1 Bitrus 3:4 - Dadiya NT

⁴ Bɛ bʊmǝn jenɔ a yǝlam a bʊʊlalɨ mʊgɔ nǝl. Bɛ dʊʊl jenɔ, jǝbɔ yʌbtǝm dul jenɔ, jǝbɔ lǝma nǝl jenɔ wʊnɨ mɨsɔ dumo lɛ woi a yǝlam jǝ yotǝm nyan a kǝga Kwaamaɨ.

1 Bitrus 3:4 Referans Kwoze

Kolosii 3:12

Gǝ na nyɔ, bɛ jǝ́ do nǝl bʊnatǝm, jǝbɔ maatǝm jǝ nya, jǝbɔ shigtǝm dul, jǝbɔ yʌbtǝm dul, jǝbɔ kʊtǝm nǝl, kanga jǝ́ nǝbɔ Kwaama a jǝgamɨ, nǝb sagsag, nǝbɔ Kwaama swɨ lɛɨ.

Roma 2:29

Nʊ nɨ n bwɛ Yahuda a mʊgɔ nǝlɨ, nǝn gɔ n bwɛ Yahuda nyanɨ. Biyotǝm mwɛn nyanɔ gǝ na a mʊgɔ nǝl, a mʊgɔ yʊwa, ke bɔ biyotǝm tɛ bʊtɔ. N nʊ nɨ Kwaama bǝlá gǝn nɛɨ, ke bɔ nǝfilii.

Matta 11:29

Jǝ́ do maajɨ mǝndɨ kanga nɛɛgɔ a do tɨya kwɨlɔ sǝ a maa maajɨɨ. Jǝ́ mɛla a daa mǝ woi. Mǝ nǝ shig shig, mɨ mǝ nǝn gungtǝm dul, jǝ́ nya nya fǝbtǝm a nǝl jen.

Titus 3:2

Ka ja yʊʊla lɛ kaa nǝl. Ka ja maa lɛ kʊkkan. Bɛ ja yǝlam nǝb shigtǝm dul. Ja yǝlam nǝb maatǝm jǝ nyan a daa nǝbɔ woi gwam.

Matta 23:26

Mʊ kuli bwɛ Farisa! Tǝl saaltǝm mʊgɔ kʌshi nɔɔmwɛnɔ jǝbɔ kʌshi jajɨgɔ, sǝ gul jinɔ a jel tʌji.

Roma 7:22

Mǝ a mʊgɔ nǝl mɨɨ, nǝl mɨɨ a fulo nǝn diil Kwaamaɨ.

2 Korinti 4:16

Nǝn dem bɔ nǝl. Bʊtɔ nǝnɔ kala lɛ sul, kʊlɨ nǝnɔ kum jǝbɔ kum gǝ yǝlam a fɨ.

1 Tasalonikaɨ 4:11

Jǝ́ sʊtǝn kwaan, jǝ́ yɨ yɨm kwamɨgǝn, jǝ́ fɛ jǝ́ dʌng kanjǝl nɨ a kǝga jeni, jǝ́ maa maajɨ nǝn kang jenɔ, kanga nǝn sʊwa jeni.

Afisa 4:2

Kwangkwang bɛ jǝ́ yɨ nǝn shigtǝm dul nyangǝn jǝbɔ yʌbtǝm dul, jǝbɔ kʊtǝm nǝl, jǝ́ bwabka nǝl lɛ a mʊgɔ swɨkan.

1 Bitrus 3:15

A mʊgɔ nǝl jen, jǝ́ nǝ Kiristi dʊʊn na Tɛlalɔ. Kwangkwang jǝ́ yɨ nǝn fɛkalɨ, jǝ́ sʊwa nǝb nɨ gwam a bʌ jen yatǝm nǝlɔ jǝ́ nǝnɨ. Bɛ jǝ́ sʊwa ji nǝn yʌbtǝm dul jǝbɔ nǝtǝm dʊʊn.

1 Timoti 2:2

Jǝ́ maa fɔlɔlɔmɔ gǝm keli jǝbɔ nǝb dʊʊmɔ, sǝ bǝ nya yɨm lǝma kʊlɨgɔ kwamɨgǝn, yɨm nɨ a daa tʌgo a kɛl Kwaamaɨ jǝbɔ yɨm sagsag.

