1 Bitrus 4:9 - Dadiya NT

⁹ Ya jǝ́ yobka lɛ a mʊgɔ lɔtɨn jenɔ gǝm, mɨ kʊngatǝm wo.

1 Bitrus 4:9 Referans Kwoze

Ibranii 13:2

Bɛ ka jǝ́ bǝla lɛ shigtǝm faabǝmɔ. A gola maatǝm nyɔ kaamɨ a shig bɛtɔ twama Kwaamaɨ mɨ nǝn nyǝmtǝmɨ.

Roma 12:13

Bɛ jǝ́ tɨka nǝb sagsag nɨ mɨ nǝngǝnɨ. Bɛ ya jǝ́ yo faabǝmɔ lɛ nǝn fulotǝm nǝl.

Filibii 2:14

Bɛ jǝ́ maa kanjǝlɔ gwam mɨ kʊngatǝm wo jǝbɔ gʊbkatǝm.

Ibranii 13:16

Ka jǝ́ bǝla lɛ maatǝm jǝ nyan jǝbɔ tǝgatǝm kanjǝlɔ jǝbɔ ji. Jʊtǝb nɨ a maa na tǝlatǝm twama wʊnɨ fulo Kwaama gǝm nǝl lɛɨ.

Titus 1:8

Bɛ a yǝlam nʊ nɨ shig faabǝm lɛɨ, nʊ nɨ swɨ maatǝm jǝ nya lɛɨ, nʊ nɨ a dǝg kang gǝnɔ a sʊɨ, nǝ dǝngdǝng, nǝ sagsag, nǝ tatǝm dul,

1 Timoti 3:2

Nʊ nɨ dʌng mʊrkalɨ nǝb bwangtǝm Kwaamaɨ lɛɨ, bɛ a yǝlam nʊ nɨ mɨ nǝn jǝ tuwoli, nǝ nɔɔlɨ win, nǝ tatǝm dul, nʊ nɨ a dǝg kang a sʊɨ, nʊ nɨ ja jǝla nǝn gɨɨ, nʊ nɨ dʌng faabǝm lɛɨ, nʊ nɨ a nyǝm mɛlalɨ.

Yakubu 5:9

Kambɔ, jǝ́ bǝla kʊngatǝmɔ wo a kʊm jen, kage ja biyo jem borang. Nǝ biyotǝm borangɔ bɛ lɛ. N wɔ tɨm a nyanga kan.

2 Korinti 9:7

Gwam jenɔ bɛ jǝ́ nǝ kanga jǝ́ maa bʊʊlalɨɨ, ke bɔ sɨnatǝm jen jǝbɔ kaltǝm nǝl, jʊ a bwɨɨ Kwaamagɔ swɨ nʊ nɨ lɛ maa nǝtǝm lɛ nǝn fulotǝm nǝlɨ.

Filimon 1:14

Mǝ swɨ bɔ n maa kanjǝl nɨ mɨ nǝn jǝlatǝm mʊn, kage jǝ nyan nɨ mʊ maaɨ a yǝlam nǝn kwaan, ke bɔ nǝn swɨtǝm mʊn.

Roma 16:23

Gayus, nʊ nɨ a shig i a mʊgɔ lɔ gɨɨ, nʊ nɨ yo mʊrkalɨ nǝb bwangtǝm Kwaamaɨ lɛ a mʊgɔ lɔ gɨɨ, yal jen nɛ. Arastas nǝ gol kemʌn tuulɔngɔ jǝbɔ kɨla bǝn Kawartas, jǝ yal jen nɛ.