Zephaniah 2:5 - De Beebaa Dabu

⁵ E vakaa naa goodou e nnoho i tagudai, de huaahenua o de gau Kereth; muna a Tagi Maolunga e hai baasi adu gi goodou, Canaan, de henua o de gau Philistia: “Au e oha naa goe, ga dae ai gi teai dangada e doe.”

Zephaniah 2:5 Referans Kwoze

Ezekiel 25:16

deelaa ai, e hagadaba de Ia Aamua go Iahweh: Tilo, au e hagaabo naa dogu lima e hagaduasala ai de gau Philistia, ma de daa gi maakau de gau Kereth, aama dangada e nnoho i tagudai.

Jeremiah 47:7

Aagai dee hee dono hai e hagamabu ai, i de masavaa a Tagi Maolunga gu tala ai de mee nei, ma dana masavaa gu hagamodu ai de mee nei e hai baasi ange ai gi Ashkelon ma mommee i tagudai?”

Amos 3:1

De gau Israel, goodou hagalaangona muna a Tagi Maolunga e hai baasi adu ai gi goodou, ma e hai baasi ange ai gi denga huaabodu alodahi aagu ne hagassao mai i de henua go Egypt:

Joshua 13:3

mai i ssaalingaa vai go Shihor i baasi i dua o Egypt, ga hano ai gi de mommee o Ekron i baasi ngaiho, de mommee nei alodahi niio de gau Canaan (go de mommee a denga dagi e dogolima o de gau Philistia e dagi ai i Gaza, ma Ashdod, ma Ashkelon, ma Gad, aama Ekron), go de mommee o de gau Av,

Mark 12:12

Gai dagi o de gau Ssuu ne hagatale de poo Iesu, go hiidinga gilaadeu gu iloo bolo ia ne tala de mee hagasengasenga laa e hai baasi ange ai gi gilaadeu; gai gilaadeu e maatagu i dangada, gai gilaadeu ga hulo gee mai i ono daha.

Zechariah 1:6

Aagai agu muna ma agu hainga ne hagasauaa gu tala ange gi ogu dangada hai hegau go denga pelaabisi, tee tuu ange laa gi oodou dubuna madagidagi? Gai gilaadeu ne daahuli olaadeu lodo ga hagataba, ‘Tagi o denga hagabuulinga hebagi ne hagaduasala gimaadeu gi bei dagodo o adaadeu hegau aama dahulinga, bei dana hai gu hagatau ai laa.’ ”

Zephaniah 3:6

“Au gu hai gi llilo denga huaahenua; olaadeu mommee buibui makaga gu maoha. Au gu hai gi ngadi daakodo olaadeu haiava, gu deai donu dangada e seesee i kilaa. Olaadeu aduhale gu lava i de oha; gai e deai naa donu dangada e doe — gu deai donu dangada iai.

Amos 5:1

De gau Israel, hagalaangona muna o dagu daahili o de magau e tala ai oodou dagodo:

Isaiah 14:30

Gai manu a de gau hagaau aloha hugadoo e gaimee i de mommee iai helii, gilaadeu nogo duasala i mua e nnoho paba naa. Aagai au e daa naa gi maakau oodou dama i de onge ma oodou dangada alodahi ne ola.

Judges 3:3

gai dagi e doe go dagi e dogolima o de huaahenua o de gau Philistia, ma de gau Canaan alodahi, ma de gau Sidon, aama de gau Hiv e nnoho laa i honga mounga o Lebanon, mai i de mounga go Baal Hermon ga hano ai gi haitoga o Lebo Hamath.

1 Samuel 30:14

Gimaadeu ne hulo ga hebagi ange de mommee o de gau Kereth, i Negev, ma dahi mommee o Judah, aama de bido gi ngaage o mommee o dangada o Caleb. Gai gimaadeu ne dudu de aduhale go Ziklag.”

Isaiah 14:29

De gau Philistia alodahi, goodou aude malangilangi, i de hadi de laagau ne hagaili ai laa goodou; go hiidinga de labodo e hagadili naa dahi labodo hagammau, gai dana dama e lele gai e hagammau.

Zephaniah 1:11

Dangada e nnoho i de mommee hagao mee, goodou tangi see; go hiidinga de gau hagao mee e maakau naa, gai alodahi e hagao mee i selevaa gu odi hogi i teai.

Joshua 13:2

Gai aanei mommee i de henua tigi kave: go de henua alodahi o de gau Philistia ma de gau Geshur,