Luka 11:40

Nǝb swɛlatǝm! Ke bɔ nʊ nɨ a fɛ guli a fɛ mʊgɔ gǝnɔ tagɨ ka?

Yakubu 1:21

Bɛ jǝ́ tǝlam bʊʊlalɨ bwɨla nɨ n bwɨlangkɛl jǝbɔ kanjǝl shili. Jǝ́ yo kɛl nɨ ja kwal a nǝl jeni a mʊgɔ shigtǝm dul, wʊnɨ yɔ lɛ nǝn jen a nyatǝm bʊʊtǝmɨ.

2 Timoti 2:25

jǝbɔ nʊ nɨ dǝg nǝb kɔtǝm mɛlalɨ gǝnɔ lɛ a golaɨ. Kɛna Kwaama nǝ ji gola lɛ ja yǝla ja bǝla bwɨlangkɛl jinɔ, ja nyǝm bɨlǝngkɛlɨ.

2 Tasalonikaɨ 3:12

Nǝb nɨ nǝn nǝ ji diil lɛ, nǝn kel ji lɛ a mʊgɔ dun Tɛlalɔ Yesu Kiristii, bɛ ja ta dul a maatǝm maajɨ dangǝn, ya ja ja lɛ nǝn dul jinɔ.

Matta 5:5

Bwiligɔ na a nǝb nɨ mɨ nǝn gungtǝm duli, jʊ a bwɨɨ kʊla tǝmɔ yǝlam a ji.

Roma 6:6

Bǝ nyǝm ja kʊʊ kʊʊɨ bʊtɔ galɨ bǝnɔ jǝbɔ gɔ a dʌbʌl tɨya, sǝ a kǝl kwaan bwɨlangkɛlɔ a bʊtɔ bǝnɨ sǝ kǝngkɔ bǝ yǝlam bɔ jwaalɛb bwɨlangkɛlɨ.

Luka 16:15

Yesu a sʊwa ji gɔ, “Nǝjen jǝ́ nʊng nya jenɔ lɛ a nu nǝbɨɨ, Kwaama a kwɛl a nyǝm nyǝmɨ nǝl jenɔ. Jʊ nɨ a bʊm a nu nǝbɨɨ, n kanjǝlɔ Kwaama kɔ lɛɨ.

1 Bitrus 1:23

Ja yǝla ja bʌ jen tag nǝn bʌtʌm fɨ. Kʊlɨ fɨ nɨ na a jeni, a jel bɔ a daa nɨ kala lɛɨ, a jel a daa nɨ mɨ kalatǝm woi, n kɛl Kwaamaɨ wʊnɨ nǝn kʊlɨ nɨ mɨsɔ dɨ lɛ woi.

Kolosii 3:3

Jǝ́ bʊla. Kʊlɨ jenɔ a wuu wuui jǝbɔ Kiristi a daagɔ Kwaama woi.

Galatiya 5:23

jǝbɔ shigtǝm dul, jǝbɔ tatǝm dul. Mɨ diil wo a maatǝm kanjǝl nɨɨ.

2 Korinti 10:1

Mǝ Bulus nǝn kang mɨ mǝ kel jen nɛ nǝn shigtǝm dul jǝbɔ nǝl yʌbi a Kiristii. Nǝbɔ sʊwala lɛ gɔ mǝ nǝ taal na mǝ a kʊm jeni. Mǝ nǝ sʊwatǝm kɛl nǝn kwaan na n bǝla jeni.

Matta 21:5

“Jǝ́ sʊwa nǝbɔ Sihiyonaɨ jengɔ, ‘Fɔlɔ jenɔ n wɔ bɛ lɛ a daa jen woi, mɨ gung dul lɛ, bɛ lɛ a dʌbʌl lungsong, n kal lungsong.’ ”

Roma 1:23

Ja fʌto bǝlátǝm dʊʊlǝn Kwaamaɨ nɨ mɨsɔ bʊla lɛ woi, nǝn jelkalǝng nǝfilii, wʊnɨ bʊla lɛɨ, jǝbɔ lǝbɨtɨn, jǝbɔ namtɨnɔ, jǝbɔ kanjǝl nɨ wuul lɛ nǝn fʌli.