Zechariah 1:20 - De Beebaa Dabu

²⁰ Gai Tagi Maolunga ne hagaago mai gi de au e dogohaa labagau o denga baalanga.

Zechariah 1:20 Referans Kwoze

Obadiah 1:21

De gau hagaola e loage naa gi de mounga go Zion ga dagi ai i denga mounga o Esau. Gai de nohoanga hodooligi e hai naa ga niio Tagi Maolunga.

Nehemiah 9:27

Gai koe ne dugu ange olaadeu hagadaumee gi hagaduasala ina gilaadeu. Aagai de masavaa huu olaadeu ne duasala ai, ga tangi adu gi de goe, gai koe ne langona mai i de langi, gai go hiidinga o doo lodo aloha laumalie, gai koe ne gaavange gi gilaadeu hanu dangada gi hagaola ina gilaadeu mai i ssauaa o olaadeu hagadaumee.

1 Samuel 12:11

Gai Tagi Maolunga ne hai gi loomai Jerub-Baal, Barak, ma Jephthah, aama Samuel gi olaadeu daha, gai ia ne hagaola goodou mai i oodou hagadaumee i luu baasi doodou henua, gai iainei goodou gu nnoho paba.

Judges 11:18

Gai gilaadeu ne hulo gi de vao ga holiage ange laa gaogao luu henua go Edom ma Moab, ga hulo ai laa baasi dua o Moab, gai gilaadeu ne hulo ga nnoho gaainga i de baasi gee o ssaalingaa vai go Arnon. Gilaadeu tee ulu donu i de henua o Moab, go hiidinga de ngaadonga o de henua o Moab go Arnon.

Judges 11:16

Aagai de masavaa olaadeu ne ssao mai ai i Egypt, gai Israel ne hulo laa lo te vao ga hulo ai gi Tai Mmea, gai ne hulo mai i kilaa gi Kadesh.

Deuteronomy 33:25

Mee e hagamakaga ai oo haitoga e hai i iron ma bronze, oo mahi e duudagi naa donu huu i taulooloa doo mouli!

Isaiah 44:12

De labagau o denga baalanga e kave dahi goloa baalanga; ga dugu ange gi lo te ahi e hholu ai; gai ia ga hagahua ai dahi diinonga i denga haamaa, i dana dugidugi i dono lima. Ia e hano ga saalohia gu deai ono mahi; gai e ssili ono mada i dana dee unu vai.