Zechariah 11:4 - De Beebaa Dabu

⁴ E hagadaba Tagi Maolunga dogu Maadua: “Hagaloosia ange denga ssiibi gu baba ange laa e daa gi maakau.

Zechariah 11:4 Referans Kwoze

Zechariah 11:7

Gai de gau e hagao ina denga ssiibi ne hai au gi hagaloosia ange denga ssiibi gu baba ange laa e daa gi maakau. Gai au ne hai e lua dogo; au ne hagaingoo ange dahi go de Abodonu, gai dahi go de Buni, gai au ga tilo ange ai de hagabuulingaa ssiibi.

Matthew 23:37

“Jerusalem, Jerusalem! De aduhale ne daia ga maakau denga pelaabisi ma de maga i hadu, gilaadeu ne hai gi loomai gi oo daha! Gu dee modu donu dogu lodo e hagabudu mai au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!

Ephesians 1:3

Duuhia de Maadua ma Tamana o taadeu Dagi Maolunga go Iesu Klisdo, ne hagamanuuia ina laa gidaadeu i daho Klisdo i denga manuuia alodahi i de baasi gi de hagasaalunga i de langi.

Romans 15:8

Gai au e tala adu gi goodou bolo Klisdo ne hai ga se dangada hai hegau niio de gau Ssuu, e hagaago mai ai bolo de Maadua e hai hegau i de mee abodonu, gai e hagadonu ai denga hagatoo donu ange gi denga dubuna madagidagi,

John 20:17

Iesu ne hai ange gi de ia, “Aude poo mai gi de au, i hiidinga au tigi ahe age gi daho Tamana. Aagai koe hannoo gi daho ogu daina hai ange gi gilaadeu, ‘Au e hanage naa gi daho dogu Damana gai go doodou Damana, ma daho dogu Maadua, gai go doodou Maadua hogi.’ ”

Matthew 15:24

Aagai Iesu ga hai ange gi gilaadeu, “Au ne hai donu huu gi humai gi denga ssiibi gu dee maaleva laa i daho de gau Israel.”

Zechariah 14:5

Gai goodou e saavini naa ga hulo laa gaogao de geelonga e vaaea laa denga mounga, go hiidinga de geelonga laa e dae laa gi Azal. Gai goodou e saavini naa ga hulo gee, e dagodo be goodou e saavini e hulo gee mai i de ngalungalue o de henua, i laangi o Uzziah ne hodooligi ai i Judah. Gai Tagi Maolunga dogu Maadua e humai naa madali de gau dabu alodahi.

Micah 5:4

Ia e duu naa ga hagaloosi ana ssiibi i mahi o Tagi Maolunga, ma ssauaa o Iahweh dono Maadua. Gai gilaadeu e nnoho paba naa, gai ia e maolunga naa i henua i lalo alodahi.

Psalm 44:22

Gimaadeu e daia ga maakau i laangi alodahi i oo hiidinga, gimaadeu e bei dagodo o denga ssiibi gu paba ange laa e daa gi maakau.