1 Bitrus 3:1 - Dadiya NT

¹ Jǝ́ nɔɔtǝm naatǝmɔ, a dul kɛl nɨɨ, jǝ́ nǝ batǝlam jenɔ shigtǝm dul, sǝ na kaam batǝlam jenɔ nɨ mɨ bwangtǝn kɛl Kwaamaɨ lɛɨ, nɔɔtǝlam jinɔ a sʊwa ji bɔ kɛl Kwaamaɨ sul, shigtǝm dul jinɔ gʊ ji gʊ.

1 Bitrus 3:1 Referans Kwoze

Kolosii 3:18

Jǝ́ nɔɔtǝm naatǝmɔ, jǝ́ bwangtǝn batǝlam jenɔ kanga a daa tʌgo a gola Tɛlalɔɨ.

Afisa 5:33

Bɛ balɨ a swɨ nwala gɔ kanga ga swɨm dul gǝnɨ. Bɛ nɔɔlɨ a nǝ bwɨla gɔ shigtǝm dul.

1 Korinti 11:3

Mǝ swɨ lɛ jǝ́ nyǝm nyɔ, nǝ dʊʊ balɨɨ nǝn Kiristi. Nǝ dʊʊ nɔɔlɨɨ nǝn bwɨla gɔ. Nǝ dʊʊ Kiristii nǝn Kwaama.

1 Korinti 7:16

Mɔ nɔɔlɨgɔ, mʊ nyǝm bɔ kɛna nǝmɔ mʊ bʊʊ lɛ nǝn bwɨla mʊɨ? Mɔ balɨgɔ, mʊ nyǝm bɔ kɛna nǝmɔ mʊ bʊʊ lɛ nǝn nwala mʊɨ?

1 Bitrus 3:7

Jǝ́ batǝmɔ tʌjen, jǝ́ yɨ yɨm nyan jǝbɔ nɔɔtǝlam jenɔ, jǝ́ nǝ ji dʊʊn, jʊ a bwɨɨ, jǝ fatǝm nɨ mɨ nǝn kwaanɨ. Jen jǝbɔ nɔɔtǝlam jenɔ jǝ́ yo lǝma Kwaamaɨ nɨ n kʊlɨɨ, jǝ́ maa nyɔ ka kaa jǝl a kal keli jenɔ.

Roma 7:2

Nʊngtǝm kɛl nɨ a nʊng gɔ nɔɔlɨ nɨ nǝn naakanɨ, diilɔ a bwa gǝn bwaɨ a bwɨla gɔ gǝm kwama bwɨla gǝ nǝn kʊlɨɨ. Na bwɨla gɔ a bʊlaɨ, ga jelʌm a diil naakanɔ gǝm.

1 Korinti 14:34

Bɛ nɔɔtǝmɔ a yɨ shig a mʊrkalɨtɨn nǝb bwangtǝm Kwaamaɨ, ja nǝ ji bɔ gola sʊwatǝm kɛl. Bɛ ja bwangtǝn nǝb dʊʊmɔ kanga diil Musaɨ a sʊwaɨ.

Matta 18:15

“Na kɨla mɔ a maa mʊn bwɨlangkɛlɨ, bɛ ń yɔ ya ń sʊwa gǝn mɔʊ ga maa mʊn bwɨlangkɛl jǝ́ kwaajen. Na a jǝla nǝn mʊɨ, ń yǝla nǝn kɨla mɔ.

Kolosii 4:5

Bɛ jǝ́ yɨ yɨm jenɔ nǝn yʊlan a mʊgɔ nǝb nɨ ke bɔ nǝb bwangtǝmɨ. Jǝ́ maa maajɨ nǝn gola nɨ jǝ́ nyaɨ.

Ibranii 11:8

N gola nǝtǝm bɨlǝngkɛl, Ibrahim a maa shigtǝm dul nǝn kwama ja jo gǝn gɔ a jel a tǝm gǝnɨ sǝ ga shu a kaa tǝm wʊnɨ gǝ yo kʊla gǝnɔ lɛɨ. Nǝngɔ a jeli, a nyǝm bɔ daagɔ yilom woi.

2 Tasalonikaɨ 1:8

Mwɛ mwɛ nǝb nɨ a nyǝm bɔ Kwaamaɨ, jǝbɔ nǝbɔ a kɔ bwangtǝm fulon kɛl lǝmɨ Tɛlalɔ bǝn Yesui.

Roma 6:17

Buutǝm kangɔ na a Kwaamaɨ. Galɨgǝn jǝ́ jwaalɛb bwɨlangkɛl. Kǝngkɔ jǝ́ bwangtǝn mɛlalɨ nɨ mǝ nǝ jeni nǝl jenɔ win.

1 Bitrus 4:17

Kwamagɔ a la, jǝ tǝl maatǝm borangɔ a dul nǝb Kwaamaɨ. Na jǝ tǝl nǝn bǝnɨ, n wɛ bwɨ lɛ a dɨltǝmɔ gǝm a nǝb nɨ a kɔ bwangtǝm fulon kɛl lǝmɨ Kwaamaɨ?

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

Ibranii 5:9

A yii dǝngdǝngɨ, nǝngɔ a yǝlam jʌng bʊʊlɨ nɨ mɨ dɨltǝm woi, a nǝb nɨ gwam maa gǝm shigtǝm dul lɛɨ.

Roma 10:16

Ke bɔ nǝbɔ Israilaɨ gwam a jǝla nǝn fulon kɛl lǝmɨ nɨɨ, kanga Ishaya a sʊwa gɔ, “Tɛlalɔ, nuwo a nǝ bɨlǝngkɛl nǝn kɛl nǝnɨ?”

1 Bitrus 3:2

Kuwotǝm yɨm sagsag jenɔ jǝbɔ shigtǝm dul jenɔ, n jʊ a gʊ jii.