1 Bitrus 4:14 - Dadiya NT

¹⁴ Na ja tuwo jen a kɛl dun Kiristii, bwiligɔ na a jen, jʊ a bwɨɨ Yʊwa dʊʊlǝnɔ, Yʊwa Kwaamaɨ, gǝ na jǝbɔ jen.

1 Bitrus 4:14 Referans Kwoze

1 Bitrus 3:14

Na jǝ́ nɔɔ nɔɔ gaalan a dul maatǝm jʊ nɨ n dǝngdǝngɨ, jǝ́ nǝb bwilitɨn. “Ka jǝ́ nyʊwa lɛ taal jinɔ. Ka jǝ́ kom lɛ dul jenɔ.”

Luka 6:22

Bwiligɔ na a jen, jǝ́ nǝbɔ ja kɔ jeni, ja jǝgǝm jen, jǝ tuwo jen nɛɨ, jǝ kal dun jenɔ lɛ a kɛl dul Bʊla Nǝlɨ.

Yakubu 1:12

Bwiligɔ na a nʊ nɨ a kʊ nǝl a mʊgɔ gaalan gǝnɔ gǝmɨ, jʊ a bwɨɨ, yo yo lǝma kʊlɨ nɨ mɨ dɨtǝm woi, wʊnɨ Kwaama a maa swatǝm yaa gɔ gǝ nǝ nǝ nǝb nɨ gwam swɨ gǝn nɛɨ.

Matta 5:11

“Bwiligɔ na a jen, nǝn kwama nǝbɔ a tuwo jeni, ja nǝ jen gaalanɨ, ja sʊwala jen kɛl bwɨlantɨn a kɛl dul mɨɨ.

1 Bitrus 3:16

Ka jǝ́ maa lɛ jʊ nɨ bɛ jem lɛ nǝn guniduli, sǝ na ja tuwo jen a kɛl dul maatǝm jǝ nyan jenɔ a bwangtǝm Kiristii, jǝ nyʊwa nyʊwa gunidul.

2 Korinti 12:10

N jʊ a bwɨ mǝ maa bǝlátǝm lɛ nǝn gɨyatǝmɔ mǝ nǝngǝnɨ, jǝbɔ tuwolɔ jǝ maa mɨ lɛɨ, jǝbɔ nɔɔtǝm gaalan sɨnatǝmɔ, jǝbɔ gaalantɨnɔ a kɛl dul Kiristii, jʊ a bwɨɨ, a kwama nɨ mǝ gɨya gɨyaɨ, n kwama mǝ nǝn kwaanɨ.

Yohana 15:21

Jǝ maa jem maa kanjǝl nɨ gwam a kɛl dun mɨ, jʊ a bwɨɨ ja nyǝm bɔ nʊ nɨ a twam ɨɨ.

Yakubu 5:11

Nǝb nɨ a kʊ nǝlɨ, bǝ sʊwa bǝngɔ nǝb fulotǝm nǝl. Jǝ́ nyʊwa kɛl kʊtǝm nǝl Ayubaɨ. Jǝ́ nyǝm kanga Tɛlalɔ a nǝ gǝn bwili a dɨltǝmɨ, Tɛlalɔ n nǝ tɨkalɨ, n nǝ jitǝm bʊnǝn.

Maajɨ Bɛtɔ Twamagɨɨ 13:45

Kwama nǝb dʊʊm Yahudawagɔ a kuwo mʊrkalɨ nǝbɨɨ a lada nyɨɨ, nǝngɔ ja ta maatǝm nungonɔ dangǝnɨ. Jǝ buwo kɛltɨn nɨ lɛ Bulus a sʊwaɨ. Jǝ tuwola gǝn nɛ tag.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

Ibranii 11:26

A jǝla gɔ gaalanɔ a dul Kiristii, n jǝ shilo a daa gǝ woi, a laa shilogɔ a tǝm Masarɨ. A ya nu gǝnɔ a jʊ gǝ nya lɛɨ.

Galatiya 1:24

Nǝngɔ ja bǝlá Kwaama nǝn jʊ nɨ ga maa a daa mǝ woi.

Yohana 9:34

Nǝngɔ ja jǝla gǝn gɔ, “Mɔ nɨ ja bʌ ń a mʊgɔ bwɨlangkɛlɨ, n wɛ mʊ swɨ lɛ ń mɛla nǝmɨ?” Nǝngɔ ja kaa gǝn bɛtǝmɔ a kan mɛlalɨɨ.

Yohana 9:28

Nǝngɔ jǝ tuwo balɨ nɨ gɔ, “Nǝmɔ mʊ bwɛ mɛlalɨ gǝnɨ, ke bɔ nǝn. A nǝnɔ nǝ bɛtɔ mɛlalɨ Musaɨ.

Yohana 8:48

Nǝngɔ Yahudawagɔ a jǝla gǝn gɔ, “Nǝn sʊwa nǝngɔ mʊ bwɛ Samariya, mɔ nǝngǝn nǝn yʊwa bwɨla. Mɨ nyɔ ka?”

Matta 5:16

A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.

2 Bitrus 2:2

Nǝbɔ a lada wʊnɨ bwangtǝn golantɨn gunidul jinɔ lɛɨ. N kɛl dul jin kaam nǝbɔ soga gola bɨlǝngkɛlɔ lɛɨ.

Maajɨ Bɛtɔ Twamagɨɨ 18:6

Jǝ bǝng gǝn nɛ, jǝ tuwola gǝn nɛ. N dul kɛl nɨ a fʌrʌm dwang gǝnɔ a sʊwa ji gɔ, “Bɛ tʊʊm jenɔ a yɨ a dul jen! Mǝ, mɨ mǝ nǝn bwɨlangkɛl. Jʊ a ta a dwiyeni, mǝ yi a daagɔ Bʌtʌbɔ woi.”

Maajɨ Bɛtɔ Twamagɨɨ 5:41

Bɛtɔ twama nɨ a gun a bǝla nǝb dʊʊm koteregɔ, ja jel. Jǝ maa bǝlátǝm lɛ gɔ jǝ kuwo, jǝ la nyɔ, jǝ nɔɔ gaalan a kɛl dun Yesui.

Maajɨ Bɛtɔ Twamagɨɨ 28:22

Nǝn swɨ lɛ nǝn nyʊwa a nyiyo mʊn jǝbɔ jʊ mʊ kuwoi. Jʊ nǝn nyǝmɨ nǝn gɔ, n kaam mʊrkalɨ nǝb bwangtǝm fɨ nɨ nǝbɔ gwam sʊwala kɛl bwɨlan nɛ a dul gǝnɨ.”

2 Korinti 4:10

Kwangkwang nǝn na a nyiyo bwaa kanga ja jʌm Yesui, sǝ ja nʊng kʊlɨ Yesui a bʊtɔ nǝn.

2 Korinti 4:16

Nǝn dem bɔ nǝl. Bʊtɔ nǝnɔ kala lɛ sul, kʊlɨ nǝnɔ kum jǝbɔ kum gǝ yǝlam a fɨ.

1 Bitrus 4:16

Na kaa nǝl a nɔɔ gaalan a kɛl dul gǝ nǝ bwangtǝm Kiristii, ka ga nyʊwa lɛ gunidul. Bɛ ga dʊʊl Kwaama a kɛl dun nɨɨ.