Zechariah 9:16 - De Beebaa Dabu

¹⁶ De laangi laa gai Tagi Maolunga delaadeu Maadua e hagaola naa gilaadeu, bei de hagabuulinga o ono dangada. Gilaadeu e hai naa ga maalama i honga dono henua bei dagodo o denga hadu hagamogomogo i de hau hodooligi.

Zechariah 9:16 Referans Kwoze

Isaiah 62:3

Koe e bei naa de hau hodooligi mahamaha i lo te lima o Tagi Maolunga, gai se hau hagauda i lo te lima o doo Maadua.

Luke 12:32

“Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi.

Haggai 2:23

De laangi laa, go Tagi o denga hagabuulinga hebagi e hagadaba, gai au e hai naa goe, Zerubbabel, dogu dangada hai hegau, tama daane a Shealtiel, go Tagi Maolunga e hagadaba, gi bei dagodo o dogu buulei hagailonga, go hiidinga au gu hili goe, go Tagi o denga hagabuulinga hebagi e hagadaba.”

John 10:27

Agu ssiibi e langona dogu leo; au e iloo gilaadeu, gai gilaadeu e daudali mai i de au.

Ezekiel 34:31

Goodou go agu ssiibi, go ssiibi o dagu mommee iai helii, gai au go doodou Maadua, go de Ia Aamua go Iahweh e hagadaba.’ ”

Jeremiah 31:11

Gai Tagi Maolunga e hagaola naa Jacob, mai i ssauaa o dangada e mmahi ange i gilaadeu.

Isaiah 60:14

Dama a dangada nogo hagaduasala ina goe e loomai naa ga ino adu gi de goe; gai gilaadeu alodahi nogo kino i de goe e ino naa gi lalo i gaogao luoo vae; gilaadeu e hagaingoo adu naa goe go de Aduhale o Tagi Maolunga, go Zion o de Ia Dabu o Israel.

Isaiah 60:3

Denga huaahenua e loomai naa gi doo maalama, denga hodooligi e loomai naa gi de sula age o doo maalama.

Psalm 100:3

Goodou gi iloo bolo Iahweh go de Maadua donu. Go ia ne haia gidaadeu, gai niiana donu gidaadeu; gidaadeu go ono dangada, gai go ssiibi i dana mommee iai helii.

Zechariah 8:23

E hagadaba Tagi o denga hagabuulinga hebagi: laangi laa gai e dinoangahulu naa dangada mai i denga huaahenua, e pasa laa i muna henua gee, e poo naa de malo laa daha o dahi dangada Ssuu, ga hai ange, ‘Gimaadeu e hulo madali goe, go hiidinga gimaadeu gu langona bolo de Maadua e noho i oo daha.’ ”

Isaiah 40:10

Tilo, de Ia Aamua go Iahweh e humai naa i ssauaa, gai ia ga hodooligi i dono lima mmahi. Tilo, ia e gaamai ana hagaoanga madali ia, ma mee e hagao ange ai alaadeu hegau.

Zephaniah 3:20

De masavaa laa gai au e hagabuni naa goodou, ga gaamai gi doodou henua i de masavaa laa. Au e hai naa denga huaadangada alodahi i henua i lalo gi duuhia ma de hagadubu goodou, i de masavaa aagu e hagaahe adu ai doodou manuuia, gi gidee ai e goodou,” go Tagi Maolunga e hagadaba.

Micah 7:14

Hagaloosia ange oo dangada i doo dogo, go de hagabuulingaa ssiibi o doo boolonga, go dangada e nnoho laa donu huu i gilaadeu i lodo henua, i de mommee iai de gelegele danuaa. Dugua denga manu gi gaimee saele i Bashan ma Gilead bei dagodo mee nogo hai madagidagi.

Jeremiah 23:3

Gai au e gaamai naa gilaadeu e doe i dagu hagabuulingaa ssiibi i henua alodahi aagu gu kave gilaadeu aagena, gai au ga hagaahe mai gilaadeu gi lo te laadeu buibui, gai gilaadeu ga hagadili ai naa ga soa.

Micah 5:4

Ia e duu naa ga hagaloosi ana ssiibi i mahi o Tagi Maolunga, ma ssauaa o Iahweh dono Maadua. Gai gilaadeu e nnoho paba naa, gai ia e maolunga naa i henua i lalo alodahi.

Jeremiah 31:10

Denga huaahenua, goodou hagalaangona muna a Tagi Maolunga, gai hagadele ina i denga henua mmao: ‘De ia ne haia ga mavaevae saele Israel e hagabuni mai naa gilaadeu, ma de tilo ange gilaadeu bei dagodo o tangada hagaloosi ssiibi.’

Zechariah 10:6

“Au e hai naa gi mmahi dangada o Judah, gai au e hagaola naa dangada o Joseph. Au e hagaahe mai naa gilaadeu go hiidinga au e lodo aloha ange gi gilaadeu. Gai e dagodo naa be au tee tili donu gilaadeu, go hiidinga go au Tagi Maolunga, delaadeu Maadua; gai au e basa ange naa gi alaadeu dalodalo.

Exodus 28:9

Haia hogi e lua hadu onyx ga maaga ange aagena ingoo o denga dama daane a Israel,

Exodus 28:21

Denga hadu e madaangahulu ma lua nei e maaga ange aagena ingoo o denga aamuli e dinoangahulu ma dogolua o Israel, bei de hai e maaga ai laa denga buulei hagailonga; dahi hadu e maaga ange de ingoo o dahi aamuli.

Isaiah 54:12

Au e hai naa oo hale maolunga i denga agate gai e hai oo haitoga i denga jewel malamalama, gai oo buibui alodahi i denga hadu hagamogomogo.

Ezekiel 34:11

Gai e hagadaba de Ia Aamua go Iahweh: Tilo, au e ssala naa agu ssiibi, ga tilo ange gilaadeu.

Ezekiel 34:12

Au e hagaloosi ange naa agu ssiibi bei de hai a tangada hagaloosi ssiibi e ssala ai laa ana ssiibi gu mavaevae saele laa. Au e hagaola naa gilaadeu mai i mommee alodahi olaadeu gu mavaevae saele laa aagena, i de laangi e hagausinga ai ma de gohu.