1 Bitrus 2:22 - Dadiya NT

²² “A maa bɔ bwɨlangkɛl wo dǝm. Ja nyʊwa bɔ swagtǝm a nyiyo gǝn.”

1 Bitrus 2:22 Referans Kwoze

Ibranii 4:15

Dalɨ nǝkǝla nɨ bǝ nǝngǝnɨ, n ke bɔ nʊ nɨ mɨ ji bʊnǝn bǝnɔ lɛ a gɨyatǝm bǝnɔ gǝmɨ. Mɨ nyɔ. N nʊ ja tɛl gǝn a golantɨnɔ gǝm gwam kanga jǝ tɛl bǝn nɛɨ, a gǝnɔ a maa bɔ bwɨlangkɛl.

2 Korinti 5:21

Gǝ nɨ a maa bɔ bwɨlangkɛlɨ, Kwaama a dǝg gǝn a yǝlam nǝ bwɨlangkɛl a kɛl dul bǝn, sǝ bǝ nya yotǝm Kwaamaɨ a gola gǝn.

1 Yohana 3:5

Jǝ́ nyǝm Yesu a bɛ sǝ a dem bwɨlangkɛltɨn bǝnɔ. A daa gǝ woi mɨ nǝn bwɨlangkɛl.

Dʊgam Nyangnyang 14:5

Ja nya bɔ gabakɛl wo a nyiyo jin, jʊ a bwɨɨ jǝ nǝb nɨ mɨ nǝn bwɨlangkɛlɨ.

1 Yohana 2:1

Jǝ́ bɛtɔ dwalǝn mǝndɨ, mǝ mʊla jem jʊ nɨ lɛ kage jǝ́ maa bwɨlangkɛl. Na kaa nǝl a maa bwɨlangkɛlɨ, bǝn nǝn nʊ nɨ maa keli lɛ a kɛl dul bǝn a daagɔ Tɛtɛ woi, nǝn gɔ nǝn Yesu Kiristi, Nǝ dǝngdǝng.

Ibranii 9:28

A na nyɔ Kiristi tǝgǝn ja nǝ a twɨtǝm yulʌn naagɔ win swar, sǝ a dem bwɨlangkɛl nǝbɨɨ a lada. Yǝla bɛ bɛ, bɛtǝm na yogɔ, ke bɔ a dul demtǝm bwɨlangkɛl, bɛ sǝ ba bʊʊ nǝn nǝb nɨ yam bɛtǝm gǝnɔ lɛɨ.

Luka 23:41

Kʊʊtǝm bǝnɔ ja maaɨ n dǝngdǝng a dul bwɨlangkɛl bǝnɔ gǝm. A nʊ nɨɨ a maa bɔ kaa bwɨlangkɛl.”

Yohana 8:46

Nuwo a kʊm jen nʊng lɛ gɔ n maa bwɨlangkɛl woi? Na n bɨlǝngkɛl mǝ sʊwa lɛɨ, n wɛ a bwɨ jǝ́ nǝ bɔ bɨlǝngkɛl a daa mɨ woi?

Yohana 1:47

Nǝn kwama Yesu a kuwom Nataniyel bɛ lɛ a daa gǝ woi, nǝngɔ a sʊwa gɔ, “Bwɛ nɨ n bwɛ Israila dangǝn, wʊnɨ mɨ nǝn gabakɛlɨ.”

Luka 23:47

Dʊʊ sʊwajaam nɨ tɨm woi a kuwo jʊ nɨ a bwɨɨ, nǝngɔ a bǝlá Kwaama a sʊwa gɔ, “Bɨlǝngǝn nʊ nɨ n nǝ dǝngdǝng.”

Matta 27:19

Nǝn kwama nɨ gǝ yǝm a daa yɨm maatǝm borangɨ, nǝngɔ nwala gɔ a twam gǝm gɔ, “Jelʌm a gola nǝ dǝngdǝng nɨ gǝm, jʊ a bwɨɨ dwiyen n dɔta nǝn dʊgam a dul gǝn.”

Matta 27:4

A sʊwa gɔ, “N maa bwɨlangkɛl mǝ lungto nʊ nɨ mɨ nǝn bwɨlangkɛlɨ ja jʌ gǝnɨ.” Nǝngɔ ja sʊwa gǝn gɔ, “N wɛ a dǝg nǝn woi? Nǝmɔ mʊ nyʊwaɨ.”