1 Korinti 1:7 - Dadiya NT

⁷ A jenɔ jǝ́ ke bɔ nǝb gɨyatǝm a gola nǝtǝm lǝma nɨ Yʊwa Kwaamaɨ a nǝ jeni, kanga jǝ́ yam bɛtǝm Tɛlalɔ bǝn Yesu Kiristii lɛɨ,

1 Korinti 1:7 Referans Kwoze

Filibii 3:20

A bǝnɔ bǝ na a yɨm dʌbʌl. N daagɔ bǝ yam Nǝbʊʊlɨ Tɛlalɔ Yesu Kiristi bɛm lɛɨ.

2 Bitrus 3:12

Bɛ jǝ́ yɨ nyɔ nǝn kwama jǝ́ yam kɔkɔ Kwaamaɨ lɛɨ. Maatǝmɔ nyɨɨ, sʊtǝn sʊ kwaan bɛtǝm gǝnɔ! Nǝn bɛtǝm gǝnɔ, jǝ kul kul dʌbʌlɔ gǝm kǝla, sǝ gwam kanjǝl nɨ a mʊgɔ gǝnɨ kǝlagɔ twɨm twɨm sǝ a yʊbam.

Ibranii 9:28

A na nyɔ Kiristi tǝgǝn ja nǝ a twɨtǝm yulʌn naagɔ win swar, sǝ a dem bwɨlangkɛl nǝbɨɨ a lada. Yǝla bɛ bɛ, bɛtǝm na yogɔ, ke bɔ a dul demtǝm bwɨlangkɛl, bɛ sǝ ba bʊʊ nǝn nǝb nɨ yam bɛtǝm gǝnɔ lɛɨ.

Yahuza 1:21

Jǝ́ tɨ tʌgo a swɨtǝm nɨ Kwaama maa bǝm lɛɨ, kanga jǝ́ yam bʊnatǝm Tɛlalɔ bǝn Yesu Kiristii lɛɨ, wʊnɨ yɔ lɛ nǝn jen a yɨm kʊlɨ nɨ mɨ dɨtǝm woi.

1 Yohana 3:2

Jǝ́ fatǝm nyan mǝndɨ, kǝngkɔ bǝ bɛtɔ lɔ Kwaamaɨ. Kanga bǝ yǝlam lɛ a kǝgaɨ, bǝ nyǝm bɔ dɨn. Bǝ nyǝm na a bɛɨ, bǝ yǝlam na gɔ, jʊ a bwɨɨ bǝ kuwo gǝn kuwo nyangnyang.

1 Bitrus 4:13

Na jǝ́ nɔɔ gaalan na Kiristii, bɛ jǝ́ maa fulotǝm nǝl, sǝ na nǝn kwama a yǝla a bɛ a mʊgɔ dʊʊlǝn gǝnɨ, jǝ́ maa maa fulotǝm nǝl tag.

Titus 2:13

Bɛ bǝ yɨ nyɔ, bǝ yam bwili yatǝm nǝl nɨ lɛ wʊnɨ nǝn gɔ n kumɔ Kwaama dʊʊn bǝnɔ jǝbɔ Nǝbʊʊlɨ Yesu Kiristi bɛm lɛ nǝn dʊʊlǝn gǝnɨ.

Roma 8:19

Kanjǝl nɨ gwam Kwaama a fwalɨ, jǝ ya nǝl lɛ nyangǝn, jǝ yam Kwaama lɛ sǝ a nʊng bɛtɔ lɔ gɨɨ.

Luka 17:30

“Yǝlam nyɔ nǝn kwama Bʊla Nǝlɨ yǝla ba nʊngǝm dul gǝnɔ lɛɨ.

1 Bitrus 5:4

Na Fɔlɔ Nǝ Tɔɔtǝm kwamɨ nɨ a bɛɨ, jǝ́ nya nya dwang dul dʊʊn nɨ mɨsɔ dumo lɛ woi.

1 Bitrus 1:13

A kɛl dul jʊ nɨ, bɛ jǝ́ fɛka bʊʊlalɨ jenɔ a maatǝm maajɨ. Bɛ jǝ́ ta dul jenɔ. Bɛ jǝ́ ya nǝl jenɔ a dul lǝma nɨ Kwaama nǝ jen nɛ nǝn kwama Yesu Kiristi bɛm lɛɨ.

