Zechariah 14:21 - De Beebaa Dabu

²¹ Denga anibada alodahi i Jerusalem ma Judah, e hagadabu ange naa gi Tagi o denga hagabuulinga hebagi, gai dangada alodahi e loomai e sigidaumaha, e kave naa denga anibada nei ga boale ai kano manu e hai ai alaadeu sigidaumaha. Gai e deai naa donu se dangada hagao mee i lo te hale o Tagi o denga hagabuulinga hebagi i de laangi laa.

Zechariah 14:21 Referans Kwoze

Ezekiel 44:9

Gai e hagadaba de Ia Aamua go Iahweh: E deai donu se dangada henua gee tigi tuu dagaholiage ono lodo ma dono angaanga e ulu i dogu mommee dabu, e deai donu hogi dangada henua gee e nnoho i magavaa o de gau Israel.

1 Corinthians 10:31

Deenei ai, e dee hilihili be goodou e gaimee be unu, aabe ni aha ange oodou e hai, gai goodou haia mee alodahi e hagamahamaha ai de Maadua.

Joel 3:17

“Gai goodou e iloo naa, bolo go au donu go Iahweh doodou Maadua, e noho laa i Zion, dogu mounga dabu. Jerusalem e hai naa gi dabu; gai de gau henua gee e dee aahe ange donu e kage mai gi honga de henua.

Revelation 22:15

Gai tua de aduhale e nnoho ai denga gaaduu, ma de gau hai huuhuaa mee, ma de gau dagodo haisala, ma de gau daa dangada, ma gilaadeu e daumaha ange gi denga diinonga, aama dangada alodahi e malangilangi i de hai hegau i de hadu muna.

Revelation 21:27

Aagai e deai donu se mee hakino gee e hagaulu mai gi kilaa, be se dangada e haia dahulinga hakino gee ma de mee hagasenga, gai go gilaadeu donu huu gu sisi laa olaadeu ingoo i de beebaa o de mouli a Ssiibi Gauligi e maua i de ulu i kilaa.

Nehemiah 8:10

Gai ia ne hai ange gi gilaadeu, “Goodou hulo gaina gai moomuna ma de unu uvaini maimai, ma de duha ange gai gi gilaadeu tigi ai alaadeu mee gu hagadabena, go hiidinga anailaa nei se laangi e dabu ange gi taadeu Ia Aamua. Goodou aude llodo baubau, go hiidinga de malangilangi o Tagi Maolunga e hagammahi goodou.”

1 Peter 4:17

Gai gu dae mai de masavaa e daamada ai de hagamodu muna o dangada o de Maadua; gai noo de hagamodu muna e daamada i gidaadeu, gai aahee ai naa dagodo o dangada e dee hagallongo ange gi de longo danuaa a de Maadua?

Hebrews 3:6

Aagai Klisdo ne hai hegau i de muna abodonu i de tilo ange de hale o de Maadua bei dagodo o tama donu. Gai gidaadeu go dono hale donu, noo gidaadeu e daohi taadeu lo taane ma de malangilangi i taadeu tali hagalodolodo.

1 Timothy 3:15

Gai noo au gu mmule adu, gai koe gu iloo doo hai e hai hegau ange ai gi dangada i lo te huaabodu o de Maadua, go de nohoanga dabu o de Maadua e mouli laa, gai go tuludulu ma tagelo o de mee abodonu.

Zechariah 14:20

De laangi laa gai e sisi ange naa gi honga denga baalanga e dau i denga hoosa, “Gu hagadabu ange gi Tagi Maolunga.” Denga anibada i lo te hale o Tagi Maolunga e dabu naa, bei boolo i gaogao de mommee o ssigidaumaha.

Zechariah 7:6

E aha, de masavaa oodou e gaimee ai ma de unu, gai goodou tee hagamalangilangi laa donu huu goodou?

Hosea 12:7

Tangada hagao mee e hai hegau i de mee hagahidi hagasenga, e lodo i de vaivai hai dangada.

Isaiah 35:8

Gai e hai naa dahi haiava laumalie i kilaa, gai e hagaingoo ange naa go de Haiava Dabu. De gau hakino gee e dee maua donu i de seesee i de haiava laa, gai de haiava laa se mee ange gi gilaadeu e seesee ai, aagai de gau llodo senga e dee maua donu i de seesee i kilaa.

Isaiah 4:3

Gai tangada e doe i Zion ma de noho i Jerusalem e hagabinga naa bolo e dabu, go dangada alodahi gu daohi olaadeu ingoo bolo e mouli i Jerusalem.

Deuteronomy 12:12

Gai goodou ga malangilangi ai i mada luu mada o Tagi Maolunga doodou Maadua, madali oodou dama daane ma oodou damaa hine, ma oodou daane ma haahine hai hegau, ma dangada de aamuli o Levi i oodou aduhale, teai laa se mommee ne vvae ange gi gilaadeu madali goodou.

Deuteronomy 12:7

Gai go kilaa oodou ma oodou huaabodu e gaimee ai i mee oodou e sigidaumaha ai, i mada luu mada o Tagi Maolunga doodou Maadua, ga malangilangi ai i oodou mee gu hai hegau ange aagena, go hiidinga Tagi Maolunga doodou Maadua gu hagamanuuia goodou.

Isaiah 52:1

Zion, alahage, alahage, hagammahi ina goe. Jerusalem, de aduhale dabu, gahu i oo malo mahamaha. Gai de gau tigi tuu dagaholiage ma gilaadeu e dee gilimalali e dee aahe e ulu i de aduhale.

Ezekiel 45:1

“De masavaa naa huu oodou e vaevae ange ai de henua e bolo, gai goodou e vvae ange hogi dahi mommee gi Tagi Maolunga i de henua, se vaaenga dabu, e 25,000 sugilima de looloa, gai e luasemada sugilima de lahalaha; de mommee nei alodahi e dabu.

Zephaniah 1:11

Dangada e nnoho i de mommee hagao mee, goodou tangi see; go hiidinga de gau hagao mee e maakau naa, gai alodahi e hagao mee i selevaa gu odi hogi i teai.