Zechariah 7:14 - De Beebaa Dabu

¹⁴ Au e humai naa bei dagodo o ssio ga hai gi mavaevae saele gilaadeu i denga henua alaadeu e dee iloo laa. Gai de henua olaadeu nogo nnoho ai e ngadi dagodo naa, gu deai dangada e nnoho saele ai, de henua mahamaha laa gu ngadi dagodo.”

Zechariah 7:14 Referans Kwoze

Deuteronomy 28:64

Gai Tagi Maolunga e hai naa goodou gi mavaevae saele gi nnoho i magavaa o denga huaadangada alodahi, mai i dahi luu bido o henua i lalo ga dae ai gi de bido ange laa. Gai goodou ga nnoho ai i kilaa ga daumaha ange gi denga diinonga laagau ma hadu, go diinonga oodou ma oodou dubuna madagidagi tee iloo.

Deuteronomy 28:33

Dahi huaahenua aau e dee iloo laa e loomai naa ga gai huamanu i honga oo gelegele ma de hagadanuaa i au hegau ne hai; gai koe go de vaivai haia ma de hagaduasala donu huu aau e gidee.

Jeremiah 23:19

Tilo, de madangi a Tagi Maolunga gu dau mai, gai gu salulu mai i dono bole, bei dagodo o ssio e hano iho laa gi honga o de gau baubau.

Deuteronomy 4:27

Gai Tagi Maolunga e hai naa goodou gi mavaevae saele i magavaa o de gau henua gee, gai e sogoisi naa donu huu goodou e ola i doodou nnoho i daho denga huaahenua a Tagi Maolunga e hai goodou gi hulo gi nnoho ai.

Zechariah 2:6

“E vakaa naa! E vakaa naa! Saavini hulo gee mai i de henua i ngaiho, go Tagi Maolunga e hagadaba. Au ne hai gi mavaevae goodou gi denga madangi e haa o de langi, go Tagi Maolunga e hagadaba.

Zephaniah 3:6

“Au gu hai gi llilo denga huaahenua; olaadeu mommee buibui makaga gu maoha. Au gu hai gi ngadi daakodo olaadeu haiava, gu deai donu dangada e seesee i kilaa. Olaadeu aduhale gu lava i de oha; gai e deai naa donu dangada e doe — gu deai donu dangada iai.

Zechariah 9:14

Gai Tagi Maolunga e hagasula mai naa i honga ono dangada, gai tao o dana mee hholu e gemo bei de uila. De Ia Aamua go Iahweh e ili naa de hanga manu; ia e hano naa e hebagi bei dagodo o ssio e humai laa i ngaage,

Habakkuk 3:14

Koe ne hai ono dao ga velo ai dono biho, i de masavaa a ono daane hebagi ne loomai ai e hagamavaevae saele gimaadeu bei dagodo o ssio; gilaadeu ne malangilangi i de vaivai hai de gau hagaau aloha gu mmuni laa.

Nahum 1:3

Tagi Maolunga e dee moolau de lili, aagai e mmahi mmao, Tagi Maolunga e hagaduasala donu tangada gu haisala laa. Ana hegau e gidee i lo te ssio ma de madangi mmahi, gai denga giliiga go de mama o luoono vae.

Amos 1:14

Au e haula naa dahi ahi i lo te buibui o Rabbah, e dudu ai gi deai ono mommee buibui makaga, gai dangada e hevaalogi naa i de laangi o de hebagi, madali de madangi mmahi i de laangi e ssau ai de madangi.

Daniel 8:9

Gai dahi hanga damaa mee gu somo mai i dahi hanga laa ga kona de mahi, gai ono mahi ne hano ga dae gi ngaage ma dua aama de henua mahamaha laa.

Jeremiah 52:30

gai de madalua ma dolu ngadau o Nebuchadnezzar ne hodooligi ai, se 745 dangada mai i Judah a Nebuzaradan, tagi o de gau hagaloosi ne kave; se 4,600 ngadau dangada nei alodahi.

Jeremiah 44:6

Deelaa ai, au gu hai baasi ange gi gilaadeu i dogu bole ma dogu lili; gai dogu bole gu dudu de aduhale o Judah ma honga denga haiava o Jerusalem ma gu maoha ma de ngadi daakodo anailaa nei.

Jeremiah 36:19

Gai denga dagi laa ne hai ange gi Baruch, “Gooluu ma Jeremiah hulo mmuni, aagai haia gi deai dangada e iloo be go hee ooluu e mmuni ai.”

Jeremiah 30:23

Tilo, de madangi a Tagi Maolunga gu dau mai, gai e salulu mai naa i dono bole, bei dagodo o ssio e hano iho laa gi honga o de gau baubau.

