1 Korinti 1:14 - Dadiya NT

¹⁴ N buu Kwaama gǝm kang mǝ yʊ bɔ kaa nǝl win mwɛ sagsag a kʊm jen na ke bɔ Kiribus jǝbɔ Gayusi,

1 Korinti 1:14 Referans Kwoze

Maajɨ Bɛtɔ Twamagɨɨ 18:8

Nǝngɔ Kiribus nǝ dʊʊ kan mɛlalɨgɔ, a nǝ bɨlǝngkɛl a daagɔ Tɛlalɔ woi, gɔ jǝbɔ nǝbɔ lɔ gɨɨ gwam. Kaam nǝbɔ Korintii a lada nyɔ ja nyʊwa kɛl Bulusi, ja nǝ bɨlǝngkɛl. Nǝngɔ ja yʊ ji mwɛ sagsagɨɨ.

Roma 16:23

Gayus, nʊ nɨ a shig i a mʊgɔ lɔ gɨɨ, nʊ nɨ yo mʊrkalɨ nǝb bwangtǝm Kwaamaɨ lɛ a mʊgɔ lɔ gɨɨ, yal jen nɛ. Arastas nǝ gol kemʌn tuulɔngɔ jǝbɔ kɨla bǝn Kawartas, jǝ yal jen nɛ.

1 Tasalonikaɨ 5:18

A daa nɨ jǝ́ nya dul jenɔ woi, ya jǝ́ buu Kwaama gǝm kang lɛ, jʊ a bwɨɨ n jǝlatǝm Kwaamaɨ a bwɨ nyɔ a dul jen a mʊgɔ Kiristi Yesui.

Kolosii 3:17

Jʊ nɨ jǝ́ maa lɛ gwamɨ, a dul kɛl jǝbɔ maajɨɨ, bɛ jǝ́ maa gwam a mʊgɔ dun Tɛlalɔ Yesui, jǝ́ buu Kwaama Tɛtɛ gǝm kang lɛ a gola gǝn.

Kolosii 3:15

Bɛ yɨm kwamɨgǝn a Kiristii a maa fɔlɔn a nǝl jen. N kɛl gɔ ja jo jen jǝ́ yǝlam bʊtɔgɔ wini. Bɛ jǝ́ yǝlam nǝb buutǝm kang.

Afisa 5:20

Kwangkwang bɛ ya jǝ́ buu Kwaama Tɛtɛ gǝm kang lɛ a dul kanjǝlɔ gǝm gwam, a mʊgɔ dun Tɛlalɔ bǝn Yesu Kiristii.

2 Korinti 2:14

Bɛ buutǝm kangɔ a yǝlam nyɔ a daagɔ Kwaama woi, wʊnɨ bwangtǝn nɛ jǝbɔ nǝn kwangkwang nǝ ku jelʌn nɛ a gola Kiristii. Nǝn gɔ maa maajɨ lɛ nǝn nǝn sǝ nǝn wa kɛl nyǝmtǝm Kiristii wʊnɨ na kunʌn lǝmɨ a tǝmɔ gǝm gwamɨ.

1 Korinti 14:18

N buu Kwaama gǝm kang mǝ sʊwa kɛl lɛ nǝn kaam nyiyo a laa a jenɔ gwam.

1 Korinti 1:4

Mǝ buu Kwaama gǝm kang lɛ kwangkwang a dul jen, a kɛl dul lǝma nɨ a maa jem a gola Kiristi Yesui.

Filimon 1:4

Kwangkwang mǝ buu buu Kwaama mǝndɨ gǝm kang na n bʊʊla nǝn mɔ a mʊgɔ kelitɨn mǝndɨ gǝmɨ,

1 Timoti 1:12

N buu Kiristi Yesu Tɛlalɔ bǝn gǝm kang, wʊnɨ a nɨ ɨ kwaanɨ, jʊ a bwɨɨ a do i mǝ nǝ tatǝm swatǝm yaa, a ya ɨ sǝ n maa maajɨ gǝnɨ.

Maajɨ Bɛtɔ Twamagɨɨ 10:48

Nǝngɔ Bitrus a nǝ ji diilɔ gɔ ja yʊ ji mwɛ sagsagɔ a mʊgɔ dun Yesu Kiristii. Nǝngɔ ja kela gǝn gɔ ga sʊtǝn kumtɨnɔ dǝm a daa ji woi.

1 Korinti 1:15

kage kaa nǝl a kʊm jen a sʊwa gɔ, mǝ yʊ jen mwɛ sagsagɔ nǝn dun mɨ.