1 Bitrus 4:8 - Dadiya NT

⁸ Jʊ a laa bʊmǝnɨ, bɛ jǝ́ maa swɨkatǝm a kʊm jen nǝn nǝlɔ win, jʊ a bwɨɨ, swɨkanɔ gǝ kǝlǝm kǝlǝm bwɨlangkɛl a lada.

1 Bitrus 4:8 Referans Kwoze

Kolosii 3:14

Jʊ a laa jʊtǝb nɨ gwamɨ, bɛ jǝ́ do nǝl swɨkan, wʊnɨ a mʊr jen gwam jǝ́ yǝlam wini.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

Yakubu 5:20

Bɛ ga nyǝm pʌd nʊ nɨ a yǝla nǝn nǝ bwɨlangkɛl a golaɨ, a bʊʊ nǝn kʊlɨ nǝ bwɨlangkɛl nɨ a bwaa, yǝlam gǝm gola kǝlǝmtǝm kʌm bwɨlangkɛltɨn gǝnɔ.

1 Korinti 13:1

Na mǝ sʊwa sʊwa kɛl nǝn kaam nyiyo nǝbɨɨ jǝbɔ a bɛtɔ twama Kwaamaɨ, na a yǝlam mɨ mǝ nǝn swɨkanɨ, n yǝlam dǝnglǝng nɨ nǝn diili jǝbɔ bʌn nɨ nǝn diili.

1 Tasalonikaɨ 3:12

Bɛ Tɛlalɔ a dǝg jǝ́ nya sʊtǝm a mʊgɔ swɨkan a lada a kʊm jen jǝbɔ nǝbɔ gwam, kanga nǝn maa jem lɛɨ.

Ibranii 13:1

Bɛ jǝ́ ja kǝga a swɨtǝm kambɨɨ gǝm.

1 Timoti 1:5

Diil nɨ gǝ nʊng kɛl swɨkan, wʊnɨ jel lɛ a nǝl sagsagɨɨ, jǝbɔ bʊʊlalɨ nyan a mʊgɔ nǝl nɨ mɨ komtǝm woi, jǝbɔ nǝl nǝtǝm bɨlǝngkɛl dangǝn.

2 Tasalonikaɨ 1:3

A yǝlam nyɔ kwangkwang nǝn buu Kwaama gǝm kang a kɛl dul jen gwam kambɔ, a bʊm nyɔ, jʊ a bwɨɨ nǝtǝm bɨlǝngkɛl jenɔ sʊ lɛ sʊɨ nǝn bɨlǝngǝn, jʊ a bwɨɨ swɨkatǝmɔ a kʊm jeni sʊ lɛ sʊɨ.

3 Yohana 1:2

Fwalɨ nyan mǝndɨ, mǝ maa keli lɛ ń nya yɨm kwamɨgǝn a golantɨnɔ gǝm gwam, jǝbɔ yɨm kwamɨgǝn a bʊtɔ, kanga kʊlɨ mʊnɔ yǝm kwamɨgǝnɨ.

Yakubu 5:12

Kɛtǝlam mɨ, jʊ a laa jǝlɨ, ka jǝ́ wɛɛl lɛ wɛɛlɨ nǝn dʌbʌl jǝbɔ tǝm, jǝbɔ kaa jǝl nyɔ. Bɛ jǝ́ sʊwa jengɔ, “Ɔɔ” na dǝngdǝngɨ. Jǝ́ sʊwa jengɔ, “Ɔ ɔ” na mɨ nyɨɨ, kage Kwaama a maa jem mwɛl.

1 Korinti 13:4

Swɨkanɔ gǝ dǝg dǝg bwatǝm nǝl jǝbɔ nǝl lǝmǝn. Swɨkanɔ mɨ gǝ maa nungon nɛ, mɨ gung dul lɛ.