Zechariah 3:2 - De Beebaa Dabu

² Tagi Maolunga ne hai ange gi Satan, “Satan, Tagi Maolunga gi hagaseegina goe! Tagi Maolunga ne hilia laa Jerusalem gi hagaseegina goe! E dee deenei taane e bei laa de laagau, aau ne dada mai i lo te ahi?”

Zechariah 3:2 Referans Kwoze

Amos 4:11

Au ne hagadee kii hanu goodou, bei dagu hai ne oha ai laa Sodom ma Gomorrah. Goodou ne bei dagodo o de laagau ne aau mai laa i lo te ahi ula; aagai goodou tee aahe mai gi de au, go Tagi Maolunga e hagadaba.

Jude 1:23

ma de hagaola hanu ga aau gee gilaadeu i de ahi; gai degi ange gi de gau ange laa i doodou maatagu — gai goodou kino donu i malo gu hakino gee laa i mee o de angaanga.

Jude 1:9

Aagai de masavaa donu hogi o tangada de langi maolunga go Michael, ne hagadaumee ange ai gi de ia hagabaubau laa i de angaanga o Moses, gai ia tee basa hagamalaia donu ia i ana muna hagabaubau laa, aagai ne hai ange donu huu, “Tagi Maolunga gi hagaseegina goe!”

Romans 8:33

Goai e maua i de hagabaubau gilaadeu a de Maadua gu hili? Go de Maadua e hagaheohi ina gilaadeu.

Zechariah 1:17

Ahe ange hagailoo ina hagadaba: E hagadaba Tagi o denga hagabuulinga hebagi: Ogu aduhale e aahe ange naa ga hagadagadaga age, gai Tagi Maolunga e ahe ange naa ga hagaaneane Zion ma de hili Jerusalem.”

Zechariah 2:12

Tagi Maolunga e hai naa Judah go dono boolonga i honga de henua dabu, ma de ahe ange ga hili Jerusalem.

1 John 3:8

Tangada e haisala se dama donu nii de ia hagabaubau, go hiidinga de ia hagabaubau gu haisala mai huu i taamada age. Aagai Tama Daane a de Maadua ne humai e oha hegau a de ia hagabaubau.

Romans 16:20

De Maadua o de baba e moolau naa donu dana dagadagahi Satan gi lalo luoono vae. De abodonu o Iesu Klisdo taadeu Dagi Maolunga gi dagodo i oodou daha.

John 13:18

“Au e dee basa i goodou alodahi; au e iloo goodou aagu gu lava i de hili. Gai de mee nei e hagassula muna a de Beebaa Dabu gu tala laa, ‘Tangada ne gaimee madali au gu hai baasi mai gi de au.’

Luke 22:32

Gai au gu dalodalo i de goe gi dee helui ai doo gai. Aagai de masavaa naa huu oou e ahe mai ai, gai koe ga hagammahi ange oo daina.”

Luke 4:35

Gai Iesu ga hagasee ia ga hai ange, “Aude basa, gai sao mai i ono daha!” Gai de hagasaalunga baubau ga hagabaguu taane laa i magavaa o dangada, gai ia ga sao mai i ono daha, tee hagalagohia ia.

Daniel 12:1

“De masavaa laa gai Michael, tagi maolunga e buibuia laa doo huaadangada, e hidi age naa. Gai e dae mai naa dahi masavaa hai ngadaa, gai tigi ai ange donu se masavaa bee nei mai i taamada age o denga huaahenua ga dae mai ai gi de masavaa laa. Aagai de masavaa laa gai oo dangada alodahi gu sisi laa olaadeu ingoo i lo te beebaa e ola naa.

Psalm 109:31

Ia e duu i de madau e bale ange ai tangada hagaaloha, e hagamouli ia mai i gilaadeu gu gaavange ia e daa gi magau.

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Mark 1:25

Aagai Iesu ga hagasee ia, ga hai ange, “Aude basa, gai sao mai i ono daha!”

2 Chronicles 6:6

aagai iainei au gu hili Jerusalem e hagadubu ai dogu ingoo, gai au gu hili hogi David gi dagina ogu dangada go de gau Israel.’

Luke 9:42

Gai de masavaa o tama daane laa e humai ai, gai de hagasaalunga baubau ga hagabaguu ia gi honga de gelegele ga hai ia gu lele age. Aagai Iesu ga hagasee de hagasaalunga baubau laa, ga hagaieiangi tama daane laa, ga hagaahe ange ia gi dono damana.

Mark 9:25

Gai ga gidee huu e Iesu dangada soa gu saavini mai gi kilaa, aagai ia ga hagasee de hagasaalunga baubau laa, ga hai ange gi de ia, “De hagasaalunga e noodia laa dono alelo ma de pono luoono dalinga, au e hai adu gi de goe, sao mai i ono daha, gai koe aude ahe ange donu gi ulu gi ono lodo!”

Isaiah 7:4

Gai koe ga hai ange gi de ia, ‘Koe gi kana ange, gai gi noho donu huu, aude madagu. Aude manavasaa oo lodo i hiidinga o Rezin de hodooligi o Syria ma tama a Remaliah, i hiidinga gilaau e bei donu e lua lahhie gu kaa laa ma gu dai odi.

2 Chronicles 6:5

‘Mai i de laangi aagu ne hagassao mai ai de gau Israel i Egypt, gai au tee hili dahi aduhale i vaaenga o denga aamuli o Israel e hagaduu ai dahi hale e hagadubu ai dogu ingoo; au tee hili hogi dahi hodooligi gi dagina ogu dangada go de gau Israel;