1 Bitrus 4:11 - Dadiya NT

¹¹ Pʌd nʊ nɨ nǝtǝm gǝnɔ n kiyotǝm kɛlɨ, bɛ ga kiyo kɛl Kwaamaɨ. Nʊ nɨ pʌd maa tɨkalɨ lɛɨ, bɛ ga maa nǝn kwaan nɨ Kwaama a nǝ gǝnɨ, sǝ a mʊgɔ kanjǝlɔ gǝm gwam jǝ́ dʊʊl Kwaama a gola Yesu Kiristii. Bɛ dʊʊlǝnɔ, jǝbɔ fɔlɔnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!

1 Bitrus 4:11 Referans Kwoze

1 Korinti 10:31

Na n nɔɔtǝmɨ, na n jatǝmɨ, na na kaa jǝl jǝ́ maa lɛɨ, jǝ́ maa gǝn gwam nǝn dʊʊlǝn Kwaamaɨ.

Afisa 6:10

A dɨltǝmɔ gǝm, bɛ jǝ́ ya kwaanɔ a daagɔ Tɛlalɔ woi jǝbɔ mʊgɔ kwaan dʊʊn gǝnɔ.

1 Bitrus 4:10

Kwaama a nǝ jen nǝtǝm win win. Bɛ ya jǝ́ tɨkaka lɛ nǝn, jǝ́ ta swatǝm yaa nɨ Kwaama a nǝ jen a mʊgɔ lǝma gǝnɨ.

Maajɨ Bɛtɔ Twamagɨɨ 7:38

Nǝn gɔ a mʊgɔ nǝb nɨ a mʊrka a kuuli. Nǝn gɔ dakini jǝbɔ bwɛ twama Kwaamaɨ nɨ a sʊwa gǝn kɛl a dʌbʌl Yem Sinaii. Nǝn gɔ dakini jǝbɔ tʊgalam bǝnɨ. Nǝn gɔ a yo kɛl kʊlɨ nɨ a bɛ bǝm nǝnɨ.

Afisa 4:29

Ka kaa kɛl bwɨlan ya jel lɛ a nyiyo jen, na ke bɔ kɛl nyan nɨ kwam jim nǝl lɛ a jʊ nɨ bʊm jim lɛɨ, sǝ a bɛ nǝn lǝma a nǝb nɨ a nyʊwa gǝnɨ.

Roma 3:2

Gǝ maa maa nyɔ a golantɨnɔ a lada! Nǝn tɨkǝga Yahudawagɔ nǝji Kwaama a jǝla nǝn ji a nǝ ji kɛl gǝnɨ.

Yakubu 1:19

Kɛtǝlam mɨ nɨ mǝ swɨ lɛɨ, bɛ jǝ́ fɛ jǝ́ nyʊwa a bʊm, ka jǝ́ yǝlam lɛ nǝb sʊwatǝm kɛl jǝbɔ maatǝm nabwɨl yagɨ yagɨ.

Kolosii 4:6

Kwangkwang, bɛ kɛl jenɔ a yǝlam kɛl lǝmɨ jǝbɔ gʊtǝm nǝl nǝbɨɨ, sǝ jǝ́ nyǝm kɛl nɨ a bʊm jǝ́ gar nǝbɔ gǝm lɛɨ.

1 Korinti 12:4

Nǝtǝm lǝmatɨn Yʊwagɔ nǝn dʌmʌn, Yʊwagɔ win.

1 Bitrus 2:5

Jen tʌjen jǝ́ na na tatǝn kʊlɨ. Bɛ Kwaama a mɔ jen na lɔ gǝnɔ nɨ nǝn yʊwaɨ, sǝ jǝ́ yǝlam nya nǝbkǝlam Kwaamaɨ sagsag, jǝ́ twɨtǝm yulʌn nyan, wʊnɨ Kwaama yo lɛɨ, a gola Yesu Kiristii.

Yahuza 1:25

Dʊʊlǝnɔ, jǝbɔ bʊmǝnɔ, jǝbɔ kwaanɔ, jǝbɔ fɔlɔnɔ na a Kwaama Nǝbʊʊlɨ bǝnɨ kwaagɔ, a gola Yesu Kiristii, Tɛlalɔ bǝn, a kǝngkɔ, jǝbɔ joltɨn nɨ a shui, a yɔ nǝn a joltɨn nɨ bɛ lɛɨ, mɨ dɨtǝm wo! A daa nyɔ.

