Zechariah 9:7 - De Beebaa Dabu

⁷ Au e hai naa gilaadeu gi dee gaina kano manu iai dodo, gai gi deai mee hakino gee alaadeu e gai. Dangada e doe e hai naa ga ni dangada niio taadeu Maadua; gilaadeu e bei naa donu dahi aamuli o Judah, Ekron e bei naa dagodo o de gau Jebus.

Zechariah 9:7 Referans Kwoze

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

Zechariah 8:23

E hagadaba Tagi o denga hagabuulinga hebagi: laangi laa gai e dinoangahulu naa dangada mai i denga huaahenua, e pasa laa i muna henua gee, e poo naa de malo laa daha o dahi dangada Ssuu, ga hai ange, ‘Gimaadeu e hulo madali goe, go hiidinga gimaadeu gu langona bolo de Maadua e noho i oo daha.’ ”

Amos 3:12

E hagadaba Tagi Maolunga: “De gau Israel e nnoho laa Samaria ma Damascus i honga olaadeu moenga ma olaadeu sea, e hagaola naa bei dagodo o ssiibi, a tangada hagaloosi e dada mai laa ivi o luoono vae, aabe go dahi ono dalinga i lo te ngudu o de laiono.

Jeremiah 49:39

Aagai muli mai naa huu, gai au e hagaahe ange naa de manuuia o Elam,” go Tagi Maolunga e hagadaba.

Jeremiah 49:6

Aagai muli mai naa huu, gai au e hagaahe ange de manuuia o de gau Ammon,” go Tagi Maolunga e hagadaba.

Jeremiah 48:47

Aagai au e hagaahe ange naa de manuuia o Moab, i denga laangi e loomai,” go Tagi Maolunga e hagadaba. Deenei de odi de hagamodu muna o Moab.

Psalm 58:6

De Maadua, hadihadia niho i lodo olaadeu ngudu; Tagi Maolunga, unuunusia mai niho kangi o denga laiono!

Psalm 3:7

Tagi Maolunga, hidi age! Dogu Maadua, hagaola ina mai au! Koe e hagailiili galaahuu o ogu hagadaumee alodahi; gai hadihadia niho o de gau baubau.

1 Chronicles 21:15

Gai de Maadua ne hai gi humai dahi dangada de langi gi daia gi maakau dangada i Jerusalem; aagai de masavaa a tangada de langi ne daamada ai de daa dangada, gai Tagi Maolunga gu gidee, gai ia gu sui dono lodo e hai de baubau laa, gai ia ga hai ange gi tangada de langi e daia laa dangada, “Gu lava, dugua iho doo lima!” De masavaa laa gai tangada de langi o Tagi Maolunga gu duu i gaogao de mommee hili huamanu o Araunah, taane Jebus.

Zechariah 9:6

De gau henua gee e loomai naa ga nnoho i Ashdod; gai au e oha naa de mee a de gau Philistia e tuhi laa.

Zechariah 9:8

Aagai au e duuli naa dogu hale, ma de tilo gi deai hagabuulinga hebagi e ulu ai. E deai ange naa hogi daane hebagi e vaivai haia ogu dangada, go hiidinga iainei gai au gu dagitilo gilaadeu.

1 Chronicles 1:14

ma de gau Jebus, ma de gau Amor, ma de gau Girgash,

Isaiah 65:4

Gilaadeu e nnoho i magavaa daanunga i de boo ma e hai ai alaadeu daumaha hagammuni; gilaadeu e gai kano o denga biigi, gai lodo alaadeu anibada iai vai o denga manu hakino gee.