2 Timoti 4:8

Tangǝnɔ a bǝlaɨ n nyatǝm dwang dul maajɨ dǝngdǝng, wʊnɨ ja fɛka mɨɨ, wʊnɨ Tɛlalɔ, nǝ maatǝm borang dǝngdǝngɔ nɨ ɨ lɛ nǝn kɔkɔ dɨltǝmɨ. Ke bɔ mǝ kwaamɨ, pʌd jǝbɔ nǝb nɨ ya nǝl lɛ a bɛtǝm gǝnɔ gǝmɨ.

2 Tasalonikaɨ 1:7

Kwaama nǝ jen nǝ fǝbtǝm jǝbɔ nǝn, jen nɨ jǝ nyʊwa jem lɛɨ. Jʊ nɨ bwɨ nǝn di nɨ Tɛlalɔ Yesu ba nʊng dul gǝnɔ lɛ a dʌbʌl kwamaɨ, dakini jǝbɔ kwaan daltɔ bɛtɔ twama Kwaamaɨ, a mʊgɔ ben kǝla.

1 Tasalonikaɨ 1:10

Ja sʊwa kanga jǝ́ yam yǝlatǝm Bʊla gɨɨ nɨ lɛ a dʌbʌl kwamaɨ, wʊnɨ a gung a bwaaɨ, nǝn gɔ nǝn Yesu, wʊnɨ jǝg bǝn nɛ a mʊgɔ nabwɨl Kwaamaɨ nɨ bɛ lɛɨ.

Kolosii 3:4

Na Kiristi wʊnɨ nǝn gɔ n kʊlɨ jeni, na a bɛɨ, jǝ́ bɛ bɛ dakini jǝbɔ gɔ a mʊgɔ dʊʊlǝn gǝn.

1 Korinti 4:5

A dul kɛl nɨɨ, ka jǝ́ biyo lɛ kaa borang kwama gǝnɔ a lǝga bɔ a la. Ka jǝ́ biyo lɛ borang sǝla Tɛlalɔ a bɛ, nʊ nɨ wʊ kanjǝl nɨ lɛ ja yʊ yʊɨ a mʊgɔ duddugi, sǝ a nʊng jʊ nǝlɔ swɨ lɛɨ. Nǝn kwama gɨɨ, Kwaama maa maa bǝlátǝm jinɔ gwam dǝngdǝng.

Luka 12:36

Bɛ jǝ́ yǝlam na nǝb nɨ yam tɛlalɔ jinɔ lɛɨ, wʊnɨ a shu a kangwaalɨ, yǝla ba nya ji jǝ yam gǝn nɛ. Na tɛlalɔ jinɔ ba ga nyanga kanɨ, sǝ ja gun dǝbǝr ja wum gǝm.

Matta 25:1

“Fɔlɔn lɔ Kwaamaɨ jǝ mʊrka gǝn na bɛtǝnɔɔtǝn nɨ kʊbɨ, wʊnɨ ja wɔɔ fitila jinɔ gɔ ya jǝ tǝga balɨ nɨ a naa nɔɔlɨɨ.

2 Korinti 12:13

N gola won jǝ́ gɨya a kaam mʊrkalɨ nǝb bwangtǝm Kwaamaɨ? N kɛlɔ mǝ ya jem bɔ jǝ tuuloi ka? Jǝ́ kǝlǝm mɨ bwɨlangkɛl nɨ!

Roma 8:23

Ke bɔ kanjǝl fwaltǝm tǝna lɛ kwaajii, bǝ wo a mʊgɔ gǝn, bǝn nɨ bǝ kwɛl bǝ nya nyaɨ Yʊwa Kwaamaɨ, wʊnɨ nǝn gɔ tǝltǝm kanjǝl nɨ Kwaama a nǝ bǝnɨ, bǝ tǝna lɛ a nǝl bǝn, kanga bǝ yam lɛ nǝn yatǝm nǝl nyangǝnɨ, sǝ Kwaama a do bǝn bǝ yǝlam bɛtɔ lɔ gɨɨ, nǝn kwama a jǝg bʊtɔ bǝnɨ.

Galatiya 5:5

Bǝ yam lɛ, bǝ ya nǝl lɛ a gola kwaan Yʊwa Kwaamaɨ, Kwaama dǝg bǝn dǝg bǝ yǝlam nǝb dǝngdǝng, a kɛl dul nǝtǝm bɨlǝngkɛl.