Zechariah 8:17 - De Beebaa Dabu

¹⁷ Goodou aude hagasaelea de hagadau hai de baubau i oodou magavaa, goodou aude llodo e hai denga hagatoo donu hadu muna, go hiidinga au e kino i mee nei alodahi,” go Tagi Maolunga e hagadaba.

Zechariah 8:17 Referans Kwoze

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Habakkuk 1:13

Luoo mada e gilimalali mmao, e dee maua i de tilo de baubau; koe e dee maua i de galo ange e tilo de mee dee heohi. Gai gu aha gu dugu ai naa donu huu goe gilaadeu e hai hegau i de hagasenga? Gai gu aha gu dee muu ai naa goe i de masavaa a de gau baubau e daa ai dangada e heohi ange i gilaadeu?

Jeremiah 44:4

Gai tee modu donu dagu hai gi loadu ogu dangada hai hegau go denga pelaabisi gi oodou daha, gi hai adu, ‘Goodou aude haia hegau hakino gee oogu e kino ai laa!’

Jeremiah 4:14

Jerusalem, huuia gi deai baubau i oo lodo gi ola ai goe. Dee hee maa taulooloa dau daohi denga maanadu baubau i oo lodo?

Proverbs 3:29

Aude haia dahi hagatau baubau e hai baasi ange ai gi tangada e baa adu gi de goe; go de ia e dahi ana tali i de goe i dono noho i oo gaogao.

Psalm 10:3

Tangada baubau e tala hagasoenga mee i ono lodo, ia e tuhi tangada nnoo gai e hagangadi mee Tagi Maolunga.

Matthew 15:19

Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi.

Matthew 12:35

Tangada danuaa e hai tanuaa, go hiidinga ono lodo iai tanuaa. Aagai tangada baubau e hai de baubau, go hiidinga ono lodo iai de baubau.

Matthew 5:28

Aagai au e hai adu gi goodou: be goai e galo ange gi dahi hahine e lodo ange gi de ia, gai ia gu dagodo haisala donu ma ia i ono lodo.

Zechariah 7:10

Goodou gi dee vaivai haia de hine gu magau dono bodu, aabe go de gauligi gu deai sono damana, ma tangada gau henua gee, aabe go tangada hagaau aloha. Gai gi deai se goodou e haia dahi hagatau baubau, e hai baasi ange ai gi dahi dangada gee.’

Jeremiah 4:2

gai noo koe e hagatoo donu i de mee abodonu, ma de hagamodu heohi aama de heohi, ga hagadaba, ‘Au e hagatoo donu i de mouli o Tagi Maolunga,’ gai au e hai naa ga manuuia denga huaahenua, gai gilaadeu ga tuhi ai au.”

Proverbs 8:13

De madagu i Tagi Maolunga e kino i de baubau; au e kino i de hagamaolunga ma de lodo maolunga, ma dahulinga baubau aama de hadu muna.

Proverbs 6:14

ia e hagasaele denga hagatau baubau i ono lodo, ma de hagadee heloongoi magavaa o dangada i masavaa alodahi.

Zechariah 8:18

Gai gu hagailoo mai ange muna a Tagi o denga hagabuulinga hebagi gi de au, ga hai mai,

Psalm 101:3

Au e dee dugu naa donu dahi mee hakino gee i mada luoogu mada. Au e kino i hegau a dangada e daahuli gee i de goe; au e dee daudali ange donu i alaadeu dahulinga.