1 Korinti 12:8 - Dadiya NT

⁸ A wini Kwaama a nǝ gǝn lǝma sʊwatǝm kɛl nǝn yʊlan a gola Yʊwa nɨ. A wini a nǝ gǝn lǝma sʊwatǝm kɛl nǝn nyǝmtǝm a gola Yʊwa nɨ tag.

1 Korinti 12:8 Referans Kwoze

2 Korinti 8:7

Jǝ́ gun a kanjǝlɔ gǝm gwam. Jǝ́ gun a mʊgɔ nǝtǝm bɨlǝngkɛl, jǝbɔ sʊwatǝm kɛl, jǝbɔ nyǝmtǝm, jǝbɔ nǝtǝm dul a mʊgɔ maajɨ Kwaamaɨ, jǝbɔ swɨtǝm nɨ jǝ́ maa nǝm lɛɨ. Kanga jǝ́ gun a kanjǝl nɨ gǝm gwamɨ, bɛ jǝ́ gun a mʊgɔ maajɨ nǝtǝm lǝma nɨ.

1 Korinti 1:5

Kwaama a nǝ jen bwili a golantɨn nɨ gwam a gola gǝn, a sʊwatǝm kɛl jǝbɔ nyǝmtǝm pʌd.

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

1 Korinti 13:8

Swɨkanɔ mɨ gǝ dɨ lɛ wo. Kuwotǝmkǝgagɔ shu shu. Sʊwatǝm kɛl nǝn kaam nyiyo lɛlam lɛlam. Nyǝmtǝmɔ dɨ dɨ.

Matta 13:11

Yesu a sʊwa ji gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. A jinɔ, ja nǝ ji bɔ nyǝmtǝmɔ.

1 Korinti 13:2

Na mǝ maa maa kuwotǝmkǝgaɨ, na n nyǝm jʊ nɨ ja yʊ yʊɨ, jǝbɔ nyǝmtǝmɔ gwamɨ, na mǝ nǝn nǝtǝm bɨlǝngkɛl dangǝnɨ, wʊnɨ mǝ sʊwa tuligɔ lɛ mǝʊ a bǝla daa tɨm gǝnɨ, na mɨ mǝ nǝn swɨkanɨ, mǝ ke bɔ kaa jǝl.

Maajɨ Bɛtɔ Twamagɨɨ 6:3

Kambɔ, jǝ́ jǝg nǝbɔ nʌbʌl a kʊm jen, nǝb nɨ n nǝb nyanɨ, nǝb nɨ a yii nǝn Yʊwa Kwaamaɨ jǝbɔ nyǝmtǝmɨ, wʊnɨ nǝn nǝ ji maajɨ nɨ lɛɨ,

Roma 15:14

Kambɔ, n jǝla nǝn jen, mǝʊ jǝ́ nǝb nyan dangǝn, nǝb nyǝmtǝm nyangǝn, nǝb nɨ a la kanga mɛla kambɔ gǝm lɛɨ.

1 Korinti 2:11

Nuwo a kʊm nǝbɨɨ a nyǝm bʊʊlalɨ kaa nǝlɨ, na ke bɔ yʊwa nʊgɨɨ? Gǝ na nyɔ tag, mɨ nʊ nɨ wo a nyǝm bʊʊlalɨ Kwaamaɨ, na ke bɔ Yʊwa Kwaamaɨ.

1 Korinti 2:16

“Nuwo a nyǝm bʊʊlalɨ Tɛlalɔɨ woi, la mɛla gǝm lɛɨ?” Bǝn, bʊʊlalɨ bǝnɔ na a Kiristii.

1 Korinti 14:6

Kambɔ, na n bɛ jem mǝ sʊwa kɛl lɛ nǝn kaam nyiyoi, n wɛ maa jem lɛɨ, na mǝ bɛ jem bɔ nǝn jʊ Kwaama a nʊng ɨɨ jǝbɔ nyǝmtǝm jǝbɔ kuwotǝmkǝga jǝbɔ mɛlalɨ kɛl Kwaamaɨ?

1 Korinti 14:26

Kambɔ bǝ maa jʊ nɨ nyǝn? Kwama jǝ́ mʊrka dakinii, kaa gǝ ma nafɨ bǝlátǝm Kwaamaɨ, kaa gǝ maa mɛlalɨ kɛl Kwaamaɨ, kaa gǝ sʊwa jʊ Kwaama a nʊng gǝnɨ, kaa gǝ sʊwa kɛl nǝn kaa nyiyo, kaa fɛtatǝm nyiyo. Bɛ jǝ́ maa kanjǝlɔ gwam sǝ a fɛ mʊrkalɨ nǝb bwangtǝm Kwaamaɨ.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

2 Korinti 2:14

Bɛ buutǝm kangɔ a yǝlam nyɔ a daagɔ Kwaama woi, wʊnɨ bwangtǝn nɛ jǝbɔ nǝn kwangkwang nǝ ku jelʌn nɛ a gola Kiristii. Nǝn gɔ maa maajɨ lɛ nǝn nǝn sǝ nǝn wa kɛl nyǝmtǝm Kiristii wʊnɨ na kunʌn lǝmɨ a tǝmɔ gǝm gwamɨ.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

2 Korinti 6:6

Nǝn nʊng nǝn bɛtɔ jwaalɛn Kwaamaɨ a gola sagsag, jǝbɔ nyǝmtǝm, jǝbɔ kʊtǝm nǝl, jǝbɔ maatǝm jǝ nya, nǝn maa a gola Yʊwa Kwaamaɨ, jǝbɔ swɨkan nya.

2 Korinti 11:6

Mǝ nyǝm bɔ sʊwatǝm kɛl sul, nyǝmtǝmɔ mǝ nǝn. Nǝn nʊng jen jʊ nɨ a golantɨnɔ gǝm gwam nǝngɔ nǝn nǝn nyǝmtǝm a dul Kiristii.