Zechariah 14:12 - De Beebaa Dabu

¹² Gai deenei de mee hagamaakau a Tagi Maolunga e hagaduasala ai denga huaahenua ne hebagi ange gi Jerusalem: olaadeu angaanga e daamada naa de pobo i de masavaa olaadeu goi tuu ai gi lunga, olaadeu hadu mada e pobo naa i lodo olaadeu duulanga, olaadeu alelo e pobo naa hogi i lodo olaadeu ngudu.

Zechariah 14:12 Referans Kwoze

Zechariah 12:9

De laangi laa gai au e hagadabena ange e oha denga huaahenua alodahi e hebagi ange laa gi Jerusalem.

Zechariah 14:3

Gai Tagi Maolunga e hano naa ga hebagi ange gi denga huaahenua, bei de hai de hebagi i de laangi o taua.

Psalm 90:11

Goai e donu ange gi mahi o doo lili? Gai doo lili e laumalie mmao bei de madagu i de goe.

2 Chronicles 21:15

gai koe e hai naa dahi magi hagammae i de masavaa daulooloa; oo dae e baubau naa i hiidinga o doo magi, ga dae ai gi de too mai mee i oo lodo.’ ”

Deuteronomy 28:59

gai Tagi Maolunga e hagaduasala naa goe ma oo hagadiilinga, i denga mee hagamaakau ma de hagamaatagu i de masavaa daulooloa, ma magi baubau e dee maua laa gi ieiangi.

Deuteronomy 28:22

Tagi Maolunga e hai naa goe gi mmagi iviivi, ma de mahana, ma de hua doo angaanga ma de vvela, ma teai vai i honga de henua, ma manu ma mee dongidongi e daia laa denga manu ssomo. Mee nei e hai adu naa donu gi de goe ga dae ai gi doo magau.

Leviticus 26:28

gai au e hai baasi adu naa gi goodou i dogu lili, ma de hagaduasala goodou gi hidu hanonga e kii ange ai i hiidinga oodou haisala.

Leviticus 26:24

gai au e hai baasi adu hogi gi goodou, ma de hagaduasala goodou gi kii ange i de hidu hanonga, i hiidinga oodou haisala.

Leviticus 26:21

Noo goodou e hai baasi mai gi de au, ma tee llodo e hagallongo mai gi de au, gai au e hai gi hidu hanonga, e lagolago ange ai mee hagamaakau e paa i goodou, ma de hai gi bei dagodo o oodou haisala.

Leviticus 26:16

gai deenei dagu hai e hai ai goodou: au e hai naa gi moolau de tae mai denga mee hagamaatagu gi goodou, ma de magi iviivi, ma de vvela o de angaanga e haia laa ga dee gide tangada, gai mahi o tangada e hagadagadaga mai. Goodou e doo naa oodou veelenga gai e dee haigamaiana adu gi goodou, i hiidinga go oodou hagadaumee e gaina.

Revelation 17:16

Gai hanga e madaangahulu aau ne gide laa ma de manu alasala laa, e kino naa i de hine hai be se manu laa; gilaadeu e kave gee naa ono goloa ma de hai gi deai ono malo e haoli ai, ma de gai ono kano aama de dudu ia i de ahi.

Acts 12:23

De masavaa laa donu huu gai tangada de langi o Tagi Maolunga ga hagaili Herod, gai denga ilo ga gai dono angaanga, gai ia gu magau, go hiidinga ia tee hagamahamaha de Maadua.

Leviticus 26:18

Noo goodou e duudagi donu huu tee hagallongo mai gi de au i dua mee nei, gai au e hagaduasala naa goodou gi hidu hanonga e kii ange ai i hiidinga o oodou haisala,

Deuteronomy 28:21

Tagi Maolunga e hai naa denga mee hagamaakau gi loomai gi de goe, ga dae ai gi dana hai gi dee noho goe, i honga de henua aau gu dai kave naa e henua ai.

De Beebaa go Job 18:13

De magi gu hai ma e masolesole dono gili, gai de magau gu dai holo naa donu ono aalanga.

Zechariah 14:15

Gai de mee hagamaakau mau e baa naa i denga hoosa, ma mule, ma gamelo, ma donkey, aama manu alodahi i olaadeu mommee nnoho gaainga.

Zechariah 14:18

Gai noo de gau Egypt e dee loomai gi taonga, gai e dee pala naa de langi i delaadeu henua. Gai de mee hagamaakau a Tagi Maolunga e hagaduasala naa denga huaahenua tee hulo laa e dao Taonga o denga Baasi Hale.

Zechariah 1:15

Gai au gu kona hogi dogu lili i denga huaahenua e nnoho paba laa, go hiidinga de masavaa oogu ne damaa lili ai i ogu dangada, gai gilaadeu ne kona donu delaadeu hagaduasala ogu dangada.

Zechariah 2:4

ga hai ange, “Savini hannoo hai ange gi tama daane laa, ‘Jerusalem e ahe ange naa ga noholia bei dagodo o denga aduhale e dee buibui, go hiidinga gu soa mmao dangada ma manu haangai e nnoho ai.