1 Korinti 12:10 - Dadiya NT

¹⁰ A wini a nǝ gǝn lǝma na maatǝm jǝ laatǝm kang. A wini a nǝ gǝn lǝma na kuwotǝmkǝga. A wini a nǝ gǝn lǝma na nyǝmtǝm yʊwa nǝn dʌmʌn. A wini a nǝ gǝn lǝma na sʊwatǝm nyiyo nǝn dʌmʌn. A wini a nǝ gǝn lǝma na fɛtatǝm nyiyotɨn.

1 Korinti 12:10 Referans Kwoze

1 Korinti 14:39

Kambɔ, bɛ jǝ́ ya kwaan jenɔ a kuwotǝmkǝga. Ka jǝ́ kaa lɛ nǝ sʊwatǝm kɛl nǝn kaam nyiyo.

1 Yohana 4:1

Jǝ́ fatǝm nyan mǝndɨ, ke bɔ yʊwagɔ gwam jǝ́ nǝ bɨlǝngkɛl lɛ nǝnɨ, bɛ jǝ́ tɛl kɛna na a Kwaamaɨ. Jʊ a bwɨɨ nǝbkuwotǝmkǝga gabakɛlɔ a jel a lada a yooli.

Markus 16:17

Nǝb bwangtǝm mǝndɨ maa maa kanjǝl nɨ sǝ a nʊng bɨlǝngkɛl jinɔ. Kanjǝl nɨ nǝn gɔ: A mʊgɔ dun mɨ, jǝ jǝg jǝg nǝblaamɔ. Jǝ sʊwa sʊwa kɛl nǝn ben fɨntɨn.

Galatiya 3:5

Kwaama a nǝ jen Yʊwa gǝnɔ, a maatǝm kanjǝl laatǝm kang a kʊm jen. Jǝ́ kuwo lɛ a maa nyɔ a gola diilɔ jǝ́ bwangtǝn nɛɨ ka? N ke bɔ a gola nǝtǝm bɨlǝngkɛl a jʊ jǝ́ nyʊwaɨ ka?

Markus 16:20

Bɛtɔ mɛlalɨ gǝnɔ ja jel ja shu, jǝ kiyo fulon kɛl lǝmɨ gǝnɔ lɛ a daatɨnɔ gǝm gwam. Tɛlalɔ maa maajɨ lɛ jǝbɔ ji, nʊng bɨlǝngkɛl jinɔ lɛ a kanjǝl jǝ laatǝm kang nɨ sǝ a nʊng jʊ ja sʊwaɨ, n bɨlǝngkɛl.

Dʊgam Nyangnyang 2:2

N nyǝm kanjǝlɔ mʊ maaɨ, maajɨ mʊnɔ jǝbɔ kʊtǝm nǝl mʊnɔ. N nyǝm mɨ mʊ kʊ nǝl lɛ nǝn nǝb bwɨlamɔ. Mʊ tɛl tɛl nǝb nɨ do dul jinɔ lɛ gɔ jǝ bɛtɔ twamaɨ, wʊnɨ mɨ nyɨɨ. Mʊ nya jǝ nǝb gabakɛl.

1 Tasalonikaɨ 5:20

Ka jǝ́ soga lɛ kɛl kuwotǝmkǝgagɔ.

1 Korinti 13:8

Swɨkanɔ mɨ gǝ dɨ lɛ wo. Kuwotǝmkǝgagɔ shu shu. Sʊwatǝm kɛl nǝn kaam nyiyo lɛlam lɛlam. Nyǝmtǝmɔ dɨ dɨ.

Roma 15:19

Yʊwa Kwaamaɨ a nɨ ɨ kwaan maatǝm kanjǝl nʊngtǝm jǝbɔ kanjǝl tatǝm kang a nyiyo. Jʊ a ta a Urushalima a yɔ nǝn a Ilirikuni, n dɨɨ kiyotǝm fulon kɛl lǝmɨ Kiristii a daatɨn gɔ gǝm gwam.

Roma 12:6

Kanga bǝ nǝngǝn nǝn nǝtǝm lǝmagɔ nǝn dʌmʌn dǝngdǝng kanga Kwaama a nǝ bǝn lǝma nɨɨ, bɛ bǝ maa maajɨ nǝn. Na nǝtǝm lǝma bǝnɔ na maajɨ kuwotǝmkǝgaɨ, bɛ bǝ maa kuwotǝmkǝgagɔ dǝngdǝng a nǝtǝm bɨlǝngkɛl bǝnɔ gǝm.

