Zechariah 1:14 - De Beebaa Dabu

¹⁴ Gai tangada de langi laa ne hai mai, “Oo ma gi daalaa muna a Tagi o denga hagabuulinga hebagi: Au gu kona mmao dogu maagoda i hiidinga o Jerusalem ma Zion.

Zechariah 1:14 Referans Kwoze

Joel 2:18

Gai Tagi Maolunga gu lodo gaiaa i hiidinga o dono henua, ia gu lodo aloha hogi i ono dangada.

Zechariah 1:17

Ahe ange hagailoo ina hagadaba: E hagadaba Tagi o denga hagabuulinga hebagi: Ogu aduhale e aahe ange naa ga hagadagadaga age, gai Tagi Maolunga e ahe ange naa ga hagaaneane Zion ma de hili Jerusalem.”

Zechariah 1:9

Gai au ne ssili ange, “Dogu dangada aamua, ni aha aanei?” Gai tangada de langi e pasa laa gimaau, ne hai ange, “Au gu dai hagaago adu naa gi de goe hagadoonunga o mee nei.”

Isaiah 40:6

De leo o dahi e hagadaba, “Oo gi laumalie doo leo!” Gai au ne ssili ange, “Aahee agu muna e oo e tala?” “Dangada alodahi e bei dagodo o denga helii, gai olaadeu mahamaha alodahi e bei denga huaala i lo te duu malaelae.

Isaiah 40:1

E hagadaba doodou Maadua: Hagaaneane ina, hagaaneane ina ogu dangada.

Zechariah 1:13

Gai Tagi Maolunga ne basa maamaane ange ma de hagaaneane ange tangada de langi nogo pasa laa gimaau.

Nahum 1:2

Tagi Maolunga e lodo gaiaa, gai se Maadua e sui ange de baubau; Tagi Maolunga e sui ange baubau o ono hagadaumee. Tagi Maolunga e sui ange hegau a ono hagadaumee, ma de hagaduasala gilaadeu e kino i de ia i dono bole.

Hosea 11:8

Ephraim, e maua e au i de tili goe? Israel, e maua e au i de dugu goe gi hano? E maua e au i de hai goe bei dagodo o Admah? E maua e au i de hai goe bei dagodo o Zeboiim? Ogu lodo gu dee baba mmao, au gu dee maua i de golomagi dogu lodo aloha.

Isaiah 63:15

Koe gi galo iho i de langi ma gi diiloo, ma mai i doo nohoanga maolunga, i de dabu ma de mahamaha. I hee iai doo lodo mmahi ma doo sauaa? Koe gu daohi doo abodonu ma doo lodo aloha i gimaadeu.

Isaiah 59:17

Ia e dau de heohi bei de mee dau i hadahada ma de hagauda de goobai baalanga o de hagaola i honga dono biho; gai e gahu i malo e sui ange ai i de hagaduasala, ma de saabini ia i de lodo mmahi bei de malo laa daha.

Isaiah 42:13

Tagi Maolunga e humai naa bei taane dau i de hebagi, ia e bei naa taane hebagi e hagammahi laa ia; ia e oo i de masavaa o de hebagi, ma de hagadee kii ono hagadaumee.

Isaiah 38:22

Gai Hezekiah ne ssili ange, “Dee hee de hagailonga e hagadonu ai bolo au e hanage gi de hale o Tagi Maolunga?”

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Zechariah 4:1

Gai tangada de langi nogo pasa laa gimaau ne humai ange ga hhango mai au, bei dagodo o tangada se goodo alahage laa i de seni.

Isaiah 37:32

Gai e hanu naa donu dangada e doe i Jerusalem, gai e hanu e ola i de mounga go Zion. Go mahi donu o Tagi o denga hagabuulinga hebagi e hagassula ina de mee nei.

Isaiah 40:2

Hagamaamaane ina lodo o Jerusalem; daalaa ange gi de aduhale laa bolo gu odi ange dono masavaa hagaduasala, gai ono baubau gu maatala; Tagi Maolunga ne hai gi lua hanonga e kii ange ai dono hagaduasala i ono haisala.

Ezekiel 36:5

deenei ai, e hagadaba de Ia Aamua go Iahweh: Au e basa i dogu maagoda e hai baasi ange gi denga huaahenua, ma Edom alodahi, go hiidinga gilaadeu ne malangilangi ma de hagangadi mee dogu henua ga kave ga henua ai aama de gaiaa ono mommee iai helii.