1 Bitrus 5:12 - Dadiya NT

¹² N mʊla jem nǝn kʌb nyɔ nǝn tɨkalɨ Silaɨ, wʊnɨ a kuwotǝm mǝndɨ a la nyɔ jǝ jo gǝn nɛ gɔ kɛ nʊ nɨ a ta swatǝm yaa gǝnɨ. Mǝ mʊla sǝ n sʊ jem kwaan, sǝ n sʊwa jen a talɨ kanga jʊ nɨ mǝ mʊla a lǝma Kwaamaɨ n bɨlǝngǝn. A dul kɛl nɨɨ, bɛ jǝ́ tɨ nǝn kwaan a lǝma Kwaamaɨ.

1 Bitrus 5:12 Referans Kwoze

Ibranii 13:22

Mǝ kel jen nɛ kambɔ, jǝ́ kʊ nǝl nǝn gʊtǝm lɔl mǝndɨ, jʊ a bwɨɨ mǝ mʊla jem nǝn kʌb nyɔ.

Maajɨ Bɛtɔ Twamagɨɨ 11:23

Bɛtǝm gǝnɔ, nǝngɔ a kuwo lǝma Kwaamaɨ a maa jimi, a maa fulotǝm nǝl. Nǝngɔ a kʊʊ jim nǝl gɔ ja tɨ nǝn bɨlǝngkɛl a bwangtǝm Tɛlalɔɨ nǝn nǝl jinɔ gwam.

2 Korinti 1:19

Jʊ a bwɨɨ Bʊla Kwaamaɨ, Yesu Kiristi, wʊnɨ mǝ, jǝbɔ Sila, jǝbɔ Timoti nǝn kiyo jem kɛl gǝnɨ, “Ɔɔ” gǝnɔ a nʊng bɔ “Ɔ ɔ.” Kwangkwang a gǝnɔ n bɨlǝngkɛl.

1 Korinti 15:1

A kǝngkɔ, kambɔ, mǝ bʊʊla jem bʊʊla fulon kɛl lǝmɨ nɨ mǝ sʊwa jeni, wʊnɨ jǝ́ yoi, wʊnɨ jǝ́ bwangtǝnɨ.

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

2 Tasalonikaɨ 1:1

Nǝmǝ mǝ Bulus mǝ mʊla langǝn bwangǝn nɨ lɛɨ, nǝbɔ Sila, jǝbɔ Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Tasalonikaɨ, wʊnɨ na a Kwaama Tɛtɛ bǝnɨ jǝbɔ Tɛlalɔ Yesu Kiristii.

1 Tasalonikaɨ 1:1

Nǝmǝ mǝ Bulus mǝ mʊla langǝn bwangǝn nɨ lɛɨ, nǝbɔ Sila, jǝbɔ Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Tasalonikaɨ, wʊnɨ na a Kwaama Tɛtɛɨ jǝbɔ Tɛlalɔ Yesu Kiristii. Bɛ lǝmagɔ, jǝbɔ yɨm kwamɨgǝn a yɨ jǝbɔ jen.

Yahuza 1:3

Fatǝm nyan mǝndɨ mǝ swɨ lɛɨ, na mǝ swɨ lɛ n maa jem mʊlalɨ a kɛl bʊʊtǝm bǝnɔ gǝm, nǝngɔ mǝ kuwo a bʊm nyɔ n mʊla jem, n kela jen, jǝ́ kʌshi nǝtǝm bɨlǝngkɛl nɨ Kwaama a nǝ nǝb sagsagɔ naa win swar mɨ sʊtǝm woi.

3 Yohana 1:12

Nǝbɔ a nǝ nyiyo nyan a dul Dimitiriyasɨ, bɨlǝngkɛlɔ dul gǝn a nǝ nyiyo nyɔ. Bǝn tǝbǝn bǝ nǝ nyiyo. Ń nyǝm nǝtǝm nyiyo bǝnɔ n bɨlǝngkɛl.

2 Bitrus 2:15

Ja bǝla gola nɨ sɨnɨ, ja tangǝm. Ja bwangtǝn Balamu bʊla Beyori, wʊnɨ swɨ sʊtǝm lɛ a gola nɨ mɨ dǝngdǝngɨ.

