Zechariah 5:8 - De Beebaa Dabu

⁸ Gai tangada de langi ne hai mai, “De hine nei se ada niio de baubau.” Gai ia ga usu iho ia gi lo te gede laa ga pono ange.

Zechariah 5:8 Referans Kwoze

1 Thessalonians 2:16

De gau nei ne hagammahi donu ga buibui gimaadeu gi dee agoagona ange denga Gentile, gi dee hagamouli ai gilaadeu. Gai gilaadeu e hai gi kii ange de hoohonu olaadeu haisala i delaadeu hai mee nei. Gai de bole ⌊o de Maadua⌋ gu duu ange donu gi gilaadeu iainei!

Matthew 23:32

Goodou hagalava ina hegau baubau a oodou damana ne daamada laa!

Zechariah 5:7

Gai ga hhuge age huu dono pono baalanga, gai au ne gidee dahi hahine e noho i lo te gede laa!

Micah 6:11

Dee hee dagu hai e degi ange ai gi dangada e hai hegau i de mee hagahidi hagasenga ma de beagi hagahidi hagasenga?

Lamentations 1:14

Ogu haisala gu nnoa ange au gi de laagau hagahai hegau, gai go luoono lima ne hagamakaga ina mee nei; mee nei ne daudau ange gi dogu ua; ia gu hai gi deai ogu mahi. De Ia Aamua gu dugu ange au gi dangada oogu e dee bau ange aagena.

Proverbs 5:22

Hegau baubau a tangada baubau e gidee mai naa donu, gai ia e noodia ma e makaga i ono haisala.

Psalm 38:4

Au gu dee bau ange gi ogu mee gu haisala ai; gai gu bei dagodo o de mee hagauda daemaha.

Genesis 15:16

Gai de haa atangada naa huu o doo aamuli, gai gilaadeu gu aahe mai gi de henua nei, go hiidinga iainei tigi odi ange baubau o de gau Amor.”

Hosea 12:7

Tangada hagao mee e hai hegau i de mee hagahidi hagasenga, e lodo i de vaivai hai dangada.

Amos 8:5

ma de hagataba, “Go aahee naa e lava ai taonga o de duu de maasina i dai, gai gimaadeu ga hulo e hagao gi daha amaadeu grain? Gai go aahee naa e ui ai Sabbath, gai gimaadeu ga hulo e hagao gi daha amaadeu wheat? Gimaadeu e hai naa gi kii mai ange de hagabaaunga o de ephah gai ga ue age de hagaoanga, ma de hagasenga dangada i demaadeu hai e hagahidi mee.