1 Bitrus 5:14 - Dadiya NT

¹⁴ Bɛ jǝ́ yalka gwam a kʊm jen nǝn kwalkatǝm swɨkan. Bɛ yɨm kwamɨgǝnɔ a ta tʌgo gwanggwang a jen gǝm gwam, jen nɨ jǝ́ na a Kiristii.

1 Bitrus 5:14 Referans Kwoze

Roma 16:16

Jǝ́ yalka nǝn kwalkatǝm sagsag. Gwam mʊrkalɨ nǝb bwangtǝm Kiristii yal jen nɛ.

Afisa 6:23

Yɨm kwamɨgǝnɔ, jǝbɔ swɨkanɔ, jǝbɔ nǝtǝm bɨlǝngkɛl a Kwaama Tɛtɛɨ jǝbɔ a Tɛlalɔ Yesu Kiristii a ta tʌgo gwanggwang a jen gǝm kambɔ.

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

1 Korinti 16:20

Kambɔ gwam yal jen nɛ. Jǝ́ yalka nǝn kwalkatǝm sagsag.

Roma 1:7

Langǝn bwangǝn nɨ mǝ twamǝm nǝbɔ gǝm gwam Kwaama swɨ lɛ a Romaɨ, nǝb sagsag nɨ a jo joi. Bɛ lǝmagɔ jǝbɔ yɨm kwamɨgǝn a Kwaama Tɛtɛ bǝnɨ jǝbɔ a Tɛlalɔ Yesu Kiristii a yɨ jǝbɔ jen.

2 Korinti 5:17

Gǝ na nyɔ, na nʊ nɨ na a Kiristii, n fwaltǝm fɨ. Kanjǝl galɨgɔ gwam a shu shui, kanjǝlɔ gwam a yǝlam a fɨ.

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

Yohana 20:26

Kum naalǝbɔ a yii, bɛtɔ mɛlalɨgɔ a mʊrka a mʊgɔ lɔngɨ, Toma wo jǝbɔ ji. Nyanga kanɔ a nʊng nʊngɨ, nǝngɔ Yesu a bɛ ba tɨ a tɨbǝl jini a sʊwa gɔ, “Bɛ yɨm kwamɨgǝnɔ a na jǝbɔ jen.”

Yohana 20:19

Nǝn kwaamɨ nǝn dibɨlɨ, bɛtɔ mɛlalɨ Yesui yǝm daagɔ win. Ja nʊngalam nyanga kanɔ jʊ a bwɨɨ jǝ nyʊwa taal nǝb dʊʊm Yahudawagɨɨ lɛ. Nǝngɔ Yesu a bɛ ba tɨ a tɨbǝl jini, a sʊwa ji gɔ, “Bɛ yɨm kwamɨgǝnɔ a na jǝbɔ jen.”

Yohana 16:33

“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”

Yohana 14:27

N bǝla jen nǝn yɨm kwamɨgǝn. N yɨm kwamɨgǝn mǝ nǝ jen nɛɨ. Ke bɔ a wʊnɨ yooligɔ nǝ jen nɛɨ mǝ nǝ jen nɛɨ. Ka jǝ́ kom lɛ dul jenɔ. Ka jǝ́ nyʊwa lɛ taal.

1 Tasalonikaɨ 5:26

Jǝ́ yal kambɔ gwam nǝn kwalkatǝm sagsag.

2 Korinti 13:12

Jǝ́ yalka nǝn kwalkatǝm sagsag.

1 Bitrus 1:2

Kwaama Tɛtɛ a nyǝm jen galɨgǝn, a jǝgam jeni. Yʊwa Kwaamaɨ a dǝg jen jǝ́ yǝlam nǝb sagsagɨ. A maa jʊ nɨ sǝ jǝ́ yǝlam nǝb bwangtǝm Yesu Kiristii. A maa nyɔ tag sǝ tʊʊm gǝnɔ a saal jen. Bɛ lǝmagɔ jǝbɔ yʌbtǝm nǝlɔ a yɨ a mʊgɔ jen a lada.

Matta 5:47

Na n kɛtǝlam jenɔ jǝ́ yal lɛ kwaajii, n wɛ jǝ́ laa kaamɨ nǝnɨ? Ke bɔ nyɔ Bʌtʌbɔ maa lɛɨ ka?

3 Yohana 1:14

Mǝ ya nǝl lɛ bǝ tǝgaka tǝgaka mɨsɔ kʊta lɛ, sǝ bǝ sʊwa kɛl kǝga jǝbɔ kǝga.