1 Bitrus 1:25 - Dadiya NT

²⁵ A kɛl Tɛlalɔɨ, tɨ tɨ, mɨ dɨtǝm wo.” Nǝn gɔ fulon kɛl lǝmɨ nɨ ja kiyo jemi.

1 Bitrus 1:25 Referans Kwoze

Matta 5:18

N bɨlǝngǝn mǝ sʊwa jen nɛɨ, na dʌbʌlɔ jǝbɔ tǝmɔ a shu bɨɨ, mɨ kaa mʊlalɨ nɨ wo jǝbɔ bɛ mʊlalɨ nɨ a mʊgɔ mʊlalɨ diilɔ gǝm shu lɛɨ, na ja yii bɔ kanjǝl nɨ gwamɨ.

1 Yohana 1:1

Gǝ nɨ wo a tǝltǝmɨ, nʊ nɨ bǝ nyʊwa gǝnɨ, bǝ kuwo gǝn nǝn nu bǝnɨ, bǝ dʌng, kang bǝnɔ a ke tagɨ, n kɛl kʊlɨ nɨɨ nǝn sʊwa jen nɛɨ.

2 Bitrus 1:19

Kanjǝl nɨ gwam a nǝ bwatǝm guu a dul kɛl nǝbkuwotǝmkǝgagɔ galɨgǝn a dul gǝnɨ. A bʊm jǝ́ ta kɛl nɨ a nǝl jen jʊ a bwɨɨ, kɛl jinɔ gǝ na na nyalǝm fitila nɨ beta lɛ a mʊgɔ kumtojili a yɔ nǝn a tǝm sɛltǝmɨ, beta lɛ sǝ ba la nǝn kwama nɨ tulkasi kumsʌlɔ a jel a nǝl jeni.

Luka 16:17

Tǝmɔ jǝbɔ dʌbʌlɔ shu shu, mʊlalɨ dǝm a mʊgɔ mʊlalɨ diilɔ gǝm mɨsɔ shu lɛ.”

Afisa 2:17

A bɛ ba kiyo fulon kɛl yɨm kwamɨgǝn a daa jen woi, jǝ́ nǝb nɨ jǝ́ kʊta a daa Kwaama woi. Nǝn gɔ a kiyo fulon kɛl yɨm kwamɨgǝnɔ tag a nǝb nɨ nǝn dɔɔmɨ.

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 1:1

A tǝltǝmɔ gǝmɨ Kɛlɔ wo. Kɛlɔ gǝ na jǝbɔ Kwaama. Kɛl nɨ nǝn Kwaama.

1 Yohana 1:3

Nǝn sʊwa jen tʌjen jʊ nǝn kuwoi, nǝn nyʊwaɨ, sǝ jǝ́ yɨ yɨm dakini jǝbɔ nǝn. Yɨm bǝnɔ dakinii, gǝ na jǝbɔ Tɛtɛ jǝbɔ bʊla gɔ Yesu Kiristi.

1 Bitrus 2:2

Kanga bɛtɔ fetʌnɔ swɨ mwɛ yʊl lɛɨ, jen tʌjen bɛ jǝ́ swɨ kɛl Kwaamaɨ nyangǝn, sǝ jǝ́ dʊʊl nǝn, sǝ a yɔ nǝn jen a nyatǝm bʊʊtǝm.

1 Bitrus 1:23

Ja yǝla ja bʌ jen tag nǝn bʌtʌm fɨ. Kʊlɨ fɨ nɨ na a jeni, a jel bɔ a daa nɨ kala lɛɨ, a jel a daa nɨ mɨ kalatǝm woi, n kɛl Kwaamaɨ wʊnɨ nǝn kʊlɨ nɨ mɨsɔ dɨ lɛ woi.

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

Titus 1:3

A jǝg kɛl gǝnɔ a talɨ, a kwama nɨ ga yaɨ, a gola kiyotǝm fulon kɛl lǝmɨ nɨ Kwaama Nǝbʊʊlɨ bǝnɔ a nɨ ɨɨ, a sʊwa ɨ gɔ n kiyoi.

Afisa 3:8

N maa dǝm sul a mʊgɔ tangǝn nǝb bwangtǝm Kwaamaɨ, nǝmǝ a nɨ ɨ lǝma nɨɨ, sǝ n kiyo Bʌtʌbɔ gǝm fulon kɛl lǝmɨ a dul Kiristii, wʊnɨ a shu kwaan kiyotǝmɨ.

1 Korinti 2:2

N kwɛl n do a nǝl mɨ kwama mǝ yǝm nǝbɔ jeni, mɨsɔ mǝ sʊwa kaa kɛl lɛ na ke bɔ a Yesu Kiristii, wʊnɨ ja kʊʊɨ.

Ibranii 6:5

ja twɨ lǝma kɛl Kwaamaɨ jǝbɔ kwaan joltɨn nɨ bɛ lɛɨ,

Dʊgam Nyangnyang 14:6

Nǝngɔ mǝ kuwo kaa bwɛ twama Kwaamaɨ bola lɛ a dʌbʌl kwamaɨ, bɛ lɛ nǝn fulon kɛl lǝmɨ nɨ mɨ dɨtǝm woi, sǝ a kiyo tǝmɔ yooli nɨ, jǝbɔ Bʌtʌbɔ, jǝbɔ nyiyotɨnɔ, jǝbɔ nǝbɔ gwam.