Zechariah 12:8 - De Beebaa Dabu

⁸ De laangi laa gai Tagi Maolunga e buibui naa dangada e nnoho i Jerusalem; de laangi laa gai tangada baageaa hugadoo e mmahi naa bei dagodo o David, gai de aamuli o David e dagi naa gilaadeu, bei dagodo o de Maadua, ma tangada de langi o Tagi Maolunga.

Zechariah 12:8 Referans Kwoze

Zechariah 9:8

Aagai au e duuli naa dogu hale, ma de tilo gi deai hagabuulinga hebagi e ulu ai. E deai ange naa hogi daane hebagi e vaivai haia ogu dangada, go hiidinga iainei gai au gu dagitilo gilaadeu.

Zechariah 2:5

Gai Tagi Maolunga e hagadaba: Au e hai naa ga bei de ahi e duuli ina luu baasi o Jerusalem, gai go de mahamaha i ono lodo.’ ”

Micah 7:16

Denga huaahenua e dookaa naa i delaadeu gidee naa mee nei, gilaadeu e deai naa olaadeu mahi. Gilaadeu e pono naa olaadeu ngudu i olaadeu lima, gai gilaadeu e longoduli naa.

Micah 7:8

Dogu hagadaumee, koe gi dee malangilangi i ogu dagodo! Ga baguu naa donu au, aagai au e ahe ange naa donu ga hidi age. Gai ga noho naa donu au i lo te gohu, aagai go Tagi Maolunga dogu hagamaalama.

Joel 3:10

Dugidugia oodou mee hagabalabala e hai ai gadilaasa, gai haia oodou naivi velevele e hai ai denga dao. Taane baageaa gi hagadaba, “Au se daane mmahi!”

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Revelation 22:16

“Au go Iesu, au ne hai dogu dangada de langi gi hanadu gi daalaa hagadonu ina ange muna nei gi denga nohoanga dabu. Go au de laa ma de hagadiilinga o David, ma de heduu maalama o taiao.”

Revelation 22:13

Go au de Alpha ma de Omega, go au Tahi gai go de Hagaodi, go Taamada ma de Hagaodi.”

Hebrews 11:34

ma de diinei denga ahi ula, ma de ola mai i de gadilaasa, gilaadeu e baageaa gai gu hai ma gu ni dangada mmahi; gilaadeu ne mmahi i de hebagi, ga hagadee kii ai denga hagabuulinga hebagi o de gau henua gee.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Romans 9:5

Gai go gilaadeu hogi hagadiilinga o denga dubuna madagidagi, gai Klisdo se mogobuna niiolaadeu, gai go ia de Maadua i honga mee alodahi, gai gi duuhia ia ga hano ai! Amen.

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

Micah 5:8

Gai dangada o Jacob e doe e nnoho laa i magavaa o denga huaadangada soa, e bei de laiono i magavaa o denga manu lodo henua, ma de laiono mmahi i magavaa o denga hagabuulingaa ssiibi, e hagalagolagohia laa ma de hangahanga ina mee i honga dono haiava, gai e deai naa donu se dangada e maua i de hagaola.

Hosea 12:3

Ia ne poo de gubu vae o dono daina daane i de masavaa oona i lo te dinae ai o dono dinana, gai ia ne hebagi ange gi de Maadua i de masavaa oona ne madua ai.

Jeremiah 27:10

Gilaadeu e pasa pelaabisi naa ga hadu muna adu ai gi goodou, ga hidi mai ai doodou noodia ga gaavee gee mai i doodou henua. Gai au e hai naa goodou gi hulo gi denga henua gee gi maakau ai.

Isaiah 63:9

Ia ne hagaduasala hogi i olaadeu hagaduasala alodahi, gai tangada de langi i mada luoono mada ne hagaola gilaadeu. Gai ia ne hagaola gilaadeu i dono aloha ma dono abodonu; ia ne saabai gilaadeu i honga luoono eu mai i denga laangi gu hulo.

