Zechariah 2:2 - De Beebaa Dabu

² Gai au ne ssili ange, “Go hee oou ga hano naa aagena?” Ia ne hai mai gi de au, “Au ga hano nei e haide Jerusalem, e tilo dono lahalaha ma dono looloa.”

Zechariah 2:2 Referans Kwoze

Ezekiel 45:6

Gai gaavange hogi dahi mommee moo de aduhale, i gaogao de mommee gu vvae laa e hai ai de mommee dabu, haia gi limamano sugilima de lahalaha, gai e 25,000 sugilima de looloa; de mommee nei se mommee ange gi dangada alodahi o Israel.

Jeremiah 31:39

Gai de uga haide e dagi mai naa i kilaa ga hano ai gi tuuduu o Gareb, ma de hano ga dae gi Goah.

Revelation 11:1

Gai gu gaamai gi de au dahi laagau haide bei togo, gai ne tala mai gi de au, “Hannoo haidea de temple o de Maadua, ma de mommee o ssigidaumaha aama dangada e daumaha i kilaa.

Zechariah 5:10

Gai au ga ssili ange gi tangada de langi e pasa laa gimaau, “Luu haahine laa ga kave laa gi hee de gede laa?”

John 16:5

“Iainei gai au gu dai ahe gi daho de ia ne haia ngau gi humai. Gai tigi ai donu se goodou ne siilia mai, ‘Koe ga hano naa gi hee?’

Ezekiel 40:3

De masavaa aana ne kave ai au gi kilaa, gai au ne gidee dahi daane e duu i kilaa, ia e bei de malamalama o de bronze; gai ia e duu i de haitoga ma e poo ai dahi uga e hai i denga flax ma dahi laagau haide i dono lima.

Zechariah 1:16

Deenei ai, e hagadaba Tagi Maolunga: Au e ahe ange naa e lodo aloha ange gi Jerusalem; dogu hale e hagaduu naa i lo te aduhale laa, gai de uga haide e haide naa Jerusalem, go Tagi o denga hagabuulinga hebagi e hagadaba.