Zechariah 14:20 - De Beebaa Dabu

²⁰ De laangi laa gai e sisi ange naa gi honga denga baalanga e dau i denga hoosa, “Gu hagadabu ange gi Tagi Maolunga.” Denga anibada i lo te hale o Tagi Maolunga e dabu naa, bei boolo i gaogao de mommee o ssigidaumaha.

Zechariah 14:20 Referans Kwoze

Exodus 39:30

Gai gilaadeu ne dugidugi dahi dibaa goolo danuaa ga hai ai de hau goolo dabu, ga maaga ange muna nei aagena, “Hagadabu ange gi Tagi Maolunga,” bei de hai e maaga ai laa de buulei hagailonga.

1 Peter 2:5

gai e bei ai hogi oodou dagodo, goodou go de hadu e mouli laa, e hagaduu ai laa de hale daumaha i de baasi gi de hagasaalunga, e hai ai de gau haimeedabu dabu, gai goodou ga hai ai denga sigidaumaha i de baasi gi de hagasaalunga, e hagamalangilangi ina de Maadua i hiidinga o Iesu Klisdo.

Isaiah 23:18

Gai ana mee e mau ai ma dono hagaoanga e vvae ange naa gi Tagi Maolunga. Tyre e dee maua naa i de hagabudu e doange dono lava. Gai ana mee e maua e gaavange naa e gaimee ai ma de kahu ai gilaadeu e nnoho i mada luu mada o Tagi Maolunga.

Leviticus 8:9

Gai ia ga dugu ange de goobai malo gi honga dono biho, ga nnoa ange talaa baalanga goolo gi ma te goobai laa, go de hau goolo dabu, bei de hai a Tagi Maolunga gu tala ange ai gi Moses.

Zechariah 9:15

gai Tagi o denga hagabuulinga hebagi e buibui naa gilaadeu. Gilaadeu e daa naa dangada ma de hagadee kii gilaadeu i denga buada. Gilaadeu e unu naa ma de hevaalogi bei dagodo o dangada gu ssenga i de unu uvaini; gilaadeu gu hoohonu bei de gumedi iai laa dodo e hagassii ange laa gi dege o de mommee o ssigidaumaha.

Numbers 7:19

Ia ne gaamai e dahi gumedi selevaa baabaa e 130 shekel de daemaha, ma e dahi beisini selevaa e madahidu shekel de daemaha, e hagabau i de hagabaaunga o shekel o de mommee dabu, gai luu gumedi laa ngaadahi e hhao gi hoohonu i pelaoaa lligi gu hilo ma lolo, e hai ai ssigidaumaha o grain;

Numbers 7:13

Ia ne gaamai e dahi gumedi selevaa baabaa e 130 shekel de daemaha, ma e dahi beisini selevaa e madahidu shekel de daemaha, e hagabau i de hagabaaunga o shekel o de mommee dabu, gai luu gumedi laa ngaadahi e hhao gi hoohonu i pelaoaa lligi gu hilo ma lolo, e hai ai ssigidaumaha o grain;

Numbers 4:14

Gai gilaadeu ga dugu ange gi ono elunga, denga goloa alodahi e hai ai hegau o de mommee o ssigidaumaha: go mee e hhao ai denga maga ahi, ma poogo, ma savolo, ma boolo. Gai gilaadeu gi haolia ono elunga i dahi gili kaau lausedi, ma de velo ange luu laagau e saabai ai gi lodo olaau duulanga.

Numbers 4:7

Gai gilaadeu gi haoli teebele o pelaoaa i Mada Luoono Mada i dahi malo buluu, ga dugu ange denga gumedi gi ono elunga, aama ssaa e hai ai laa ssigidaumaha o mee maanongi; ma denga boolo, ma ubu e hai ai ssigidaumaha o mee unu; gai gi dugu donu huu denga pelaoaa e hagatau laa, i honga teebele i de laa tubua.

Leviticus 6:28

Gai de gumedi hadu ne boale ai laa ono kano e oha gi maoha; gai noo se gumedi bronze ne boale ai, ga ssolo ono lodo gi danuaa ga hagamaa i vai.

Exodus 37:16

Gai ia ne hai goloa alodahi o honga teebele i goolo danuaa; go denga gumedi, ma anibada, ma boolo, aama denga ssaa e llingia ai denga sigidaumaha o mee unu.

Revelation 20:6

E manuuia ma de dabu gilaadeu e mouli age i tahi mouli age! Gu deai donu se sauaa o de lua magau i olaadeu elunga, aagai gilaadeu e hai naa gi ni dangada haimeedabu niio de Maadua ma Klisdo, gai gilaadeu ga dagi ai madali ia i e mano ngadau.

Revelation 5:10

Koe gu hai gilaadeu gi se nohoanga hodooligi gai ni dangada haimeedabu niio taadeu Maadua, gai gilaadeu ga dagi ai i henua i lalo.”

Revelation 1:6

ma de hai gidaadeu gi se nohoanga hodooligi, gai gi ni dangada haimeedabu e hai hegau ange gi dono Maadua ma Tamana — gai ia e bau ange i de kave taadeu tuhi ma de mahamaha aama ssauaa ga hano ai e dee ngado mai. Amen.

