Zechariah 14:17 - De Beebaa Dabu

¹⁷ Gai noo hanu huaabodu o henua i lalo tee loomai gi Jerusalem e daumaha ange gi de Hodooligi, go Tagi o denga hagabuulinga hebagi, gai de langi e dee pala naa donu i olaadeu mommee.

Zechariah 14:17 Referans Kwoze

Jeremiah 14:4

De gelegele gu mmasa ma de mahangahanga, i hiidinga tee pala de langi i honga de henua; de gau hai veelenga gu manavasaa ma de haoli olaadeu biho.

Isaiah 60:12

Gai denga huaahenua ma nohoanga hodooligi e dee hai hegau adu laa gi de goe e daa naa ga maakau, gai e oha naa donu ga maoha.

Revelation 11:6

Gai e dahi donu olaau sauaa e pono ai gi dee pala de langi i laangi olaau e pasa pelaabisi ai, ma de sui ai denga vai gi ni dodo, ma de hai gi loomai gi henua i lalo denga hagadaagangaa mee hagamaakau, i de masavaa alaau e llodo ai.

James 5:17

Elijah se dangada bei odaadeu dagodo, gai ia ne hagaduu ngae ga dalodalo gi dee pala de langi, gai tee pala donu de langi i honga de henua, i e dolu ngadau ma e ono malama.

Deuteronomy 11:17

Gai Tagi Maolunga e kona mmao naa de lili i goodou, ga hai gi dee pala iho de langi gi honga de gelegele, gi deai ai hua i honga oodou gelegele, gai goodou e moolau naa donu de maakau ga dee maaleva, i de henua danuaa a Tagi Maolunga e gaavadu gi goodou.

Zechariah 14:16

Gai dangada ne ola mai i denga huaahenua alodahi ne hebagi ange laa gi Jerusalem, e loomai naa i ngadau alodahi ga daumaha ange gi de Hodooligi, go Tagi o denga hagabuulinga hebagi, ma de hai Taonga o denga Baasi Hale.

Amos 3:2

“Go goodou donu huu i denga huaabodu o henua i lalo alodahi aagu gu iloo; deenei ai, au e hagaduasala naa goodou i hiidinga oodou baubau alodahi.”

Jeremiah 14:22

Gu hanu laa ngadi diinonga i magavaa diinonga o denga huaahenua e maua i de hai gi pala de langi? E aha, e maua e de langi i de hai gi pala iho de langi? E deai, gai go Iahweh demaadeu Maadua e haia mee nei. Deenei ai, go koe demaadeu tali hagalodolodo, gai go koe e haia mee nei alodahi.

2 Chronicles 6:26

De masavaa naa huu aau e daohi ai gi dee pala de langi, i hiidinga gilaadeu gu haisala adu gi de goe, gai noo gilaadeu e huuhuli mai gi de hale nei ga dalodalo ai, ga hagadubu doo ingoo, ma de tili olaadeu haisala, i hiidinga dau hagaduasala gilaadeu,

1 Kings 17:1

Gai Elijah, taane Tishbe mai i Gilead, ne hai ange gi Ahab, “Au e hagatoo donu adu gi de goe i de mouli o Tagi Maolunga, de Maadua o Israel, go de ia oogu e hai hegau ange nei aagena, bolo e deai naa donu se mee maluulu aabe se langi e pala i hanu ngadau, gai go dagu hagadaba donu huu bolo ga hai mee nei.”

Genesis 28:14

Gai oo hagadiilinga e soa naa bei de lagolago o denga gelegele i honga de henua, gai koe e hhao naa ga honu de henua mai i dai ga hano ai gi dua, ma mai i ngaiho ga hano ai gi ngaage. Gai hagadiilinga alodahi o henua i lalo e manuuia naa i oodou hiidinga ma doo hagadiilinga.

Genesis 12:3

Au e hagamanuuia naa dangada e hagamanuuia ina goe, gai e hagamalaia gilaadeu e hagamalaia ina goe; gai denga huaadangada alodahi o henua i lalo e manuuia naa i oo hiidinga.”

Genesis 10:32

Aanei hagadiilinga o dama a Noah, ma de hagatauanga o olaadeu huaahenua, ma aamuli olaadeu ne loomai ai. Gai denga huaahenua alodahi ne loomai i denga hagadiilinga nei i dua tolona laumalie laa.

Jeremiah 10:25

Koe gi bole ange gi denga huaahenua e dee iloo goe, aama dangada e dee dalodalo adu gi de goe. Go hiidinga gilaadeu gu oha Jacob; gilaadeu gu daa ono dangada ma gu odi ma de oha dono henua ma gu ngadi dagodo.

Isaiah 45:23

Au gu hagatoo donu i dogu ingoo, gai au gu tala muna nei i de heohi, gai e dee haihai naa donu ga hagaahe dua: Dangada alodahi e duuduli naa ga ino i mada luoogu mada; gai gilaadeu alodahi e hagatoo donu naa i dogu ingoo.

Isaiah 5:6

Au e hai naa de veelenga laa gi se ngadi gelegele; au e dee velevele naa donu aabe hagabalabala de veelenga laa, gai gi ssomo age ai denga manu duiduia ma manu daladala; au e hai ange naa gi denga hagausinga gi haia gi dee pala iho de langi gi ono elunga.

2 Chronicles 7:13

De masavaa naa huu aagu e hai ai gi dee pala de langi, be e hai gi loomai denga itebuubuu gi gaina manu ssomo i honga de henua, aabe e hai gi humai dahi mee hagamaakau gi honga o dangada,

1 Kings 8:35

De masavaa naa huu aau e daohi ai gi dee pala de langi, i hiidinga gilaadeu gu haisala adu gi de goe, gai noo gilaadeu e huuhuli mai gi de hale nei ga dalodalo ai, ga hagadubu doo ingoo, ma de tili olaadeu haisala, i hiidinga dau hagaduasala gilaadeu,

Isaiah 18:7

De masavaa laa gai denga mee ngadi gaavange e gaamai naa gi Tagi o denga hagabuulinga hebagi mai i daho de gau lloa ma de malali olaadeu angaanga, ma mai i daho de gau hagamaatagu i henua mmao ma de paa mai, go de huaahenua mmahi ma de hagadee kii ina denga henua, gai delaadeu henua e vaevae i denga saalingaa vai — gilaadeu e loomai naa gi de mounga go Zion, go de mommee iai laa de ingoo o Tagi o denga hagabuulinga hebagi.

Jeremiah 14:3

De gau aamua gu hai olaadeu dangada hai hegau gi hulo gi asu vai; gilaadeu ne hulo gi de vai i lo te baba, aagai teai alaadeu vai ne gide. Gilaadeu ne aahe mai ma alaadeu ngadi manu vai; gilaadeu gu dookaa ma de ssenga ange, gilaadeu gu haoli olaadeu biho.

Zechariah 14:9

Gai Tagi Maolunga e hodooligi naa i henua i lalo alodahi. De laangi laa gai e dahi naa donu huu Dagi Maolunga, gai go dono ingoo donu huu e dahi.