Zechariah 1:21 - De Beebaa Dabu

²¹ Gai au ne ssili ange, “Ni hegau aha a labagau o denga baalanga e loomai nei e hai?” Ia ne hai mai, “Aanei denga hanga ne haia laa ga mavaevae saele dangada o Judah, gai teai se dangada ne ilaage. Denga labagau nei ne loomai e hagamaatagu ma de hagamaolalo denga huaahenua ne hai baasi ange laa gi de henua o Judah ga hai gu mavaevae saele ono dangada.”

Zechariah 1:21 Referans Kwoze

Zechariah 1:19

Gai au ne ssili ange gi tangada de langi e pasa laa gimaau, “Aahee hagadoonunga o denga hanga nei?” Ia ne hai mai, “Aanei hanga ne haia ga mavaevae saele dangada o Judah ma Israel aama Jerusalem.”

Lamentations 2:17

Tagi Maolunga gu hai gi bei dana hagatau, gai gu hagassula ana muna, go ana muna gu hagasauaa madagidagi loo. Ia gu oha de aduhale, ia tee lodo aloha ange donu aagena; ia gu hai de hagadaumee gi malangilangi i mee gu hai adu gi de goe, ma de hai oo hagadaumee gi mmahi ange i de goe.

Psalm 75:10

Au e hai naa donu gi deai mahi o de gau baubau alodahi, aagai au e hai naa gi hagadagadaga age mahi olaadeu e heohi.

Daniel 12:7

Gai taane e gahu laa i malo linen ma e duu ai i honga vai o ssaalingaa vai, ne haalo luoono lima gi lunga; gai au ne langona ia e hagatoo donu i de ingoo o de ia e mouli laa ga hano ai, ga hagadaba, “E dahi masavaa, ma hanu masavaa, aama e dahi baasi masavaa. Gai de masavaa naa huu e lava ai de hagaduasala o de huaadangada dabu laa, gai mee nei alodahi gu lava.”

Psalm 83:2

Galo ange diiloo, oo hagadaumee gu hiihidi age e hebagi; gai gilaadeu e kino i de goe gu daangage age olaadeu biho.