1 Korinti 13:1 - Dadiya NT

¹ Na mǝ sʊwa sʊwa kɛl nǝn kaam nyiyo nǝbɨɨ jǝbɔ a bɛtɔ twama Kwaamaɨ, na a yǝlam mɨ mǝ nǝn swɨkanɨ, n yǝlam dǝnglǝng nɨ nǝn diili jǝbɔ bʌn nɨ nǝn diili.

1 Korinti 13:1 Referans Kwoze

1 Timoti 1:5

Diil nɨ gǝ nʊng kɛl swɨkan, wʊnɨ jel lɛ a nǝl sagsagɨɨ, jǝbɔ bʊʊlalɨ nyan a mʊgɔ nǝl nɨ mɨ komtǝm woi, jǝbɔ nǝl nǝtǝm bɨlǝngkɛl dangǝn.

1 Bitrus 4:8

Jʊ a laa bʊmǝnɨ, bɛ jǝ́ maa swɨkatǝm a kʊm jen nǝn nǝlɔ win, jʊ a bwɨɨ, swɨkanɔ gǝ kǝlǝm kǝlǝm bwɨlangkɛl a lada.

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

1 Korinti 13:8

Swɨkanɔ mɨ gǝ dɨ lɛ wo. Kuwotǝmkǝgagɔ shu shu. Sʊwatǝm kɛl nǝn kaam nyiyo lɛlam lɛlam. Nyǝmtǝmɔ dɨ dɨ.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

1 Korinti 8:1

Kǝngkɔ a kɛl dul jǝjalǝn nɨ ja tǝlam shomɔ gǝm twamaɨ, bǝ nyǝm pʌd bǝnɔ bǝ nǝngǝn nǝn nyǝmtǝm. Nyǝmtǝmɔ gǝ dǝg dǝg nǝl dʊʊlǝn dul. Swɨtǝmɔ gǝ mɔ mɔ nǝl.

2 Bitrus 2:18

Mɛlalɨ jinɔ n yʊwa nǝn kwan jǝbɔ gungtǝm dul. Jǝ sʊwa nǝbɔ lɛ gɔ a maa jʊ nɨ bʊtɔ jinɔ swɨ lɛ ja maaɨ. A dul mɛlatǝm jʊ nɨɨ, jǝ dol nǝbɔ lɛ jǝ bɛ lɛ nǝn a maatǝm bwɨlan nǝn kwan. Nǝb bwangtǝm nɨ n nǝbɔ a bʊʊ a kʊta bɔ a mʊgɔ nǝb nɨ a maa yɨm a mʊgɔ bwɨlangkɛlɨ.

Roma 14:15

Na jʊ mʊ ja lɛɨ a dǝg kɨla mɔ komʌni, ke bɔ yɨm swɨkan mʊ maa lɛɨ. Ka jatǝm mʊnɔ ya yǝlam lɛ gola kalatǝm kɨla mʊɨ, wʊnɨ Kiristi a bʊla a kɛl dul gǝnɨ.

Matta 25:45

Sǝla a gar jim gɔ, ‘Bɨlǝngǝn mǝ sʊwa jen nɛɨ, kanjǝl nɨ jǝ́ maa bɔ wo win a mʊgɔ nǝb nɨ ja ya ji bɔ a nyiyo jǝlɨ, jǝ́ maa mɨ bɔ.’

1 Korinti 12:8

A wini Kwaama a nǝ gǝn lǝma sʊwatǝm kɛl nǝn yʊlan a gola Yʊwa nɨ. A wini a nǝ gǝn lǝma sʊwatǝm kɛl nǝn nyǝmtǝm a gola Yʊwa nɨ tag.

1 Korinti 12:16

Na lɔlɔ a sʊwa gɔ, “A mɨ mǝ ke bɔ nu, mǝ ke bɔ ji bʊtɔ.” Sʊwatǝmɔ nyɨɨ, mɨsɔ wʊlaka gǝn nɛ a yɨm jinʌn bʊtɔ.

2 Korinti 12:4

A nyʊwa kaam kɛltɨn a lɔ Kwaamaɨ, wʊnɨ nǝfitʌmɔ mɨ ji nǝn kwaan sʊwatǝmɨ, wʊnɨ mɨ gola sʊwatǝm woi.

Markus 16:17

Nǝb bwangtǝm mǝndɨ maa maa kanjǝl nɨ sǝ a nʊng bɨlǝngkɛl jinɔ. Kanjǝl nɨ nǝn gɔ: A mʊgɔ dun mɨ, jǝ jǝg jǝg nǝblaamɔ. Jǝ sʊwa sʊwa kɛl nǝn ben fɨntɨn.

1 Korinti 12:10

A wini a nǝ gǝn lǝma na maatǝm jǝ laatǝm kang. A wini a nǝ gǝn lǝma na kuwotǝmkǝga. A wini a nǝ gǝn lǝma na nyǝmtǝm yʊwa nǝn dʌmʌn. A wini a nǝ gǝn lǝma na sʊwatǝm nyiyo nǝn dʌmʌn. A wini a nǝ gǝn lǝma na fɛtatǝm nyiyotɨn.

1 Korinti 14:2

Nʊ nɨ sʊwa kɛl lɛ nǝn kaa nyiyoi, ke bɔ nǝb gǝ sʊwa kɛl lɛ jǝbɔ jii, gǝ sʊwa Kwaama. Mɨ nʊ nɨ wo a nyǝm jʊ gǝ sʊwa lɛɨ, jʊ a bwɨɨ n jʊ nɨ ja yʊ yʊɨ gǝ sʊwa lɛ a gola Yʊwa Kwaamaɨ.

1 Korinti 14:4

Nʊ nɨ gwam sʊwa kɛl lɛ nǝn kaa nyiyoi, gǝ fɛ dul gǝn. Nʊ nɨ maa kuwotǝmkǝga lɛɨ, gǝ fɛ mʊrkalɨ nǝb bwangtǝm Kwaamaɨ.

1 Korinti 14:5

Mǝ swɨ lɛ gwam jenɔ jǝ́ sʊwa kɛl nǝn kaam nyiyo. Jʊ mǝ swɨ lɛ a laa jǝlɨ, jǝ́ maa kuwotǝmkǝga. Nʊ nɨ a maa kuwotǝmkǝgaɨ, a laa nʊ nɨ a sʊwa kɛl nǝn kaam nyiyoi. Na kaa nǝl fɛta fɛta nǝbɔ jʊ nɨ gǝ sʊwa lɛɨ, ga fɛ mʊrkalɨ nǝb bwangtǝm Kwaamaɨ.

Dʊgam Nyangnyang 14:2

Nǝngɔ mǝ nyʊwa kaa diil a dʌbʌl kwama na mwɛ tiyo nɨ mʊla lɛɨ, na diil kunnyiyo. Diil nɨ mǝ nyʊwaɨ a maa na nǝb gatǝm gǝlǝnggǝlǝng, ga gǝlǝnggǝlǝng lɛɨ.