Zechariah 12:5 - De Beebaa Dabu

⁵ Gai denga hagadiilinga o Judah e hagataba naa, ‘Mahi o dangada i Jerusalem ni mee mai i daho Tagi o denga hagabuulinga hebagi, delaadeu Maadua.’

Zechariah 12:5 Referans Kwoze

Zechariah 10:12

Au e hai naa gilaadeu gi mmahi i de ingoo o Tagi Maolunga gai gilaadeu e seesee naa i dono ingoo,” go Tagi Maolunga e hagadaba.

Joel 3:16

Tagi Maolunga e haganngolo mai i Zion, gai e hai gi paa mai de hatuli i Jerusalem; de langi ma henua i lalo e ngalungaalue naa. Aagai Tagi Maolunga go de buibui o ono dangada, gai ia se mommee buibui makaga niio de gau Israel.

Psalm 18:32

Go ia de Maadua e hagammahi ina mai au, ma de hai gi heohi abodonu dogu haiava.

Psalm 144:1

Duuhia Tagi Maolunga, dogu Baba makaga, gai go de ia e hagaboo ina ange luoogu lima gi de hebagi, aama ogu madannia gi taua.

Psalm 18:39

Koe ne gaamai gi de au de mmahi e hebagi ai; koe ne hai ogu hagadaumee gi too gi ogu lalo.

Isaiah 28:6

Ia e gaavange naa gi de ia hagamodu muna de hagasaalunga o de hagamodu heohi, ma de hagammahi gilaadeu e aahe mai i de hebagi gi de haitoga o de aduhale.

Zechariah 12:6

De laangi laa gai au e hai naa denga hagadiilinga o Judah gi bei de anibada iai de ahi i magavaa o denga lahhie, ma de lama e ula laa i magavaa denga noodangaa grain. Gai gilaadeu e daa naa ga maakau denga huaahenua alodahi e duuli ina gilaadeu i de madau ma de masui, gai Jerusalem e nnoho ai naa dangada i dono mommee donu, go Jerusalem.

Zechariah 10:6

“Au e hai naa gi mmahi dangada o Judah, gai au e hagaola naa dangada o Joseph. Au e hagaahe mai naa gilaadeu go hiidinga au e lodo aloha ange gi gilaadeu. Gai e dagodo naa be au tee tili donu gilaadeu, go hiidinga go au Tagi Maolunga, delaadeu Maadua; gai au e basa ange naa gi alaadeu dalodalo.

Jeremiah 33:26

gai au e tili naa hogi hagadiilinga o Jacob ma dogu dangada hai hegau go David, gai au e dee hili naa hogi dahi ono hagadiilinga gi dagina hagadiilinga o Abraham, ma Isaac, aama Jacob. Gai au e hagaahe ange naa delaadeu manuuia aama de lodo aloha ange gi gilaadeu.”

Jeremiah 30:21

Gai delaadeu dagi se dangada donu i olaadeu magavaa; delaadeu dangada aamua e haanau naa i olaadeu magavaa. Gai au e gaamai naa ia gi baa mai, gai ia e humai naa ga hagabaa mai gi de au, Gai goai naa donu e maua i de humai e hagabaa mai noo au e dee dugu ange? go Tagi Maolunga e hagadaba.

Isaiah 60:17

Au e gaavadu naa gi de goe goolo e sui ai bronze, denga selevaa e sui ai iron, denga bronze e sui ai laagau, gai denga iron e sui ai hadu. Au e hai naa de noho baba gi dagina goe gai de heohi go doo hodooligi.

Isaiah 32:1

Tilo, dahi hodooligi e dagi naa i de heohi, gai dagi o de henua e dagi naa i de hagamodu heohi.

Isaiah 29:10

Tagi Maolunga gu hai goodou gi bei tangada seni magau: ia gu haoli oodou ganomada (bei denga pelaabisi), ia gu haoli oodou biho (bei dangada e daalaa mee e loomai).

Isaiah 1:26

Au e hagaahe adu naa oo dangada hagamodu bei de masavaa i mua, gai oo dangada hagasaele gi bei taamada age. Muli mai naa huu gai koe e hagaingoo ange go de Aduhale Heohi ma de Aduhale e Hai Hegau i de Mee Abodonu.”

Isaiah 1:23

Oodou dagi ni dangada hai alaadeu hai, gilaadeu ni soa niio de gau gaiaa. Gilaadeu alodahi e malangilangi i ngadi gaavange hagasenga ma de llodo i denga mee ngadi gaavange. Gilaadeu e dee bale ange de gauligi gu deai sono damana, be go de hine gu magau dono bodu.

Isaiah 1:10

Goodou denga dagi o Sodom, hagalaangona muna a Tagi Maolunga; de huaadangada o Gomorrah, goodou hagalaangona agoago a demaadeu Maadua!

Psalm 46:1

Go de Maadua taadeu buibui ma odaadeu mahi, gai se ia e balea mai i de masavaa hai ngadaa.

Judges 5:9

Au gu maanadu dagi o denga daane hebagi o Israel, mai i magavaa o dangada ne malangilangi laa i de hulo i de hebagi. Duuhia Tagi Maolunga!

Zechariah 12:4

De laangi laa, go Tagi Maolunga e hagadaba, gai au e hai naa gi maatagu denga hoosa, gai denga daane e saavini ai e ssenga ange naa. Gai au e hagaloosi ange naa dangada o Judah, aagai ga hai gi dee kide hoosa alodahi a denga huaahenua ange laa.

Zechariah 14:14

Judah e hebagi naa hogi i Jerusalem. Gai goloa o denga huaahenua alodahi e paa ange gi gilaadeu e hagabudu mai naa: go goolo ma selevaa, aama malo lagolago.

Isaiah 28:5

De laangi laa gai Tagi o denga hagabuulinga hebagi e hai naa go de hau mahamaha, gai se hau ua mahamaha ange gi ono dangada e doe laa.

Isaiah 45:24

Gilaadeu e hagataba naa, ‘Go Tagi Maolunga donu huu e heohi gai e mmahi.’ ” Gilaadeu alodahi e kino i de ia, e loomai naa gi de ia, gilaadeu gu dookaa naa.