Zephaniah 2:10 - De Beebaa Dabu

¹⁰ Deenei delaadeu hagaoanga e sui ange ai delaadeu hagamaolunga, i hiidinga delaadeu hagammae manava ma de hakadanga i dangada o Tagi o denga hagabuulinga hebagi.

Zephaniah 2:10 Referans Kwoze

Isaiah 16:6

Gimaadeu gu langona de hagamaolunga o Moab; ia e kona mmao de hagamaolunga ma de hagaamua donu huu ia, ia e hagamaolunga ma de lodo maolunga mmao, aagai ana muna e tuhi ai donu huu ia ni ngadi muna.

Jeremiah 48:29

Gimaadeu gu langona de hagamaolunga o Moab: ia gu kona donu dono hagamaolunga, ia e lodo maolunga, ma de hagasoenga, ma de lodo gi lunga.

Zephaniah 2:8

“Au gu langona de hagammae manava a de gau Moab ma de gau Ammon ogu dangada, i delaadeu hagammae manava dogu huaadangada ma de pasa hagamaolunga i delaadeu henua.

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

Obadiah 1:3

Doo lodo maolunga gu hagasenga goe; koe e noho i lo te baba, ma de hai doo hale i denga mommee maolunga; koe e hagadaba i oo lodo, ‘Goai e maua i de gave iho au gi honga de gelegele?’

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Exodus 10:3

Gai Moses ma Aaron ga hulo gi daho Pharaoh, ga hai ange gi de ia, “E hagadaba Tagi Maolunga de Maadua o de gau Hebrew, ‘Dee hee maa taulooloa dau dee lodo e hagamaolalo goe i mada luoogu mada? Dugua dogu huaadangada gi hulo, gi maua ai e gilaadeu i de daumaha mai gi de au.

Exodus 9:17

Gai koe e duudagi donu huu de hagamaolunga huu i dogu huaadangada, koe tigi dugu donu gilaadeu gi hulo.

Lamentations 1:9

Ono magi haahine gu pigi ange gi ono malo; gai ia gu dee anga ange donu gi ono dagodo i ngadau e loomai. Dono hagadee kii ina ne hagalele mouli mmao, gai teai donu se dangada ne hagaaneane ina ia. “Tagi Maolunga, galo mai diiloo dogu duasala go hiidinga dogu hagadaumee gu kii i de au.”

Ezekiel 25:6

Deenei ai, e hagadaba de Ia Aamua go Iahweh: Go hiidinga goodou ne baabaa oodou lima ma de llele gi lunga ma lalo ga malangilangi i hiidinga doodou kino i de henua go Israel,

1 Chronicles 16:21

Gai ia tee dugu ange dahi gi hagaduasala ina gilaadeu; ma de hagasee denga hodooligi i olaadeu hiidinga, ga hai ange,

Jeremiah 12:14

E hagadaba Tagi Maolunga, “De gau baubau alodahi i ogu gaogao e gaavee laa de mommee aagu gu bolo ange gi ogu dangada go de gau Israel, au e kave gee naa gilaadeu mai i olaadeu henua, ma de aau gee dangada o Judah mai i olaadeu daha.

Jeremiah 48:14

Dee hee doodou hai e hagataba ai naa, ‘Gimaadeu ni daane hebagi mmahi, gai ni daane e aabo i de hebagi?’

Obadiah 1:11

I de laangi oou tee anga ange ai e bale ange doo daina, i de masavaa a de gau henua gee ne kave ai ono goloa, gai de gau henua gee ne ulu i ono haitoga ma de dada denga laagau e kave ai Jerusalem, gai koe ne hagabuni ange gi gilaadeu.