Zechariah 8:22 - De Beebaa Dabu

²² Dangada soa ma huaahenua mmahi e loomai naa e ssala Tagi o denga hagabuulinga hebagi i Jerusalem, e dangidangi ange ia gi abodonu ange gi gilaadeu.

Zechariah 8:22 Referans Kwoze

Zechariah 8:21

dangada o dahi aduhale e loomai naa ga hai ange gi dangada i dahi aduhale ange laa, ‘Gidaadeu ga hagamoolau e hulo e dangidangi ange gi Tagi Maolunga gi abodonu mai gi gidaadeu, ma de ssala Tagi o denga hagabuulinga hebagi; gai au e hano naa donu.’

Revelation 21:24

Gai denga huaahenua e seesee i dono maalama, gai denga hodooligi o henua i lalo e gaamai naa olaadeu goloa mahamaha gi de aduhale laa.

Revelation 15:4

Tagi Maolunga, goai e dee madagu ma tee hagamahamaha ina doo ingoo? Go koe donu huu e dabu. Denga huaahenua alodahi e loomai naa ga daumaha adu gi de goe, go hiidinga koe gu hagaago mai au hagamodu heohi.”

Isaiah 25:7

Gai go honga de mounga nei a Tagi Maolunga e aau gee ai de mee e haolia denga huaadangada alodahi, go de mee e haolia denga huaahenua alodahi.

Galatians 3:8

Gai de Beebaa Dabu ne tala bolo de Maadua e hagaheohi naa denga Gentile i de gai, ma de agoago ange hogi de longo danuaa gi Abraham i mua, ga hai ange, “Gai denga huaahenua alodahi e manuuia naa i oo hiidinga.”

Haggai 2:7

Au e hagangalungalue naa denga huaahenua alodahi, gai goloa hagamogomogo o denga huaahenua e gaamai naa gi kinei, gai au e hai naa de hale nei gi mahamaha mmao, go Tagi o denga hagabuulinga hebagi e hagadaba.

Micah 4:3

Gai ia e hagamodu naa muna o dangada soa, ma de hagaheloongoi magavaa o denga huaadangada mmahi ma de mmao. Gilaadeu e dugidugi naa alaadeu gadilaasa ga hai gi ni mee hagabalabala, gai e hai alaadeu dao gi ni naivi e velevele ai manu ssomo. Gai denga huaahenua e dee aahe ange naa donu e hebagi aabe agoago ange gi de hebagi.

Jeremiah 4:2

gai noo koe e hagatoo donu i de mee abodonu, ma de hagamodu heohi aama de heohi, ga hagadaba, ‘Au e hagatoo donu i de mouli o Tagi Maolunga,’ gai au e hai naa ga manuuia denga huaahenua, gai gilaadeu ga tuhi ai au.”

Isaiah 66:23

Mai i de duu o de maasina i dai ga dae ai gi de ahe ange ga duu, ma mai i dahi Sabbath ga dae ai gi dahi Sabbath, gai dangada alodahi e loomai naa ga daumaha mai gi de au, go Tagi Maolunga e hagadaba.

Isaiah 55:5

Tilo, koe e hagahi naa denga huaahenua aau e dee iloo, gai denga huaahenua e dee iloo goe e hagamoolau naa ga loomai gi oo daha, i hiidinga o Tagi Maolunga doo Maadua, go de Ia Dabu o Israel, go hiidinga ia gu hagamahamaha goe.

Isaiah 2:2

Denga laangi hagaodi naa huu gai de mounga o de hale o Tagi Maolunga e hai naa ga maolunga ange i denga mounga hugadoo, ma de maolunga ange i denga duuduu. Gai denga huaahenua alodahi e daga mai naa gi kilaa,

Isaiah 2:3

gai dangada soa e loomai naa, ga hagataba: “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia e agoago mai naa gidaadeu i ono haiava gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

Isaiah 49:22

E hagadaba de Ia Aamua go Iahweh, “Tilo, au e aloalohagi ange naa denga huaahenua, ma de hagaduu age dahi hagailonga gi gidee e denga huaadangada; gai gilaadeu e hagauda mai naa oodou dama i olaadeu aloalo, ma de saabai mai oodou damaa hine i honga olaadeu eu.

Psalm 68:30

Hagaseegina denga manu i magavaa o denga aalege, ma denga manu mmahi i magavaa o denga kaau gauligi a denga huaahenua. Dagadagahia gi lalo gilaadeu e nnoo ange gi denga selevaa. Haia gi mavaevae saele dangada e malangilangi i de hebagi.

Micah 4:2

denga huaahenua soa e loomai naa ga hagataba, “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia ga agoago mai ai gidaadeu i ono haiava, gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

Zechariah 14:16

Gai dangada ne ola mai i denga huaahenua alodahi ne hebagi ange laa gi Jerusalem, e loomai naa i ngadau alodahi ga daumaha ange gi de Hodooligi, go Tagi o denga hagabuulinga hebagi, ma de hai Taonga o denga Baasi Hale.