Zechariah 9:6 - De Beebaa Dabu

⁶ De gau henua gee e loomai naa ga nnoho i Ashdod; gai au e oha naa de mee a de gau Philistia e tuhi laa.

Zechariah 9:6 Referans Kwoze

Amos 1:8

Au e daa naa gi maakau dangada e nnoho i Ashdod, ma de ia e hodooligi i Ashkelon. Au e hai baasi ange donu gi Ekron, ga dae ai gi de odi de gau Philistia i de maakau,” go de Ia Aamua go Iahweh e hagadaba.

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

Zephaniah 2:10

Deenei delaadeu hagaoanga e sui ange ai delaadeu hagamaolunga, i hiidinga delaadeu hagammae manava ma de hakadanga i dangada o Tagi o denga hagabuulinga hebagi.

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Isaiah 28:1

E vakaa naa de hau hagadubu a de gau ssenga o Ephraim e tuhi laa, go dono mahamaha gu dai lilo bei de huaala gu mmae laa, go de aduhale e duu laa i honga tuuduu o de geelonga iai gelegele danuaa, go de mommee a de gau ssenga i uvaini e tuhi laa.

Isaiah 23:9

De hagatau nei nii Tagi o denga hagabuulinga hebagi gai ia ga oha ai de mahamaha alodahi o Tyre e hagamaolunga ai laa, ma de hai gi hagangadi mee ina gilaadeu alodahi e hagadubulia laa i henua i lalo.

Ecclesiastes 6:2

noo de Maadua e gaavange gi tangada de lava, ma goloa lagolago aama de hagadubu, gai gu deai donu se mee daudahi oona e duasala ai, aagai de Maadua e dee dugu ange ia gi hagadanuaa i mee nei, gai se dangada gee donu e hagadanuaa ai. De mee nei e deai hogi ono haigamaiana, gai se mee hagadaemaha baubau.

Jeremiah 47:1

Gai aanei muna a Tagi Maolunga ne hagaago ange gi de pelaabisi go Jeremiah, i dagodo o de gau Philistia, i mua de hebagi ange o de gau Pharaoh gi Gaza.

Zephaniah 2:4

Gaza e deai naa dangada e nnoho ai gai Ashkelon e maoha naa ga ngadi dagodo. Dangada o Ashdod e gaavee gee naa i de madohi lua o de laangi gai Ekron e oohaa naa.

Zechariah 9:5

Ashkelon e madagu naa i dana gidee mee nei; Gaza e mmae naa hogi ma de duasala; gai e bei ai hogi Ekron, go hiidinga gu deai sana tali. Gaza e deai naa sono hodooligi; gai Ashkelon e deai naa dangada e nnoho ai.

Zechariah 9:7

Au e hai naa gilaadeu gi dee gaina kano manu iai dodo, gai gi deai mee hakino gee alaadeu e gai. Dangada e doe e hai naa ga ni dangada niio taadeu Maadua; gilaadeu e bei naa donu dahi aamuli o Judah, Ekron e bei naa dagodo o de gau Jebus.