Ibranii 5:12

Kǝngkǝnɨ na a bʊm nyɔ jǝ́ yǝlam nǝb mɛlalɨ sul, jǝ́ saa lɛ kaa nǝl a yǝla a mɛla jem kɛltɨn tǝltǝm kɛl Kwaamaɨ tag. Jǝ nǝ jen yʊl, ke bɔ jǝjalǝn nɨ a kwamɨ.

1 Timoti 6:16

Nǝn gɔ kwaagɔ mɨsɔ bʊla lɛ woi. Yǝm a nyalǝm nɨ mɨ jǝ yɔ lɛ wo nǝn dɔɔmɨ. Gɔ mɨ nǝn nʊ nɨ a kuwo gǝn woi, dwal kuwo gǝn nɛɨ. Dʊʊnɔ jǝbɔ fɔlɔn nɨ mɨ dɨtǝm woi bɛ a yɨ a daa gǝ woi. A daa nyɔ.

1 Timoti 1:17

Dʊʊnɔ jǝbɔ dʊʊlǝnɔ bɛ a yɨ a daagɔ Kwaama woi wʊnɨ mɨ dɨtǝm woi. Nǝn gɔ Fɔlɔ joltɨnɨ, nʊ nɨ mɨsɔ bʊla lɛ woi, mɨ jǝ kuwo lɛɨ, Kwaama nɨ wini. A daa nyɔ.

1 Korinti 3:10

A dul lǝma nɨ Kwaama a nɨ ɨɨ, n swa fʌlʌm mɔtǝmɔ maa na nʊ nɨ a nyǝm mɔtǝmɨ. Kaa a sʊtǝn mɔtǝmɔ a dul gǝn. Bɛ nǝl a nyǝm mɔtǝm nɨ gǝ sʊtǝn nɛ a dul gǝnɨ.

Matta 6:13

Bɛ ka ń yɔ lɛ nǝn bǝn a daa tɛltǝm. Bɛ ń jǝg bǝn a daa nǝ Bwɨlagɔ woi. [Jʊ a bwɨɨ, fɔlɔnɔ jǝbɔ kwaanɔ jǝbɔ dʊʊnɔ na a mɔ, mɨ dɨtǝm wo. A daa nyɔ.]’

1 Bitrus 5:11

Fɔlɔnɔ bɛ a ta tʌgo a daa gǝ woi gwanggwang mɨ dɨtǝm wo. A daa nyɔ.

Yakubu 1:26

Na kaa nǝl bʊʊla lɛ gɔ gǝ nǝn jǝfʊlǝnɨ, mɨ ta nyiyo gǝnɔ lɛɨ, gǝ swag dul gǝn. Jǝfʊlǝn gǝnɔ jǝl nǝn kwan.

Filibii 2:11

A maa nyɔ tag sǝ nyiyotɨnɔ gwam a sʊwa gɔ Yesu Kiristi nǝn Tɛlalɔ, sǝ ja dʊʊl Kwaama Tɛtɛ.

Afisa 5:20

Kwangkwang bɛ ya jǝ́ buu Kwaama Tɛtɛ gǝm kang lɛ a dul kanjǝlɔ gǝm gwam, a mʊgɔ dun Tɛlalɔ bǝn Yesu Kiristii.

1 Korinti 6:20

Kwaama a ten jen teni, a ywa jǝ tentǝm jenɔ a lada. A dul kɛl nɨɨ, bɛ jǝ́ dʊʊl Kwaama nǝn bʊtɔ jenɔ.

Roma 11:36

Kanjǝlɔ gwam a bɛ a daa gǝ woi, n gola gǝn ja fɛ kanjǝlɔ gwamɨ, n daa gǝ woi jǝ yǝla lɛɨ. Bɛ nǝtǝm dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Filibii 1:11

Jǝ́ yii tag nǝn maajɨ dǝngdǝng wʊnɨ jǝ́ nya lɛ a gola Yesu Kiristii. Wʊnɨ nǝn gɔ bɛ lɛ nǝn dʊʊlǝn Kwaamaɨ jǝbɔ bǝlátǝm gǝnɨ.