Maajɨ Bɛtɔ Twamagɨɨ 19:6

Bulus a ya jim kang bwiligɨɨ, nǝngɔ Yʊwa Kwaamaɨ a gǝla jimi. Nǝngɔ ja tǝl jǝ sʊwa kɛlɔ lɛ nǝn kaam nyiyotɨnɨ, jǝ sʊwa jʊ nɨ bwɨ lɛ a kǝgaɨ.

Maajɨ Bɛtɔ Twamagɨɨ 11:28

Win a kʊm jin wʊnɨ jǝ jo lɛ gɔ Agabusi, a gun a tɨ tɨɨ a sʊwa kɛlɔ nǝn kwaan Yʊwa Kwaamaɨ gɔ jǝ maa maa gʌleng jʊwan bwɨla a yooligɔ gǝm gwam. (Jʊ nɨ a bwɨ nǝn kwama fɔlɔn Kalaudiyasɨ).

Maajɨ Bɛtɔ Twamagɨɨ 5:3

Nǝngɔ Bitrus gɔ, “Mɔ Hananiya, n wɛ a bwɨ mɔ bǝla Mammɔ a dɔ mʊgɔ nǝl mʊnɔ, mʊ maa Yʊwa Kwaamaɨ gǝm gabakɛlɨ, mʊ yʊ kaa jǝl a mʊgɔ kemʌn talɨgɔ gǝmɨ?

Maajɨ Bɛtɔ Twamagɨɨ 1:8

Jǝ́ nya nya kwaan na Yʊwa Kwaamaɨ a gǝla jemi. Jǝ́ yǝlam yǝlam nǝb nǝtǝm nyiyo a dul mɨ a Urushalima, jǝbɔ mʊgɔ Yahudiyagɔ gwam, jǝbɔ Samariyagɔ, jǝbɔ daagɔ tǝmɔ a dɨlǝm gwamɨ.”

Yohana 16:13

Nǝn kwama Yʊwa bɨlǝngkɛl nɨ bɛm lɛɨ, wʊnɨ nʊng jen bɨlǝngkɛl lɛ a dul Kwaamaɨ, bwangtǝn bwang nǝn jen a dul bɨlǝngkɛlɔ gǝm gwam. Ke bɔ nǝn fɔlɔn gǝn sʊwa kɛl lɛɨ, sʊwa jen kanjǝl nɨ a nyʊwaɨ, jǝbɔ kanjǝl nɨ bwɨ lɛɨ.

Yohana 14:12

N bɨlǝngkɛl mǝ sʊwa jen nɛɨ, gwam nʊ nɨ a nǝ bɨlǝngkɛl nǝn mǝɨ, maa maa maajɨtɨn nɨ mǝ maa lɛɨ. Gǝ maa maa maajɨtɨn nɨ a laa a nɨɨ, jʊ a bwɨɨ mǝ yi a daagɔ Tɛtɛ woi.

Luka 24:49

Ya mǝ twam jen twam jʊ Tɛtɛ mɨ a maa jem swatǝm yaaɨ. Jǝ́ yɨ fɔ a mʊgɔ Urushalima, ba la nǝn kwama Kwaama nǝ jen kwaan nɨ lɛ bɛ lɛ a dʌbʌli.”

Ibranii 2:4

Kwaama a mʊrka nǝtǝm nyiyo tǝgǝn jǝbɔ a jinɔ a dul bʊʊlɨ nɨ, a daa kanjǝl nʊngtǝm jǝbɔ kanjǝl laatǝm kang jǝbɔ kanjǝl tatǝm kang a nyiyo jǝbɔ nǝtǝm lǝma Yʊwa Kwaamaɨ nǝn dʌmʌn, wʊnɨ a tǝga kanga a swɨmɨ.

Maajɨ Bɛtɔ Twamagɨɨ 11:27

N kumtɨn nɨ kaam nǝbkuwotǝmkǝgagɔ a jel a Urushalima ja bɛ a Antakiyaɨ.

1 Korinti 11:4

Balɨ nɨ gwam a maa keli jǝbɔ kuwotǝmkǝga a sum sumi dul gǝnɨ, gǝ nǝ dʊʊ gǝnɔ gunidul.

1 Korinti 14:13

Nʊ nɨ sʊwa kɛl lɛ nǝn kaa nyiyoi, bɛ ga maa keli, Kwaama a nǝ gǝn lǝma fɛtatǝmɔ.