Titus 3:13 - De Beebaa Dabu

¹³ Gai koe bale ange Zenas, tangada hagamodu muna, ma Apollos gi moolau delaau hulo, ma de tilo ga hai gi odi ange danuaa olaau mee e hulo ai.

Titus 3:13 Referans Kwoze

Acts 18:24

Gai e dahi daane Ssuu dono ingoo go Apollos, ia se daane mai i Alexandria, gai gu humai gi Ephesus. Ia se daane heiangi i de basa i honga o dangada gai ia e iloo de Beebaa Dabu.

Matthew 22:35

Gai dahi dangada agoago o de hainga i olaadeu magavaa ne ssili ange dahi muna ssili e hagatale ai ia:

Acts 28:10

Gai dangada o de modu laa ne ngadi gaamai hanu mee lagolago gi gimaadeu. Gai de masavaa omaadeu ne maalanga ai e hulo gee i kilaa, gai gilaadeu ga hhao demaadeu vaga i mee alodahi omaadeu e hagadanuaa ai.

1 Corinthians 16:11

Gai gi deai se goodou e hagangadi mee ina ia. Gai balea ange ga hai ia gi ahe mai i de baba, gi maua ai e ia i de humai gi dae mai gi ogu daha, go hiidinga au e tali ia gi ahe mai madali denga daina ange laa.

Romans 15:24

Au e tali hagalodolodo bolo gidaadeu e hedae naa donu i dogu hanadu e hano gi Spain, gai goodou ga bale mai ai au i dogu hano gi kilaa, i dua dogu damaa noho ange i oodou daha.

Acts 21:5

Gai ga odi huu laangi omaadeu ne nnoho ai i kilaa, gai gimaadeu ga hiihidi age e hulo, gai gilaadeu alodahi ma olaadeu bodu ma alaadeu dama ne daudali mai i gimaadeu ga hulo ai gi tua de aduhale. Gai gimaadeu ne duuduli i honga de gelegele ga dalodalo.

Luke 14:3

Gai Iesu ga ssili ange gi de gau agoago o de hainga ma denga Pharisee, “E heohi de hagaieiangi magi i de laangi o Sabbath be deai?”

Luke 11:52

E vakaa naa goodou e de gau agoago o de hainga! Go hiidinga goodou gu kave gee de gii o de iloo mee; goodou tee ulu i de nohoanga hodooligi, gai goodou e buibui hogi dangada e llodo e ulu ai!”

Luke 11:45

Dahi dangada agoago o de hainga ne hai ange hogi gi de ia, “Tangada Agoago, koe e hagadookaa donu hogi gimaadeu i au muna!”

Luke 10:25

Dahi dangada agoago o de hainga ne duu age hogi ga hagatale Iesu ga ssili ange, “Tangada Agoago, se aha aagu e hai gi maua ai e au de mouli e dee ngado mai?”

Luke 7:30

Aagai denga Pharisee aama de gau agoago o de hainga ne hagangadi mee de hagatau a de Maadua, gilaadeu tee babudaisi i daho John.

Acts 15:3

Gai ga haia huu e de nohoanga dabu gilaadeu gi hulo, gai gilaadeu ga hulo laa Phoenicia ma Samaria, ga tala ai dagodo de daahuli lodo o denga Gentile. Gai denga daina alodahi i kilaa gu malangilangi mmao.

Acts 19:1

De masavaa o Apollos e noho ai i Corinth, gai Paul ne hano laa uda ga hano ai ga dae gi Ephesus. Gai ia ne hedae ange gi hanu dangada agoago i kilaa.

1 Corinthians 16:12

Gai dagodo o taadeu daina go Apollos, au ne hagammahi ange ia gi hanadu gi oodou daha madali denga daina ange laa, aagai ia tigi lodo e hanadu iainei. Gai ia e hanadu naa donu i de masavaa e heohi ange ai.