Zechariah 14:5 - De Beebaa Dabu

⁵ Gai goodou e saavini naa ga hulo laa gaogao de geelonga e vaaea laa denga mounga, go hiidinga de geelonga laa e dae laa gi Azal. Gai goodou e saavini naa ga hulo gee, e dagodo be goodou e saavini e hulo gee mai i de ngalungalue o de henua, i laangi o Uzziah ne hodooligi ai i Judah. Gai Tagi Maolunga dogu Maadua e humai naa madali de gau dabu alodahi.

Zechariah 14:5 Referans Kwoze

Amos 1:1

Muna a Amos, dahi daane hagaloosi ssiibi o Tekoa — go ana midi hagaago ange ne gidee i dagodo o Israel, i e lua ngadau i mua de ngalungalue o de henua, i de masavaa o Uzziah e hodooligi ai i Judah, gai Jeroboam tama daane a Jehoash e hodooligi ai i Israel.

Matthew 25:31

“De masavaa naa huu o Tama a Tangada e humai ai i dono mahamaha madali ono dangada de langi alodahi, gai ia e noho naa i honga dono nohoanga hodooligi mahamaha.

Matthew 16:27

Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

1 Thessalonians 3:13

gai ia ga hagammahi ai oodou lodo, ga hai gi odi ange danuaa oodou dagodo, gai goodou gu dabu i mada luu mada o de Maadua taadeu Damana, i de humai o taadeu Dagi Maolunga go Iesu madali ono dangada dabu alodahi.

Isaiah 29:6

gai Tagi o denga hagabuulinga hebagi e humai naa bei de hatuli ma de ngalungalue o de henua ma de leo mmahi, madali denga ssio ma de madangi aama de ahi e dudu ai mee alodahi.

Revelation 20:4

Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.

Revelation 11:13

De masavaa laa donu huu gai gu kona de ngalungalue o de henua, gai dahi diba i diba e madaangahulu o de aduhale laa gu maoha. Gai gu maakau e hidumano dangada i de ngalungalue o de henua, gai dangada e doe gu kona mmao de maatagu, gai gilaadeu ga hagamahamaha de Maadua o de langi.

2 Thessalonians 2:8

De masavaa laa gai de ia e oohaa de hainga e hagasula mai naa donu, gai Tagi Maolunga go Iesu e daa naa ia ga magau i dana manava, ma de hagalilo ia i dono mahamaha i dono masavaa e ahe mai ai.

Psalm 96:13

i mada luu mada o Tagi Maolunga, go hiidinga ia e humai naa, ia e humai naa e hagamodu muna o henua i lalo. Ia e hagamodu naa muna o henua i lalo i de heohi, gai e hagamodu muna o dangada i de muna abodonu.

Deuteronomy 33:2

Ia ne hagadaba: “Tagi Maolunga ne hano iho i Sinai ga hagamaalama gilaadeu mai i Seir, gai ne hagamaalama mai hogi i de mounga go Paran. Ia ne humai madali de gau dabu e dahisemada, gai ia e poo de ahi ula i dono lima madau.

Revelation 20:11

Gai au ne gidee dahi nohoanga hodooligi maolunga tea ma de ia e noho i ono elunga. Gai henua i lalo ma de langi ne moolau donu de ngaalue gee mai i mada luoono mada, gai teai selaau mommee ne gidee.

James 5:8

Goodou golomagina hogi oodou lodo ga tuu gi makaga, go hiidinga Tagi Maolunga gu dai humai donu.

Luke 21:27

De masavaa laa gai dangada e gidee naa Tama a Tangada e humai i honga giliiga i ssauaa aama de mahamaha laumalie.

Matthew 24:3

De masavaa o Iesu ne hano ai ga noho i honga de Mounga o denga Olive, gai ana dangada agoago ga loomai gi ono daha i de masavaa e deai ai dangada, ga hai ange, “Daalaa mai, dee hee de masavaa e hai ai mee nei? Aagai dee hee de hagailonga o doo ahe mai aama de hagaodi o henua i lalo?”

Psalm 98:9

i mada i mua o Tagi Maolunga, go hiidinga ia e humai naa e hagamodu muna o henua i lalo. Ia e hagamodu muna o henua i lalo i de heohi, ma de hagahedae dangada.

Numbers 16:34

Gai de gau Israel alodahi i olaadeu gaogao ga saavini ga hulo gee, i de masavaa alaadeu ne langona ai delaadeu oo, gilaadeu ne hagataba, “De henua kana holo hogi gidaadeu!”

Joel 3:11

Denga huaahenua alodahi i luu baasi, goodou hagamoolau mai hagabuni i kilaa. Tagi Maolunga, haia gi loomai oo daane hebagi!

Zechariah 4:7

De mounga laumalie, go koe goai? Zerubbabel e hai naa goe ga bei de mommee e soe laa. Gai ia e gaamai naa tuludulu o de logunga, gai dangada e oo naa ga hagataba, ‘Ia gi hagamanuuia ina de hadu! Ia gi hagamanuuia ina de hadu!’ ”

Micah 1:11

Dangada e nnoho i Shaphir, goodou seesee hulo i doodou dookaa ma de gilisau. Dangada e nnoho i Zaanan e dee ssao mai gi tua de buibui. Beth Ezel gu hinangalosaa; go hiidinga delaadeu buibui gu gaavee gee.