Titus 3:9 - De Beebaa Dabu

⁹ Aagai koe huli gee i denga ngadi mee e dee heloongoi ai dangada, ma hagatau o denga aamuli, ma mee o de hainga e hagadaumee ai ma de hebagi ai dangada, i hiidinga mee nei e deai donu olaadeu haigamaiana.

Titus 3:9 Referans Kwoze

2 Timothy 2:14

Gai koe hagamanadua ina ange gi gilaadeu mee nei, ma de tala ange gi gilaadeu i mada luu mada o de Maadua gilaadeu gi dee hagadaumee i denga hagadoonunga o hanu muna; mee nei e deai donu olaadeu haigamaiana, aagai e oha donu lodo o dangada e langona mee laa.

2 Timothy 2:23

Koe gi dee anga ange gi ngadi muna ma muna llodo ssenga e dee heloongoi ai dangada, go hiidinga koe e iloo bolo mee nei e hidi mai ai de hagadaumee o dangada.

1 Timothy 4:7

Gai koe gi dee anga ange gi denga ngadi daalanga e dee bei lodo o de Maadua, ma ngadi daalanga a denga haahine madumaatua. Aagai koe agoago i de hai lodo o de Maadua;

2 Timothy 2:16

Aagai koe huli gee i denga ngadi muna, go hiidinga dangada e haia mee nei e hagadagadaga ange naa donu de baubau.

Titus 1:14

gai gilaadeu gi dee hagalaangona denga ngadi daalanga a de gau Ssuu ma muna a dangada gu daahuli gee laa i de muna abodonu.

De Beebaa go Job 15:3

E aha, ia e hagadaumee mai naa i hanu ngadi muna, ma muna e deai olaadeu haigamaiana?

1 Corinthians 8:1

Gai dagodo o denga gai gu sigidaumaha ange laa gi denga diinonga: gidaadeu e iloo bolo “gidaadeu alodahi e hanu donu odaadeu iloo mee.” De iloo mee nei e hidi mai ai de lodo maolunga, gai de aloha e hagammahi lodo o dangada.

1 Corinthians 13:2

Gai noo au e maua i de basa pelaabisi, ma de donu ange gi mee alodahi e dee iloo laa, ma de kave de iloo mee alodahi, gai noo e dahi ogu gai e hagangaalue ai denga mounga, aagai e deai se aloha i ogu daha, gai au se ngadi mee donu.

James 4:1

Gai aahee hiidinga e ssula age ai laa denga hebagi, ma de hagadaumee i oodou magavaa? E dee go hiidinga o denga lodo e hagadau hebagi i oodou lodo naa?