1 Peter 4:11

Noo dahi dangada e agoago, gai ia gi daalaa muna a de Maadua. Noo tangada se dangada e balea ange dangada, gai ia gi haia mee nei i mahi a de Maadua gu gaavange gi de ia, gai gi duuhia ai de Maadua i mee alodahi i daho Iesu Klisdo. Gai go ia e bau ange gi de kave taadeu tuhi ma de mahamaha ma ssauaa ga hano ai e dee ngado mai. Amen.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Colossians 3:17

Gai mee alodahi oodou e hai, i oodou muna be go oodou hegau, gai goodou haia mee nei alodahi i de ingoo o Tagi Maolunga go Iesu, ma de hagaahe ange de abodonu gi de Maadua Tamana i dono ingoo.

Acts 15:9

Ia e dee dagodo gee donu dana hai e hai ai gidaadeu ma gilaadeu, aagai ia ne hagagilimalali hogi olaadeu lodo i de kai.

Acts 11:9

Aagai de leo laa ne basa mai i de lua hanonga, ga hai mai, ‘Aude daalaa bolo mee a de Maadua gu lava i de hagagilimalali e dee gilimalali.’

Acts 10:28

Gai ia ga hai ange gi gilaadeu, “Goodou e iloo donu bolo de gau Ssuu e dee hagabuni ange gi denga Gentile, aabe e hulo gi olaadeu daha. Aagai de Maadua gu hagaago mai bolo au gi dee daalaa bolo dahi dangada e dee gilimalali aabe e hakino gee.

Acts 10:15

Gai de leo laa ne hai ange hogi gi de ia, “Aude daalaa bolo mee a de Maadua gu lava i de hagagilimalali e dee gilimalali.”

Luke 11:41

Aagai goodou ngadi gaavange mee i lodo oodou ubu gi de gau hagaau aloha, gai tilo, mee alodahi e odi naa i de gilimalali adu gi goodou.

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Zephaniah 2:11

Tagi Maolunga e hagalele mouli i dono hai baasi ange gi gilaadeu, i de masavaa aana e oha ai denga diinonga alodahi o de henua. Denga huaahenua alodahi e daumaha ange naa gi de ia, dahi ma dahi i dono henua donu.

Obadiah 1:17

Aagai dangada e ola naa i honga de mounga go Zion, gai de mounga laa e dabu naa; gai dangada o Jacob e kave naa delaadeu henua ga henua ai.

Psalm 110:3

Oo dangada e malangilangi naa i de daudali adu i de masavaa o de hebagi, i honga de mounga dabu. Gai oo daane e loomai naa gi oo daha bei dagodo o de mee suungia i taiao.

2 Chronicles 4:8

E madaangahulu hogi ana deebele ne hai ga dugu i lo te temple, e lima i de baasi madau, gai e lima i de baasi masui. Ia ne hai hogi e lau beisini i goolo.

1 Samuel 2:14

gai ia ga velo ange de poogo gi lo te kamaa, be se diibada, aabe se anibada laumalie aabe se gumedi dunu gai; gai be ni aha naa huu aana ne maua i de dui age i de poogo laa, gai deelaa tuuhanga o tangada haimeedabu. Deenei delaadeu hai e hai hegau ange ai gi de gau Israel alodahi, e loomai gi Shiloh.

Exodus 25:29

Gai haia ono beleidi ma ono gumedi, ma ono ubu, aama boolo e llingia ai denga sigidaumaha o mee unu i goolo danuaa.

Isaiah 52:1

Zion, alahage, alahage, hagammahi ina goe. Jerusalem, de aduhale dabu, gahu i oo malo mahamaha. Gai de gau tigi tuu dagaholiage ma gilaadeu e dee gilimalali e dee aahe e ulu i de aduhale.

Jeremiah 31:40

De geelonga alodahi iai laa angaanga o de gau maakau ma de tili ai denga lehu, ma denga veelenga ga dae ai gi ssaalingaa vai go Kidron, ga dae ai gi tege o de Haitoga o denga Hoosa i de baasi gi dua, e hagadabu ange naa gi Tagi Maolunga. Gai de mommee nei e dee ahe ange naa donu e unusi age aabe e oha ga hano ai.”

Ezekiel 45:1

“De masavaa naa huu oodou e vaevae ange ai de henua e bolo, gai goodou e vvae ange hogi dahi mommee gi Tagi Maolunga i de henua, se vaaenga dabu, e 25,000 sugilima de looloa, gai e luasemada sugilima de lahalaha; de mommee nei alodahi e dabu.

Zechariah 14:19

Deenei de hai e hagaduasala ai Egypt ma denga huaahenua alodahi, e dee loomai laa e dao Taonga o denga Baasi Hale.

1 Kings 7:50

denga beisini goolo, ma mee diinei laama, ma boolo, ma gumedi o mee maanongi, ma gumedi goolo e hhao ai maga ahi; duulanga goolo e hagatuu ange aagena laagau o denga abaaba o de aabi i lodo, go de Aabi Dabu mmao, aama abaaba hogi o de mommee e mmua gi daha o de temple.

Zechariah 8:3

E hagadaba Tagi Maolunga: Au e ahe mai naa gi Zion, ga noho i Jerusalem, gai Jerusalem e hagaingoo ange naa go de aduhale o de muna abodonu, gai de mounga o Tagi o denga hagabuulinga hebagi e hagaingoo ange go de mounga dabu.