2 Bitrus 1:12

Jǝ́ kwɛl jǝ́ nyǝm kanjǝl nɨ sul, jǝ́ kwɛl jǝ́ kwam a mʊgɔ bɨlǝngkɛl nɨ jǝ́ nǝngǝnɨ, mɨsɔ dǝg ɨ lɛ n bǝla bʊʊlatǝmɔ nǝn jen a dul jin.

Kolosii 4:9

Yɔ jǝbɔ Onisimus, kɨla bǝn nɨ n nǝ tatǝm swatǝm yaa bǝ swɨ gǝn nɛɨ, wʊnɨ gǝ na a kʊm jeni. Nǝji jǝ sʊwa jen jʊ nɨ lɛ bwɨ lɛɨ.

Kolosii 4:7

Tikikus sʊwa jen sʊwa jʊ mǝ wo a mʊgɔ gǝnɨ gwam. N kɛ nǝ swɨtǝm. N nǝ tatǝm swatǝm yaa. N fwalɨ maajɨ a mʊgɔ Tɛlalɔɨ.

Kolosii 1:7

Jǝ́ mɛla nyɔ a daagɔ Abafaras woi, nʊ nɨ nǝn swɨ lɛɨ, fwalɨ maajɨ nǝn. N nʊ a ta swatǝm yaa a do nyiyo nǝnɔ a maajɨ Kiristii.

Afisa 6:21

Mǝ swɨ lɛ jǝ́ nyǝm yɨm mǝndɨ jǝbɔ maajɨgɔ mǝ maa lɛɨ. N jʊ a bwɨ mǝ twam Tikikus a daa jen woi. N kɛ nǝ swɨtǝm, n nǝ tatǝm swatǝm yaa a maajɨ Tɛlalɔɨ. Sʊwa jen sʊwa kanjǝlɔ pʌd.

Afisa 3:3

Kwaama a nʊng ɨ a mʊgɔ dʊgam nyangnyang jʊ nɨ ga yʊ yʊɨ. N kwɛl n mʊla mʊlaɨ nǝn dǝm nyɔ.

2 Korinti 1:24

Ke bɔ kɛl nʊngtǝm kwaan a nǝtǝm bɨlǝngkɛl jenɔ gǝm nǝn nʊng jen nɛɨ. Mɨ nyɔ. Nǝn maa maajɨgɔ dakini jǝbɔ jen, sǝ jǝ́ maa fulotǝm nǝl, jʊ a bwɨɨ jǝ́ tɨ nǝn kwaan a nǝtǝm bɨlǝngkɛl jenɔ gǝm.

Roma 5:2

N daa gǝ woi bǝ nya lǝma nɨ bǝ yǝm woi, a gola nǝtǝm bɨlǝngkɛl. Bǝ maa lɨyal lɛ jǝbɔ yatǝm nǝl a dʊʊlǝn Kwaamaɨ.

Yohana 21:21

Nǝn kwama Bitrus a kuwo gǝnɨ, nǝngɔ a bʌ Yesu gɔ, “Tɛlalɔ, n wɛ bwɨ lɛ nǝn nʊ nɨɨ?”

Maajɨ Bɛtɔ Twamagɨɨ 15:22

Nǝngɔ bɛtɔ twamagɔ jǝbɔ dʊʊmɔ jǝbɔ mʊrkalɨ nǝb bwangtǝm Kwaamaɨ pʌd, ja kuwo a bʊm nyɔ jǝ jǝg kaam nǝb a kʊm ji jǝ twam a Antakiya, jǝbɔ Bulus jǝbɔ Barnaba. Nǝngɔ ja jǝg Yahuza wʊnɨ jǝ jo lɛ gɔ Barsabaɨ, jǝbɔ Sila, wʊnɨ jǝ nǝb dʊʊm a kʊm nǝb bwangtǝmɨ.

1 Bitrus 1:13

A kɛl dul jʊ nɨ, bɛ jǝ́ fɛka bʊʊlalɨ jenɔ a maatǝm maajɨ. Bɛ jǝ́ ta dul jenɔ. Bɛ jǝ́ ya nǝl jenɔ a dul lǝma nɨ Kwaama nǝ jen nɛ nǝn kwama Yesu Kiristi bɛm lɛɨ.

1 Bitrus 4:10

Kwaama a nǝ jen nǝtǝm win win. Bɛ ya jǝ́ tɨkaka lɛ nǝn, jǝ́ ta swatǝm yaa nɨ Kwaama a nǝ jen a mʊgɔ lǝma gǝnɨ.