Zechariah 1:15 - De Beebaa Dabu

¹⁵ Gai au gu kona hogi dogu lili i denga huaahenua e nnoho paba laa, go hiidinga de masavaa oogu ne damaa lili ai i ogu dangada, gai gilaadeu ne kona donu delaadeu hagaduasala ogu dangada.

Zechariah 1:15 Referans Kwoze

Jeremiah 51:24

Au e sui ange naa hegau a Babylon ma dangada alodahi e nnoho i kilaa i oodou mada i mua, i hiidinga hegau baubau alodahi alaadeu ne hai i Zion, go Tagi Maolunga e hagadaba.

Isaiah 54:8

Au ne kona mmao dogu lili gai au ga haoli luoogu mada gi dee gidee e goodou i dahi masavaa bodobodo, aagai au e abodonu adu gi de goe ga hano ai ma de lodo aloha adu naa gi de goe, go Tagi Maolunga doodou Ia Hagaola e hagadaba.

Zechariah 1:11

Gai gilaadeu ne hai ange gi tangada de langi o Tagi Maolunga e duu laa i magavaa o denga myrtle, “Gimaadeu gu hulo ma gu hagaloosi henua i lalo, gai henua i lalo alodahi e nnoho paba ma de malino.”

Zechariah 1:2

“Tagi Maolunga ne kona mmao dono lili i oodou dubuna madagidagi.

Psalm 69:26

Go hiidinga gilaadeu ne vaivai hai tangada aau gu haele, ma de hagammae tangada aau gu hagalagohia.

Amos 6:1

E vakaa naa gilaadeu e nnoho duadonu i Zion, ma gilaadeu e nnoho paba i honga de mounga go Samaria, goodou denga daane dau o de huaahenua e maolunga i denga huaahenua, go gilaadeu o de gau Israel e hulo aagena!

Ezekiel 26:2

“Tama a tangada, go hiidinga Tyre gu hakadanga i Jerusalem ma de hagadaba, ‘De haitoga o denga huaahenua gu maoha, gai ono abaaba gu maahuge mai gi de au; iainei gai gu maoha ma gu ngadi dagodo, gai au e hagadagadaga age naa,’

Psalm 137:7

Tagi Maolunga, manadua mee a de gau Edom ne hai, i de laangi o Jerusalem ne oohaa ai. Gilaadeu ne hagataba, “Oohaa ina, oohaa iho donu gi sula age tagelo!”

Psalm 123:4

Gu daulooloa mmao demaadeu hagadookaa ina i daho de gau hagamaolunga, ma de hagangadi mee ina i daho de gau lodo maolunga.

Zechariah 6:8

Dua mee nei gai tangada de langi ne oo ga hai mai, “Tilo, denga hoosa ne hulo laa gi henua i ngaiho gu hai ma gu sili dogu lili i de henua i ngaiho.”

De Beebaa go Job 30:13

Gilaadeu gu oha dogu haiava; gilaadeu gu hagahai ngadaa donu au, gai teai hogi dangada ne daohia gilaadeu.

Jeremiah 30:16

Aagai dangada alodahi e oohaa goe e oha naa donu, oo hagadaumee alodahi e noonoa naa ga gaavee gee. Dangada ne gaiaadia oo mee e gaiaadia naa hogi alaadeu mee, gilaadeu alodahi e haia gi de mahi oo goloa e haia gi de mahi naa hogi olaadeu goloa.

Jeremiah 50:33

Gai e hagadaba Tagi o denga hagabuulinga hebagi: “Dangada o Israel gu vaivai haia, aama dangada hogi o Judah. Dangada ne gaavee gilaadeu e daohi donu huu gilaadeu, e dee llodo e dugu gilaadeu gi hulo.

Habakkuk 3:12

Koe ne seesee i henua i lalo alodahi i doo bole, gai koe ne dagadagahi denga huaahenua i doo lili.

Zechariah 14:12

Gai deenei de mee hagamaakau a Tagi Maolunga e hagaduasala ai denga huaahenua ne hebagi ange gi Jerusalem: olaadeu angaanga e daamada naa de pobo i de masavaa olaadeu goi tuu ai gi lunga, olaadeu hadu mada e pobo naa i lodo olaadeu duulanga, olaadeu alelo e pobo naa hogi i lodo olaadeu ngudu.