Jeremiah 5:15

Tilo, dangada o Israel, au e hai naa gi humai dahi huaahenua i de mommee mmao gi hebagi adu gi goodou, go Tagi Maolunga e hagadaba. Se huaahenua gu dahi madagidagi gai gu daulooloa, gai se henua niiodou e dee iloo alaadeu muna aabe e tonu ange gi alaadeu muna.

Isaiah 21:1

Muna hagadaemaha i dagodo o de Vao i gaogao Tai. Dahi hagadaumee e humai naa i de vao, ma mai i dahi henua hagamaatagu, bei denga sio e ssau mai laa i de Negev.

Isaiah 17:13

Gai ga hagalongaa naa donu denga huaahenua bei de haganngolo o denga vai lagolago, aagai de Maadua e hagasee gilaadeu, gai gilaadeu e saavini naa ga hulo, bei denga gili grain i honga mounga, e ilihia laa i de madangi, ma de mama o de gelegele a de madangi e ili laa ga kave.

Psalm 58:9

I mua de mahana o au anibada i de ahi o denga laa manu — e dee hilihili be e ssui aabe e mmasa — gai ia e ilihia naa gilaadeu ga kave gee.

2 Chronicles 36:21

Gai de gelegele o de henua ne hagamabu danuaa; masavaa alodahi o de henua ne ngadi dagodo ai, gai de gelegele ne hagamabu hogi, ga dae ai gi de odi ange de madahidu ngadau, e hagassula ai muna a Tagi Maolunga gu tala laa i daho Jeremiah.

Deuteronomy 28:49

Gai Tagi Maolunga e gaamai naa dahi huaahenua gi hebagi adu gi de goe, mai i de mommee mmao, i de bido laa o henua i lalo, gai gilaadeu e loomai naa bei de igele, gai se huaahenua e pasa i muna oou e dee donu ange aagena,

Leviticus 26:33

Gai au e hai naa goodou gi mavaevae saele i denga henua gee, au e hai naa gi daia goodou gi maakau i de gadilaasa. Doodou henua e hai naa ga se mommee e deai dangada e nnoho ai, gai oodou aduhale e oha naa ga maoha.

Leviticus 26:22

Au e hai naa gi loomai denga manu alasala gi oodou magavaa, gai gilaadeu ga daa ai oodou dama ma oodou kaau, ma de hai goodou gi sogoisi, gai oodou haiava gu deai naa dangada e seesee ai.

Isaiah 66:15

Tilo, Tagi Maolunga e humai naa madali de ahi, gai ono hada hebagi e bei dahi sio; ia e hagahai hegau naa dono lili i dono bole, gai dana hagasee e hai naa madali de ahi ula.

Isaiah 60:15

E dee galemu donu koe ne dilia ma de kino ai o dangada, gai gu deai dangada e loomai laa kilaa, aagai au e hai naa goe gi maolunga ga hano ai, gai gi se mommee e malangilangi ai denga atangada alodahi.

Jeremiah 12:10

De gau hagaloosi soa e oha naa dagu veelengaa grape, ma gu dagadagahi dogu alahenua; gilaadeu e hai naa dogu alahenua mahamaha gi se mommee e ngadi dagodo.

Ezekiel 5:10

Denga damana e gai naa alaadeu dama daane i oodou magavaa, gai denga dama daane e gai naa olaadeu damana; gai au e hagamodu naa oodou muna, ga hai gi mavaevae saele dangada e doe gi mommee o henua i lalo alodahi.

Ezekiel 12:19

Gai koe ga hai ange gi dangada o de henua: ‘E hagadaba de Ia Aamua go Iahweh i dagodo o dangada e nnoho i Jerusalem, i de henua o Israel: Gilaadeu e gai naa alaadeu gai ma de unu alaadeu vai i de manavasaa olaadeu lodo aama de maatagu, go hiidinga mee alodahi i delaadeu henua e gaavee gee naa, i hiidinga dangada e nnoho i kilaa ne vaivai hai dangada.

Ezekiel 22:15

Au e hai naa gi mavaevae saele goodou i magavaa o denga huaahenua, ma de nnoho saele i denga henua gee; gai au ga hai ai gi deai mee e dee gilimalali i oo daha.

Joel 2:3

De ahi e dudu naa mee i ono mada i mua, gai de ula o de ahi e hanadu naa i olaadeu dua. De henua gu bei de veelenga o Eden i olaadeu mada i mua, gai olaadeu dua gu lodo henua e ngadi dagodo, gai e deai donu mee e maua gi ola mai i gilaadeu.

Zechariah 8:1

Tagi o denga hagabuulinga hebagi ne hagaago mai ana muna, ga hai mai,

Hosea 9:17

Dogu Maadua e tili naa gilaadeu, go hiidinga gilaadeu tee hagallongo ange gi de ia; gilaadeu e silivaahea saele naa i magavaa o dangada i denga huaahenua.