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

Isaiah 49:7

E hagadaba Tagi Maolunga, de Ia Hagaola o Israel, gai go dono Ia Dabu, ange gi de ia e hagangadi mee ina ma de kino ai o denga huaahenua, ma ange gi tangada hai hegau o denga dagi: “Denga hodooligi e tuu age naa, i de masavaa alaadeu e gidee ai goe, denga dagi o de henua e ino naa gi lalo, i delaadeu gidee goe, go hiidinga Tagi Maolunga, go de ia e hai hegau i de muna abodonu, gai go de Ia Hagaola ma de Ia Dabu ma o Israel, ne hilihilia goe.”

Isaiah 30:26

Gai de maalama o de maasina e mmahi naa bei de maalama o de laa, gai de laa e hidu naa hanonga e kii ange ai de maalama, gu bei de mmahi o de laa i e hidu laangi, i de laangi a Tagi Maolunga e saabini ai mommee maaguluaa o ono dangada, ma de hagaieiangi olaadeu mee lagolagohia aana ne hai laa ga lagolagohia.

Psalm 82:6

Au ne hagadaba, ‘Goodou ni maadua, gai goodou alodahi ni dama nii de Ia Maolunga Mmao laa.’

Hosea 1:7

Aagai au e lodo aloha ange naa gi dangada o Judah; au e hagaola naa gilaadeu. Au e dee hagaola gilaadeu i de mee hholu, be go de gadilaasa, be go de hebagi, aabe go denga hoosa ma daane e saavini ai, aagai au e hagaola naa gilaadeu i ssauaa o Tagi Maolunga delaadeu Maadua.”

Exodus 14:19

Gai tangada de langi o de Maadua, go de ia e hano laa i mada i mua o de gau Israel, ne ngalue ga hano gi olaadeu dua. Gai tuludulu hagausinga laa ne ngalue mai hogi i olaadeu mada i mua ga hano ga duu i olaadeu dua,

Exodus 33:2

Gai au e hai naa tangada de langi gi hano i oo mada i mua, gai ia ga hai ai gi hulo gee de gau Canaan, ma de gau Amor, ma de gau Heth, ma de gau Perez, ma de gau Hiv, aama de gau Jebus.

Leviticus 26:8

E dogolima goodou e doolohi naa e lau oodou hagadaumee, gai e lau goodou e doolohi naa e dahisemada oodou hagadaumee, ga daa gilaadeu gu maakau i de gadilaasa.

Joshua 23:10

Dahi dangada e doolohi naa e mano dangada, go hiidinga Tagi Maolunga doodou Maadua e hebagi i oodou hiidinga, bei dana hai gu hagatoo donu adu ai laa gi goodou.

Psalm 8:5

Koe ne hai ia gi damaa maolalo mai ange i de gau de langi, gai koe ne hagahau ia i de mahamaha ma de hagadubu.

Isaiah 31:4

Gai Tagi Maolunga ne hai mai gi de au, “De laiono e hagangolo, go de laiono mmahi gu maua laa ana gai — gai ga hagahi mai naa donu hanu hagabuulingaa hagaloosi ssiibi gi hebagi ange gi de laiono laa, gai ia e dee madagu donu i delaadeu hevaalogi aabe e anga ange gi delaadeu hagalongaa; gai e bei ai hogi de hano iho o Tagi o denga hagabuulinga hebagi i honga de mounga go Zion ma ono mommee maolunga.

Zechariah 9:14

Gai Tagi Maolunga e hagasula mai naa i honga ono dangada, gai tao o dana mee hholu e gemo bei de uila. De Ia Aamua go Iahweh e ili naa de hanga manu; ia e hano naa e hebagi bei dagodo o ssio e humai laa i ngaage,

Isaiah 33:24

Gai e deai naa donu se dangada e noho i kilaa e hagadaba, “Au gu magi;” gai ia e degi ange naa gi haisala o dangada e nnoho i kilaa.

Zechariah 10:7

Ephraim e bei naa dagodo o denga daane dau i de hebagi; gilaadeu e malangilangi naa bei dangada e unumia laa uvaini. Alaadeu dama e malangilangi naa i delaadeu gidee mee nei; gilaadeu e malangilangi naa i Tagi Maolunga.