Zechariah 8:19 - De Beebaa Dabu

¹⁹ “E hagadaba Tagi o denga hagabuulinga hebagi: Denga hagahiikai i de haa, ma de lima, ma de hidu, aama de madaangahulu malama, e hai naa ga se masavaa e malangilangi ai ma de lodo danuaa ai dangada, gai ni daonga hagamalangilangi niio Judah. Deenei ai, goodou gi llodo i de muna abodonu ma de nnoho paba.”

Zechariah 8:19 Referans Kwoze

Jeremiah 39:2

Gai ssiva laangi huu o de haa malama o de madaangahulu ma dahi ngadau o Zedekiah, gai gu maoha de buibui o de aduhale.

Zechariah 8:16

Gai aanei oodou mee e hai: goodou hagadau daalaa de muna abodonu i oodou magavaa, ma de hai hegau i de hagamodu muna heohi i de mommee hagamodu muna, e haia laa ga nnoho paba dangada.

Zechariah 7:5

“Siilia ange gi dangada o de henua ma de gau haimeedabu, hai ange, ‘E aha, de masavaa oodou ne hagahiikai ai ma de tangi i de lima ma de hidu malama i denga ngadau e madahidu gu hulo, goodou ne hagahiikai laa donu i ogu hiidinga?

Zechariah 7:3

ma de ssili ange gi de gau haimeedabu, i de hale o Tagi o denga hagabuulinga hebagi, aama denga pelaabisi, gi hai ange, “E heohi dogu dangi ma de hagahiigai i de lima malama, bei agu mee gu hai i ngadau lagolago gu hulo laa?”

Jeremiah 52:4

Gai ssiva ngadau huu o Zedekiah ne hodooligi ai, i de madaangahulu laangi o de madaangahulu malama, gai Nebuchadnezzar, de hodooligi o Babylon ma dono hagabuulinga hebagi alodahi ne loomai e hebagi ange gi Jerusalem. Gai gilaadeu ne duuli luu baasi de aduhale ga hagatuu denga mee e oha ai de buibui o de aduhale.

2 Kings 25:25

Aagai de hidu malama huu, gai Ishmael, tama daane a Nethaniah, tama daane a Elishama, se dangada mai i de huaabodu o de hodooligi, ne humai madali e dinoangahulu daane, ga daa gu magau Gedaliah ma de gau Ssuu aama de gau Babylon madali ia i Mizpah.

Psalm 30:11

Koe gu hai au gi dee dangi gai gi anu; koe ne aau dogu malo daladala, gai ga hakahu mai au i de malangilangi,

Isaiah 35:10

dangada a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de malangilangi e dee odi go de hau i honga olaadeu biho. Gilaadeu e hoohonu naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 12:1

De laangi laa gai koe e hagadaba naa: “Tagi Maolunga, au e hagaahe adu de abodonu gi de goe, go hiidinga, e dee galemu koe nogo lili i de au, gai iainei koe gu dee lili, gai gu hagaaneane ogu lodo.

Esther 9:22

go de laangi o de gau Ssuu ne ola mai ai i olaadeu hagadaumee, gai go de malama o olaadeu daemaha ne sui ai ga se malangilangi, gai olaadeu hinangalosaa ne sui ga se laangi hagammabu ma de daonga. Gai gilaadeu gi duuhaa gai i olaadeu magavaa ma de ngadi gaavange mee gi de gau hagaau aloha.

Revelation 22:15

Gai tua de aduhale e nnoho ai denga gaaduu, ma de gau hai huuhuaa mee, ma de gau dagodo haisala, ma de gau daa dangada, ma gilaadeu e daumaha ange gi denga diinonga, aama dangada alodahi e malangilangi i de hai hegau i de hadu muna.

Isaiah 51:11

Gilaadeu a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de lodo danuaa e dee odi laa go de hau i honga olaadeu biho. Gai gilaadeu e kona naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Esther 8:17

Gai de gau Ssuu e nnoho laa i denga vaaenga ma denga aduhale alodahi ne kave laa aagena de hagailoo a de hodooligi, gu llodo danuaa ma de malangilangi, gai gilaadeu ga daonga ma de malangilangi. Gai dangada soa o de henua laa gu hai gi ni dangada Ssuu, i hiidinga gilaadeu gu maatagu i de gau Ssuu.

Jeremiah 36:6

Deelaa ai, koe e hannoo gi de hale o Tagi Maolunga i de laangi o de hagahiikai, ga dau ange ai gi dangada muna a Tagi Maolunga i lo te beebaa mulo aagu ne tala adu koe gi siia. Gai koe daulia ange hogi gi dangada o Judah alodahi ne loomai i olaadeu aduhale.

Zechariah 8:3

E hagadaba Tagi Maolunga: Au e ahe mai naa gi Zion, ga noho i Jerusalem, gai Jerusalem e hagaingoo ange naa go de aduhale o de muna abodonu, gai de mounga o Tagi o denga hagabuulinga hebagi e hagaingoo ange go de mounga dabu.

Zechariah 8:18

Gai gu hagailoo mai ange muna a Tagi o denga hagabuulinga hebagi gi de au, ga hai mai,

2 Kings 25:1

Gai ssiva ngadau huu o Zedekiah ne hodooligi ai, i de madaangahulu laangi o de madaangahulu malama, gai Nebuchadnezzar, de hodooligi o Babylon ma dono hagabuulinga hebagi alodahi ne loomai e hebagi ange gi Jerusalem. Gai gilaadeu ga duuli luu baasi de aduhale ga hagatuu denga mee e oha ai de buibui o de aduhale.

Psalm 34:15

Tagi Maolunga e dagitilo gilaadeu e heohi, gai luoono dalinga e hagallongo alaadeu dangidangi.

Ezekiel 18:8

Ia e dee ngadi gaavange sseene gi maua ange ai e ia dahi sseene aabe e hai gi maua dahi sseene laumalie i ana mee gu gaavange laa. Ia e dee hai hegau i de mee dee heohi, gai e hagamodu muna o dangada i de heohi.

Ezekiel 24:1

Gai ssiva ngadau huu, i de madaangahulu laangi o de madaangahulu malama, gai Tagi Maolunga ne hagaago mai ana muna gi de au, ga hai mai,