Zechariah 14:18 - De Beebaa Dabu

¹⁸ Gai noo de gau Egypt e dee loomai gi taonga, gai e dee pala naa de langi i delaadeu henua. Gai de mee hagamaakau a Tagi Maolunga e hagaduasala naa denga huaahenua tee hulo laa e dao Taonga o denga Baasi Hale.

Zechariah 14:18 Referans Kwoze

Zechariah 14:15

Gai de mee hagamaakau mau e baa naa i denga hoosa, ma mule, ma gamelo, ma donkey, aama manu alodahi i olaadeu mommee nnoho gaainga.

Zechariah 14:12

Gai deenei de mee hagamaakau a Tagi Maolunga e hagaduasala ai denga huaahenua ne hebagi ange gi Jerusalem: olaadeu angaanga e daamada naa de pobo i de masavaa olaadeu goi tuu ai gi lunga, olaadeu hadu mada e pobo naa i lodo olaadeu duulanga, olaadeu alelo e pobo naa hogi i lodo olaadeu ngudu.

Zechariah 14:19

Deenei de hai e hagaduasala ai Egypt ma denga huaahenua alodahi, e dee loomai laa e dao Taonga o denga Baasi Hale.

Leviticus 23:34

“Basa ange gi de gau Israel, hai ange, ‘De madaangahulu ma lima laangi o de hidu malama, gai goodou damadaa de hai Taonga o denga Baasi Hale ange gi Tagi Maolunga i e hidu laangi.

Isaiah 60:12

Gai denga huaahenua ma nohoanga hodooligi e dee hai hegau adu laa gi de goe e daa naa ga maakau, gai e oha naa donu ga maoha.

Isaiah 66:23

Mai i de duu o de maasina i dai ga dae ai gi de ahe ange ga duu, ma mai i dahi Sabbath ga dae ai gi dahi Sabbath, gai dangada alodahi e loomai naa ga daumaha mai gi de au, go Tagi Maolunga e hagadaba.

Micah 5:8

Gai dangada o Jacob e doe e nnoho laa i magavaa o denga huaadangada soa, e bei de laiono i magavaa o denga manu lodo henua, ma de laiono mmahi i magavaa o denga hagabuulingaa ssiibi, e hagalagolagohia laa ma de hangahanga ina mee i honga dono haiava, gai e deai naa donu se dangada e maua i de hagaola.