1 Bitrus 3:9 - Dadiya NT

⁹ Ka jǝ́ ywa lɛ bwɨlan nǝn bwɨlan, tuwol nǝn tuwol. Bɛ jǝ́ dǝg jim bwili. N kɛl dul jʊ nɨ ja jo jen sǝ jǝ́ nya bwilii.

1 Bitrus 3:9 Referans Kwoze

Roma 12:17

Na nǝl a maa jem shili, ka jǝ́ jǝla lɛ jǝ́ maa gǝm shil tǝgǝn. Bɛ jǝ́ maa jʊ nɨ dǝngdǝngɨ a kǝga nǝbɨɨ gwam.

Roma 12:14

Bɛ jǝ́ dǝg nǝb nɨ nǝ jen gaalan nɛɨ gǝm bwili. Jǝ́ dǝg jim bwili, ka jǝ́ lag ji lɛ.

1 Tasalonikaɨ 5:15

Jǝ́ fɛ jǝ́ nyǝm ka nǝl ya ywa lɛ shil nǝn shil. Kwangkwang ya jǝ́ sʊtǝn maatǝm jʊ nɨ lɛ a bʊmɨ a kʊm jen jǝbɔ nǝbɔ gwam.

Matta 5:44

Jʊ mǝ sʊwa jen nɛ kǝngkɨɨ, jǝ́ swɨ nǝb kiim jenɔ. Jǝ́ maa nǝb nɨ nǝ jen gaalan nɛɨ gǝm keli.

Afisa 4:32

Bɛ ya jǝ́ maaka jǝ nyan nɛ, jǝ́ jika bʊnǝn nɛ, jǝ́ kǝlǝmka lɛ kanga Kwaama kǝlǝm jem lɛ a gola Kiristii.

Matta 5:39

Kǝngkǝnɨ mǝ sʊwa jen nɛ, bɛ ka jǝ́ ywa lɛ naan a nʊ nɨ a maa jem bwɨlangkɛlɨ. Na nǝl a jǝga ń a dʊng kang jajǝngɨ, yǝla gǝm dʊng kang fɔlɔngɔ.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

Roma 8:28

Bǝ nyǝm a mʊgɔ kanjǝlɔ gǝm gwam Kwaama maa maa jʊ nɨ a bʊmɨ a nǝb nɨ swɨ gǝn nɛɨ, a nǝb nɨ ga jo a fɛkalɨ gǝnɨ.

Matta 25:34

“Fɔlɔgɔ sʊwa sʊwa nǝb nɨ a kang jajǝng gǝnɨ gɔ, ‘Jǝ́ bɛ, nǝb nɨ Tɛtɛ mɨ a nǝ jen bwilii. Jǝ́ yo kʊla fɔlɔn lɔ nɨ ja fɛka jem nǝn tǝltǝm yooligɨɨ.

Ibranii 6:14

A sʊwa gɔ, “Bɨlǝngǝn, mǝ dǝg mʊn dǝg bwili, sǝ n dǝg dʊʊm mʊnɔ a bwi.”

Luka 18:18

Kaa nǝ dʊʊ nǝbɨɨ, a bʌ gǝn gɔ, “Feyi nyan, n wɛ mǝ maa lɛ sǝ n nya kʊlɨ nɨ mɨ dɨltǝm woi?”

Luka 10:25

Na kaa nǝ mɛlalɨ diil Musaɨ a gun a tɛl Yesu gɔ, “Feyi, wɛ mǝ maa lɛ sǝ n nya kʊlɨ nɨ mɨ dɨtǝm woi?”

Matta 19:29

Gwam nʊ nɨ a bǝla lɔ gǝnɨ, a bǝla kɛtǝlam gǝnɔ batǝn jǝbɔ a nɔɔtǝn, bǝ tɛtɛ gɔ jǝbɔ nɛnɛ gɔ, bɛtɨ jǝbɔ twamtɨn gǝnɔ, a kɛl dun mɨɨ, nya nya naagɔ fʊlkʊb, jǝbɔ nyatǝm kʊlɨ nɨ mɨ dɨtǝm woi.

Roma 8:30

Nǝb nɨ Kwaama a jǝgamɨ, nǝji ga joi. Nǝb nɨ ga joi, nǝji ga dǝg ji ja yǝlam nǝb dǝngdǝngɨ. Nǝb nɨ ga dǝg ji ja yǝlam dǝngdǝngɨ, nǝji gǝ dʊʊl ji lɛɨ.

Markus 10:17

Yesu a gun sǝ gǝ bǝla daa gɨɨ, nǝngɔ kaa balɨ a bɛ nǝn sʊgɔl ba jʊng a kǝga gǝnɨ, a bʌ gǝn gɔ, “Feyi nyan, n wɛ mǝ maa lɛ sǝ n nya kʊlɨ nɨ mɨ dɨtǝm woi?”

Galatiya 3:14

A jǝg bǝn sǝ bwili nɨ Kwaama a maa Ibrahim gǝmɨ, a bɛ Bʌtʌbɔ gǝm a gola Yesu Kiristii, sǝ bǝn a gola nǝtǝm bɨlǝngkɛl bǝ nya nya Yʊwa Kwaamaɨ nɨ Kwaama a swam yaaɨ.

Ibranii 12:17

Jǝ́ nyǝm, nǝn gul a swɨ sǝ gǝ ja kʊla bwili nɨɨ, nǝngɔ ja kɔ gǝnɨ, jʊ a bwɨɨ, a nya bɔ gola a yǝla a bǝla bwɨlangkɛl gǝnɔ. A tɨtǝn saatǝm gǝnɔ nǝn mwɛ num sul, a nya bɔ.