1 Bitrus 2:4 - Dadiya NT

⁴ Bɛ jǝ́ bɛ a daa gǝ woi, wʊnɨ n tɛl kʊlɨɨ. Nǝn gɔ tɛl nɨ nǝbɔ a kɔɨ, wʊnɨ Kwaama a jǝgǝm gǝn n jǝ bʊmǝn nyan a daa gǝ woi.

1 Bitrus 2:4 Referans Kwoze

1 Bitrus 2:7

Kǝngkɔ jen nɨ jǝ́ nǝ bɨlǝngkɛlɨ, tɛl nɨ n jǝ nyan. A daagɔ nǝb nɨ a kɔ nǝtǝm bɨlǝngkɛlɨ, “Tɛl nɨ nǝb mɔtǝm kanɔ a kɔɨ, nǝn gɔ a yǝlam tɛl fʌlʌm kanɨ,”

Kolosii 3:4

Na Kiristi wʊnɨ nǝn gɔ n kʊlɨ jeni, na a bɛɨ, jǝ́ bɛ bɛ dakini jǝbɔ gɔ a mʊgɔ dʊʊlǝn gǝn.

2 Bitrus 1:4

N gola jʊtǝb nɨ a nǝ bǝn daltɔ swatǝm yaatɨn bʊmɨ gǝnɨ. N daa ji woi jǝ́ yǝlam nǝb nɨ a jelka Kwaamaɨ, jǝ́ bʊʊ a bwɨlan nɨ yooli nɨ gǝmɨ, wʊnɨ wɛl bwɨlantɨn nɨ bɛ lɛ nǝnɨ.

2 Bitrus 1:1

Nǝmǝ mǝ Saminu Bitrus, bwɛ jwaalɛ Yesu Kiristii jǝbɔ bwɛ twama gǝn tag. Mǝ mʊla langǝn bwangǝn nɨ mǝ tʊng a yɔ a daagɔ nǝb nɨ a nya nǝtǝm bɨlǝngkɛlɨɨ, wʊnɨ win jǝbɔ a nǝnɔ nǝn nya a gola dǝngdǝng Yesu Kiristii, wʊnɨ n Kwaama bǝn jǝbɔ Nǝbʊʊlɨ bǝnɨ.

1 Bitrus 1:19

A jǝg jen nǝn tʊʊm bʊmɨ nyan Kiristii, na bɛ gal nɨ mɨ nǝn kalalɨ, mɨ nǝn kʊlan dɛɛlɨ.

1 Bitrus 1:7

Gaalantɨn nɨ a bɛ sǝ a nʊng nǝtǝm bɨlǝngkɛl jenɔ n dǝngdǝng. (Nǝtǝm bɨlǝngkɛl nɨ a laa mʊnɔ kemʌni, mʊnɔ dɨ dɨ, jǝ tɛl gǝn tɛl nǝn kǝla). N kɛl dul nǝtǝm bɨlǝngkɛl jenɔ, Kwaama nǝ jen bǝlátǝm lɛɨ jǝbɔ dʊʊn jǝbɔ gungtǝm nǝn kwama Yesu Kiristi bɛm lɛɨ.

Roma 5:10

Na a kwamagɔ bǝ nǝb kiim Kwaamaɨ, ja dɔ kʊm bǝnɔ ja fɛka bǝn a gola bwaa Bʊla gɨɨ, la na nyǝn, na ja dɔ kʊm bǝnɔ ja fɛka bǝnɨ, bǝ bʊʊ bʊʊ a gola kʊlɨ gǝnɔ gǝm!

Yohana 14:19

Kumtɨnɔ a bǝla nǝn dǝm nyɔ, yooli nɨ mɨsɔ kuwo i lɛ wo tag. A jenɔ jǝ́ kuwo i kuwo i. Jʊ a bwɨɨ n na nǝn dʊʊmɨ, jen tʌjen jǝ́ na na nǝn dʊʊmɨ.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Yohana 6:57

Kanga nɨ Tɛtɛ kʊlɨ a twam ɨɨ, a dul gǝn mǝ nya kʊlɨ nɨɨ, nʊ nɨ a dǝg ɨ mǝ yǝlam jǝjalǝn gǝnɨ, nya nya kʊlɨ a kɛl dul mɨ.

Yohana 6:37

Pʌd nʊ nɨ Tɛtɛ a nɨ ɨɨ, jǝ bɛ bɛ a daa mɨ woi. Nʊ nɨ a bɛ a daa mǝ woi, mɨsɔ mǝ kaa gǝn nɛ.

Yohana 5:40

Jǝ́ kɔ bɛtǝmɔ a daa mɨ woi sǝ jǝ́ nya kʊlɨ.

Yohana 5:26

Kanga Tɛ bwɛ nǝn dul gǝn, n jʌng kʊlɨɨ, gǝ na nyɔ a dǝg Bʊla gɔ a yǝlam jʌng kʊlɨ.

Matta 21:42

Yesu a sʊwa ji gɔ, “Jǝ́ kiyo bɔ wo a mʊlalɨ langǝn bwangǝn Kwaamaɨ ka? Wʊnɨ sʊwa lɛ gɔ, “ ‘Tɛl nɨ nǝb mɔtǝm kanɔ a kɔɨ, nǝn gɔ a yǝlam tɛl fʌlʌm kanɨ. Jʊ nɨ n maatǝm Tɛlalɔɨ, n jǝ laatǝm kang a daa bǝn woi.’

Matta 12:18

“Bwɛ jwaalɛ mǝndɨ n wɔ, wʊnɨ mǝ jǝgǝmɨ, nʊ mǝ swɨ lɛɨ, mǝ nyʊwa fulotǝm nǝl lɛ nǝn gǝ dangǝnɨ. Mǝ dǝg gǝm dǝg Yʊwa mǝndɨɨ, nǝn gɔ ba sʊwa Bʌtʌbɔ gɔ n mwatɨ borangɔ dǝngdǝngɨ.

Matta 11:28

“Jǝ́ bɛ a daa mɨ woi gwam jǝ́ nǝb nɨ jǝ́ dɔta lɛ, jǝ́ gʌ lɛ nǝn kʊlǝn nɨ a tuu tuui a dul jeni, mǝ nǝ jen nǝ fǝbtǝm.

1 Korinti 3:11

Fʌlʌm nɨ mɨ nʊ nɨ wo dwal lɛ a swa kaaɨ, na ke bɔ nʊ nɨ ja kwɛl ja swa swaɨ, Yesu Kiristi nǝn gɔ n fʌlʌm nɨɨ.