2 Korinti 9:13

Maajɨ nǝtǝm jenɔ nɨ gǝ nʊng jǝ́ nǝb bwangtǝm bɨlǝngǝn. N gola nɨ nǝbɔ gung dʊʊlǝn Kwaamaɨ lɛɨ, jʊ a bwɨɨ jǝ́ jǝla nǝn fulon kɛl lǝmɨ Kiristii, jǝ́ bwangtǝn. Nǝbɔ gung gung dʊʊlǝn Kwaamaɨ a tɨkalɨ nɨ jǝ́ maa jim jǝbɔ tangǝn nǝbɔ nǝlɔ wini.

Roma 16:27

Bɛ dʊʊlǝn nɨ mɨ dɨtǝm woi, a ta tʌgo gwanggwang a gola Yesu Kiristii a daa Kwaama woi, wʊnɨ n nǝ yʊlan kwaagɨɨ! A daa nyɔ.

Yohana 13:31

Kwama nɨ Yahuza a jelʌmi, nǝngɔ Yesu a sʊwa gɔ, “N kǝngkɔ jǝ nǝ Bʊla Nǝlɨ dʊʊlǝn nɛɨ. N daa gǝ woi Kwaama nya dʊʊlǝn nɛɨ.

Roma 12:3

A gola lǝma nɨ Kwaama a maa mɨɨ, mǝ sʊwa jen nɛ gwam jenɔ, bɛ ka kaa nǝl ya do lɛ dul gǝnɔ a laa laaɨ bʊʊlalɨ gǝnɔ. Bɛ a do dul gǝnɔ dǝngdǝng jǝbɔ nǝtǝm bɨlǝngkɛlɔ Kwaama a nǝ gǝnɨ.

2 Korinti 2:17

Jʊ a bwɨɨ nǝn na bɔ na nǝb nɨ a ladaɨ, nǝbɔ kiyo kɛl Kwaamaɨ lɛ sǝ ja nyam kemʌni. A nǝnɔ nǝn sʊwa bɨlǝngkɛl kanga Kwaama a gul nǝm bwiyeli, nǝn sʊwa nyɔ a kǝga Kwaamaɨ, na bɛtɔ jwaalɛn Kiristii.

Afisa 1:19

N maa keli tag sǝ jǝ́ nyǝm dʊʊlǝn kwaan gǝnɔ nɨ mɨ kiyotǝm woi, wʊnɨ maa lɛ a kʊm bǝnɨ, bǝn nɨ bǝ nǝ bɨlǝngkɛlɨ. Wʊnɨ nǝn gɔ kwaan fɔlɔn gǝnɔ gɔ win,

1 Tasalonikaɨ 2:4

Kanga Kwaama a jǝla nǝn nǝnɨ, a nǝ nǝn tatǝm fulon kɛl lǝmɨgɨɨ, nǝn gɔ nǝn sʊwa lɛɨ, ke bɔ sǝ nǝn fulo nǝbɔ gǝm nǝl. Nǝn fulo Kwaama gǝm nǝl, wʊnɨ tɛl nǝl bǝnɔ lɛɨ.

Titus 2:1

Titus, bɛ ń mɛla jʊ nɨ a daa tʌgo a mɛlalɨ nyanɨ.

Titus 2:15

Bɛ ń tɨtǝn sʊwatǝm kanjǝl nɨ. Mʊ gʊ jim lɔl lɛ. Mʊ ga ji lɛ nǝn diil nǝn kwaan. Ka ń jǝla lɛ nǝbɔ a soga ń.

Ibranii 13:7

Bɛ jǝ́ bʊʊla nǝn nǝb dʊʊm jenɔ galɨgǝnɨ, nǝb nɨ a kiyo jem kɛl Kwaamaɨ. Jǝ́ dʌng yɨm jinɔ. Bɛ jǝ́ maa mɛlalɨ nǝn nǝtǝm bɨlǝngkɛl jinɔ.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

1 Bitrus 4:16

Na kaa nǝl a nɔɔ gaalan a kɛl dul gǝ nǝ bwangtǝm Kiristii, ka ga nyʊwa lɛ gunidul. Bɛ ga dʊʊl Kwaama a kɛl dun nɨɨ.