Zechariah 1:3 - De Beebaa Dabu

³ Deelaa ai, hai ange gi gilaadeu: E hagadaba Tagi o denga hagabuulinga hebagi, goodou aahe mai gi de au, gai au ga aahe adu gi oodou daha, go Tagi o denga hagabuulinga hebagi e hagadaba.

Zechariah 1:3 Referans Kwoze

Malachi 3:7

Mai i de masavaa o oodou dubuna madagidagi, gai goodou ne hulo gee i agu muna gu hagasauaa, gai tee daohi mee nei. Goodou aahe mai gi de au, gai au ga ahe adu gi goodou, go Tagi o denga hagabuulinga hebagi e hagadaba. Aagai goodou e hagataba, ‘Dee hee demaadeu hai e aahe adu ai?’

Jeremiah 3:22

“Denga dama dee hai hegau i de mee abodonu, goodou aahe mai; gai au ga hagaieiangi goodou gi hai hegau ai goodou i mee abodonu.” ⌊Dangada ne hai mai,⌋ “Uaa, gimaadeu e loomai naa gi de goe, i hiidinga go koe go Iahweh demaadeu Maadua!

Joel 2:12

E hagadaba Tagi Maolunga, “Goodou aahe mai gi de au iainei, i oodou lodo alodahi, goodou hagahiikai, ma de tangi, aama de daemaha oodou lodo.”

Jeremiah 4:1

“Israel, noo koe e lodo e ahe mai gi de au, gai ahe mai, go Tagi Maolunga e hagadaba. Noo koe e aau gee oo diinonga hakino gee i mada luoogu mada, gai goodou e dee aahe ange e hulo gee,

Jeremiah 12:15

Aagai dua dagu aau gee gilaadeu mai i olaadeu henua, gai au e ahe ange naa ga lodo aloha ange gi gilaadeu, ga hagaahe mai dahi ma dahi gi dono boolonga aama dono henua donu.

Isaiah 31:6

De gau Israel, goodou aahe mai gi de ia oodou gu hai baasi ange naa aagena.

Hosea 14:4

Au e hagaieiangi naa gilaadeu mai i delaadeu hulo gee i de au ma de aloha ange gi gilaadeu, i hiidinga gu helui dogu lili i gilaadeu.

Hosea 6:1

“Loomai, gidaadeu ga ahe ange gi Tagi Maolunga; ia gu hagammae gidaadeu, aagai ia e hagaieiangi naa gidaadeu; ia gu hagalagolagohia gidaadeu, aagai ia e saabini naa odaadeu maanuga.

Ezekiel 33:11

Hai ange gi gilaadeu, ‘Au e hagatoo donu i dogu mouli, go de Ia Aamua go Iahweh e hagadaba: Au e dee malangilangi donu i de magau o tangada baubau, aagai tangada baubau gi dahuli gee i ana hegau baubau, gi mouli ai i. Goodou daahuli gee, goodou daahuli gee i oodou hegau baubau! De gau Israel, ni haigamaiana aha doodou maakau?’

Jeremiah 35:15

Au gu dee modu hogi de hai ogu dangada hai hegau, go denga pelaabisi gi loadu gi oodou daha, gi hai adu, ‘Dahi ma dahi gi hano gee mai i ana hegau baubau, ma gi suuia ana dahulinga; gai goodou gi dee daudali ange i denga diinonga, ma de daumaha ange gi gilaadeu, gi maua ai e goodou i de nnoho i de henua, aagu gu gaavadu gi goodou ma oodou dubuna.’ Aagai goodou tee aanga mai aabe ne hagallongo mai gi de au.

Jeremiah 25:5

Gilaadeu ne hai adu, ‘Goodou alodahi dilia oodou dahulinga baubau ma oodou hegau baubau, gi maua ai e goodou i de nnoho i de henua a Tagi Maolunga gu gaavadu gi goodou ma oodou dubuna ga hano ai.

Hosea 14:1

Israel, ahe mai gi Tagi Maolunga doo Maadua, oo baubau gu hagahaisala goe.

Nehemiah 9:28

Aagai de masavaa huu olaadeu ne nnoho paba ai, gai gilaadeu ga aahe ange ga hai de baubau i mada luoo mada; gai koe ga tili ange gilaadeu gi olaadeu hagadaumee gi hagadee kii ina, gai gilaadeu gu nnoho i lalo olaadeu hagadaumee. Gai de masavaa huu olaadeu ne daahuli mai ai ga tangi adu gi de goe, gai koe gu langona delaadeu tangi mai i de langi. Gai ne lagolago hanonga aau ne hagaola ai gilaadeu, i hiidinga doo lodo aloha.

2 Chronicles 15:4

Aagai ga duasala huu gilaadeu, gai gilaadeu ga aahe mai gi Tagi Maolunga, de Maadua o Israel, ma de ssala ia, gai gilaadeu gu gidee ia.

De Beebaa go Job 22:23

Noo koe e ahe mai gi de Ia Mmahi Mmao laa, gai koe e hagadaga age ange naa; noo koe e vvae gee de baubau mai i oo hale,

Isaiah 44:22

Au gu ili gi hulo oo haisala bei dahi giliiga, ma de hai oo haisala gi bei de mama o denga vai. Ahe mai gi de au, go hiidinga au gu hagaola goe.

Jeremiah 3:1

Noo dahi daane e maavae ange gi dono bodu, gai de hine laa e hano ga hai bodu ange gi dahi daane gee, gai e maua naa e taane i mua i de ahe ange gi de hine laa? E aha, e dee hai naa ga hakino gee de henua alodahi? Aagai koe e noho madali oo dau soa soa bei dagodo o dahi hahine hai be se manu — gai e maua ai naa e goe i de ahe mai gi de au? go Tagi Maolunga e hagadaba.

Ezekiel 18:19

Aagai goodou e hagataba, ‘Gu aha gu dee hagaduasala ai tama i hiidinga baubau o dono damana?’ Dana dama ne hai hegau i de hagamodu heohi ma de heohi, ma de kana ange ga daohi agu mee alodahi gu hagasauaa, deelaa ai, ia e mouli donu.

2 Chronicles 15:2

gai ia ne hano ga hedae ange gi Asa, ga hai ange gi de ia, “Asa, ma denga daane alodahi o Judah ma Benjamin, goodou hagalaangona agu muna. Tagi Maolunga e noho madali goodou, noo goodou e nnoho madali ia. Noo goodou e ssala ia, gai goodou e gidee naa donu ia, aagai noo goodou e tili ia, gai ia e tili naa hogi goodou.

Ezekiel 18:31

Dilia oodou haisala alodahi gu haisala mai ai gi de au, gai hagahoou ina oodou lodo ma oodou hagasaalunga! Dangada o Israel, ni haigamaiana aha doodou maakau?

Ezekiel 18:32

Au e dee malangilangi i de magau o dahi dangada daudahi, go de Ia Aamua go Iahweh e hagadaba; deenei ai, goodou daahuli oodou lodo gi mouli ai goodou.