shomɔ gǝm twamaɨ, bǝ nyǝm pʌd bǝnɔ bǝ nǝngǝn nǝn nyǝmtǝm. Nyǝmtǝmɔ gǝ dǝg dǝg nǝl dʊʊlǝn dul. Swɨtǝmɔ gǝ mɔ mɔ nǝl.


Nǝl jinɔ a yii nǝn kanjǝl shil gwam, jǝbɔ maajɨ bwɨlan, jǝbɔ wɛl, jǝbɔ katǝm naa. Nǝl jinɔ a yii nǝn nungon, jǝbɔ jʌtǝm dul, jǝbɔ gʊbkatǝm, jǝbɔ swagkatǝm, jǝbɔ maatǝm kii. Kaamɨ n nǝb yʊʊlakatǝm,


Kɛl Kwaamaɨ a sʊwa gɔ, “Kwaama maa nungon nɛ a dʊʊmɨ nɨ ga dǝg a bʊtɔ bǝnɨ.” Jǝ́ kuwo lɛ mʊlalɨ kɛl Kwaamaɨ a sʊwa nǝn kwan ka?


Kaamɨ gung dul lɛ maamɔ mɨsɔ mǝ bɛ lɛ a daa jen woi.


Bɛ bǝ yɔ yɔm nyan kanga a daa tʌgo nǝn kɔkɔɨ. Ka jǝ́ mʊrka lɛ a daa nɨ jǝ́ maam jǝ bwɨla lɛɨ, ka jǝ́ nɔɔ lɛ bʊgɛ ya maa jen nɛ, ka jǝ́ maa lɛ bulon, jǝbɔ jǝ gunidul, jǝbɔ gʊbkatǝm, jǝbɔ nungon.


Bɛ ka jǝ́ jǝla lɛ kaa nǝl a soga jen gɔ gǝ kaa jǝl, gɔ gǝ maa dʊgam nyangnyang lɛ, gɔ gǝ nǝn shigtǝm dul, gɔ gǝ maa bɛtɔ twama Kwaamaɨ gǝm bǝlátǝm lɛ. Nʊ nɨ n bʊʊlalɨ bwɨla nɨ a nǝl gǝnɨ dǝg gǝn gungtǝm dul lɛɨ.


Kaamɨ gǝ kiyo kɛl Kiristii a kɛl nungon jǝbɔ bangakatǝm. Kaamɨ gǝ kiyo a gola nyan.


Mǝ nyʊwa taal lɛ mǝʊ kage na n yɔɨ, ya n nya jen ke bɔ kanga mǝ swɨ lɛɨ. Jen tʌjen jǝ́ kuwo i n ke bɔ kanga jǝ́ swɨ lɛɨ. Mǝ nyʊwa taal lɛ kage ya n nya gʊbkatǝm, jǝbɔ nungon, jǝbɔ fitǝm nǝl, jǝbɔ swɨtǝm dul, jǝbɔ kabkatǝm naa, jǝbɔ yʊʊlakatǝm, jǝbɔ gungtǝm dul, jǝbɔ kutʌm.


Jǝ́ maa sʊtɔ lɛ nǝn! A laa bɔ jǝl jǝ́ maa fitǝm nǝl ka? A laa bɔ jǝl jǝ́ jǝg nʊ nɨ maa bwɨlang maajɨ nɨ lɛɨ a kʊm jen ka?


A kwɛl a nyǝm nyǝmɨ n kɛl nungon ja bwa Yesu ja nǝ gǝnɨ.


Swiv nou:

Piblisite


Piblisite