Zechariah 14:9 - De Beebaa Dabu

⁹ Gai Tagi Maolunga e hodooligi naa i henua i lalo alodahi. De laangi laa gai e dahi naa donu huu Dagi Maolunga, gai go dono ingoo donu huu e dahi.

Zechariah 14:9 Referans Kwoze

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Daniel 7:27

Gai ssauaa e dagi ai, ma de mmahi aama de mahamaha o denga nohoanga hodooligi i lalo de langi alodahi, e gaavange naa gi de gau dabu, go dangada o de Ia Maolunga Mmao laa. Gai dono nohoanga hodooligi e dagodo naa donu huu ga hano ai, gai dagi alodahi e daumaha ange naa gi de ia ma de hagallongo ange gi de ia.’

Zephaniah 3:9

Gai au e ahe ange naa ga sui denga huaadangada, ma de hagagilimalali alaadeu muna e tala, gai gilaadeu alodahi e dalodalo naa i de ingoo o Tagi Maolunga ma de daumaha ange gi de ia i de lodo daudahi.

Deuteronomy 6:4

Israel, goodou hagalaangona: Tagi Maolunga taadeu Maadua, Tagi Maolunga e dahi donu huu.

Psalm 72:17

Dono ingoo gi dagodo ga hano ai, gai ono longo gi dele saele i taulooloa de sobo age o de laa. Dangada e manuuia naa i ono hiidinga, gai denga huaahenua alodahi e hagataba naa bolo ia e manuuia.

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”

Jeremiah 23:6

Judah e noho baba naa i ono laangi, gai Israel e duadonu naa. Gai deenei de ingoo oona e hagaingoo ai: go Iahweh taadeu Ia Heohi.

Isaiah 54:5

Go hiidinga doo bodu go ia ne haia goe, dono ingoo go Tagi o denga hagabuulinga hebagi; gai de Ia Dabu o Israel go doo Ia Hagaola, ia e hagaingoo ange go de Maadua o henua i lalo alodahi.

Psalm 86:9

Denga huaahenua alodahi aau ne hai e loomai naa ga ino gi lalo ga daumaha adu gi de goe, dogu Ia Aamua, aama de hagamahamaha doo ingoo.

Matthew 28:19

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu,

Psalm 67:4

Denga huaahenua gi llodo danuaa ma de daahili i de malangilangi, i hiidinga koe e hagamodu muna o dangada i de heohi gai go koe e dagina denga huaahenua o henua i lalo. Selah

Amos 9:12

Gai gilaadeu e kave naa mommee e doe i Edom aama huaahenua alodahi e hagaingoo i dogu ingoo, go Tagi Maolunga e hagadaba, go de ia e hagasula ina de mee nei.

1 Samuel 2:10

hagadaumee o Tagi Maolunga e daa naa donu gi maakau. Ia e hagababaa denga hatuli i lo te langi e hai baasi ange ai gi gilaadeu; Tagi Maolunga e hagamodu muna o henua i lalo alodahi. Ia e hagammahi de hodooligi aana e hili, gai e hagaamua ssauaa o de ia aana gu hagadabu i de lolo.”

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Micah 5:4

Ia e duu naa ga hagaloosi ana ssiibi i mahi o Tagi Maolunga, ma ssauaa o Iahweh dono Maadua. Gai gilaadeu e nnoho paba naa, gai ia e maolunga naa i henua i lalo alodahi.

Isaiah 45:21

Goodou daalaa ma de gaamai oodou tonu, gai gilaadeu gi hagabuni gi hagasaele. Goai ne hagailoo ina mee nei madagidagi loo? Gai goai ne daalaa mee nei i denga masavaa gu hulo? E dee go au, Tagi Maolunga? Gai e deai ange donu se maadua, go au donu huu, au se Maadua heohi gai go de Ia Hagaola; e deai ange donu, go au donu huu.

Obadiah 1:21

De gau hagaola e loage naa gi de mounga go Zion ga dagi ai i denga mounga o Esau. Gai de nohoanga hodooligi e hai naa ga niio Tagi Maolunga.

Habakkuk 2:14

Go hiidinga henua i lalo e hhao naa ga honu i de iloo mee o de mahamaha o Tagi Maolunga, bei de hagahonu o tai i denga lausedi.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Malachi 1:14

E malaia tangada gu hagatoo donu bolo ia e hai dana sigidaumaha i dahi ana ssiibi daane, aagai ne sigidaumaha ange gi de Ia Aamua i dahi manu e hanu mee baubau i dono angaanga. Go hiidinga au se Hodooligi maolunga, gai dogu ingoo se ingoo hagamaatagu i daho denga huaahenua, go Tagi o denga hagabuulinga hebagi e hagadaba.

Psalm 97:1

Go Tagi Maolunga e hodooligi; henua i lalo gi lodo danuaa, gai mommee lagolago i tagudai gi malangilangi.